Operation Valentine: ‘ఆపరేషన్‌ వాలెంటైన్‌’ సెన్సార్‌ రిపోర్టు.. రన్‌టైమ్‌ ఎంతంటే?

‘ఆపరేషన్‌ వాలెంటైన్‌’ సెన్సార్‌ కార్యక్రమాలు పూర్తయ్యాయి. వరుణ్‌ తేజ్‌ హీరోగా నటించిన ఈ సినిమా మార్చి 1న విడుదల కానుంది.

Published : 28 Feb 2024 18:46 IST

ఇంటర్నెట్‌ డెస్క్‌: వరుణ్‌ తేజ్‌ (Varun Tej) హీరోగా దర్శకుడు శక్తిప్రతాప్‌ సింగ్‌ హడా రూపొందించిన చిత్రం ‘ఆపరేషన్‌ వాలెంటైన్‌’ (Operation Valentine). మానుషి చిల్లర్‌ (Manushi Chhillar) హీరోయిన్‌. రుహానీ శర్మ (Ruhani Sharma), నవదీప్‌ (Navdeep) కీలక పాత్రలు పోషించారు. మార్చి 1న విడుదల కానున్న ఈ సినిమా సెన్సార్‌ కార్యక్రమాలు (Operation Valentine Censor Report) పూర్తయ్యాయి. సెన్సార్‌ బోర్డు ఈ చిత్రానికి యు/ఏ సర్టిఫికెట్‌ జారీ చేసినట్లు వరుణ్‌ సోషల్‌ మీడియా వేదికగా పోస్ట్‌ పెట్టారు. ఈ సినిమా రన్‌టైమ్‌ 2: 04 గంటలని సినీవర్గాలు తెలిపాయి. తెలుగు, హిందీలో ఈ మూవీ రిలీజ్‌ అవుతుంది (Operation Valentine Release Date).

2019లో జరిగిన పుల్వామా దాడి ఇతివృత్తంగా ఈ సినిమా రూపొందింది. భారత వైమానిక దళ వీరుల అలుపెరగని పోరాటాన్ని, దేశాన్ని రక్షించడంలో వారు ఎదుర్కొంటున్న సవాళ్లను ఇందులో చూపించనున్నారు. వరుణ్‌ ఇందులో ఇండియన్‌ ఎయిర్‌ఫోర్స్‌ ఫైటర్‌ పైలట్‌ రుద్రగా కనిపిస్తారు. ఆయన ఈ సినిమాతోనే బాలీవుడ్‌లోకి ఎంట్రీ ఇస్తున్నారు. తాను గతంలో నటించిన దేశభక్తి చిత్రం ‘కంచె’కు మించిన ఎమోషన్స్‌ ‘ఆపరేషన్‌ వాలెంటైన్‌’లో ఉంటాయని వరుణ్‌ ఓ ఇంటర్వ్యూలో తెలిపారు. ఇందులో మంచి ప్రేమకథ కూడా ఉందని చెప్పారు.

Tags :

Trending

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ap-districts
ts-districts

సుఖీభవ

చదువు