కేరళ నేపథ్యంలో... నరుడి బతుకు నటన

పీపుల్‌ మీడియా ఫ్యాక్టరీ పతాకంపై ఈ నెల 26న  ప్రేక్షకుల ముందుకొస్తున్న చిత్రం ‘నరుడి బ్రతుకు నటన’. శివకుమార్‌ రామచంద్రవరపు, నితిన్‌ ప్రసన్న, శ్రుతిజయన్‌, ఐశ్వర్య అనిల్‌ కుమార్‌, వైవా రాఘవ ప్రధాన పాత్రధారులు. రిషికేశ్వర్‌ యోగి దర్శకుడు. టి.జి.విశ్వప్రసాద్‌, సుకుమార్‌ బొరెడ్డి, డా.సింధురెడ్డి నిర్మాతలు. ‘‘విడుదలకి ముందే అరవైకిపైగా పురస్కారాల్ని గెలుచుకున్న చిత్రమిది. ఓ జీవితాన్ని చూసినట్టుగా, ఎన్నో జ్ఞాపకాల్ని నెమరేసుకున్నట్టుగా ఉంటుంది.  ప్రేమ, స్నేహం, బాధ, నవ్వు... ఇలా పలు భావోద్వేగాలతో కూడిన ఈ కథ కేరళ నేపథ్యంలో సాగుతుంది. ప్రకృతి అందాలు ఈ చిత్రానికి మరింత ఆకర్షణగా నిలుస్తాయ’’ని సినీవర్గాలు తెలిపాయి.