నయనికతో అల్లు శిరీష్‌ నిశ్చితార్థం

కుటుంబ సభ్యుల సమక్షంలో ఉంగరాలు మార్చుకుంటున్న కాబోయే జంట

యువ కథానాయకుడు అల్లు శిరీష్‌ వివాహ నిశ్చితార్థం నయనికతో శుక్రవారం హైదరాబాద్‌లో జరిగింది. కుటుంబ సభ్యులు, సన్నిహితుల సమక్షంలో శిరీష్, నయనిక ఉంగరాలు మార్చుకున్నారు. జూబ్లీహిల్స్‌లోని నయనిక నివాసంలో ఈ వేడుకని నిర్వహించారు. ‘నేను, నయనిక కలిసి జీవితాన్ని పంచుకోనున్నాం’ అంటూ అక్టోబరు 1న అల్లు శిరీష్‌ సామాజిక మాధ్యమాల్లో ప్రకటించిన విషయం తెలిసిందే. చిరంజీవి కుటుంబ సభ్యులు, అల్లు కుటుంబం మధ్య సందడిగా నిశ్చితార్థ వేడుకని నిర్వహించారు. త్వరలోనే శిరీష్, నయనిక జంట పెళ్లి పీటలెక్కనుంది.