‘అఖండ 2’ కోసం సర్వేపల్లి సిస్టర్స్‌

‘అఖండ’లో తనదైన సంగీతంతో థియేటర్లు దద్దరిల్లిపోయేలా చేసిన సంగీత దర్శకుడు తమన్‌.. ‘అఖండ 2: తాండవం’తోనూ అదే మ్యాజిక్‌ను పునరావృతం చేసేందుకు శ్రమిస్తున్నారు. బాలకృష్ణ కథానాయకుడిగా బోయపాటి శ్రీను తెరకెక్కించిన పాన్‌ ఇండియా చిత్రమిది. రామ్‌ ఆచంట, గోపి ఆచంట నిర్మిస్తున్నారు. ఈ సినిమా డిసెంబరు 5న ప్రేక్షకుల ముందుకు రానుంది. ఈ నేపథ్యంలోనే ఈ చిత్ర నేపథ్య సంగీత పనుల్ని వేగవంతం చేశారు తమన్‌. ఇప్పుడీ చిత్రంతో సర్వేపల్లి సిస్టర్స్‌గా గుర్తింపు తెచ్చుకున్న సింగర్స్‌ శ్రేయ, రాజ్యలక్ష్మిలను తెరకు పరిచయం చేయనున్నట్లు గురువారం ప్రకటించారు. ‘‘ఈ చిత్ర నేపథ్య సంగీతానికి ఈ సోదరీమణుల ఎనర్జిటిక్‌ గాత్రం అదనపు ఆకర్షణగా నిలుస్తుంద’’ని చిత్ర వర్గాలు తెలిపాయి.