Breaking | Feedback | ePratibha | E-PAPER | Pratibha

Kalki 2898 AD: ఫిల్మ్‌ ఆఫ్‌ ది ఇయర్‌గా ‘కల్కి’

By Cinema Desk Updated : 02 Nov 2025 05:58 IST

Font size

ABC MEDIUM
ABC LARGE
ABC EXTRA LARGE

1 min read

అద్భుతమైన విజువల్స్‌తో సరికొత్త ప్రపంచాన్ని పరిచయం చేసి విమర్శకుల ప్రశంసలు అందుకున్న ‘కల్కి 2898 ఏడీ’ సినిమా మరోసారి సత్తా చాటింది. ఈ సినిమా ‘దాదా సాహెబ్‌ ఫాల్కే ఇంటర్నేషనల్‌ ఫిల్మ్‌ ఫెస్టివల్‌ 2025’లో ఫిల్మ్‌ ఆఫ్‌ ది ఇయర్‌గా నిలిచింది. ముంబయిలో జరిగిన ఈ వేడుకలో 2024కి గానూ సినిమాలతో పాటు వెబ్‌సిరీస్‌ల్లో ప్రతిభ చాటిన వారిని పురస్కారాలు వరించాయి. ప్రేక్షకుల్ని భయంతో పరుగులు పెట్టించిన ‘స్త్రీ 2’ ఉత్తమ చిత్రంగా అవార్డును దక్కించుకుంది.

ఉత్తమ నటీనటులుగా కార్తిక్‌ ఆర్యన్, కృతి సనన్‌ నిలిచారు. ‘చందు ఛాంపియన్‌’ చిత్రానికి గానూ ఉత్తమ దర్శకుడిగా కబీర్‌ ఖాన్, ప్రొడ్యూసర్‌ ఆఫ్‌ ది ఇయర్‌గా దినేశ్‌ విజన్‌ అవార్డులు సొంతం చేసుకున్నారు. క్రిటిక్స్‌ విభాగంలో ఉత్తమ చిత్రంగా ‘లాపతా లేడీస్‌’, ఉత్తమ నటీనటులుగా విక్రాంత్‌ మాస్సే, నితాన్షీ గోయెల్‌ పురస్కారాలు గెల్చుకున్నారు. ఆర్టిస్ట్‌ ఆఫ్‌ ది ఇయర్‌గా ఏఆర్‌ రెహమాన్, ‘పుష్ప 2’కి గానూ ఉత్తమ సంగీత దర్శకుడిగా దేవిశ్రీ ప్రసాద్‌ నిలిచారు. ఎక్స్‌లెన్స్‌ ఇన్‌ ఇండియన్‌ సినిమాగా శిల్పాశెట్టి, అవుట్‌స్టాండింగ్‌ కాంట్రిబ్యూషన్‌ ఇన్‌ ఫిల్మ్‌ ఇండస్ట్రీగా జీనత్‌ అమన్, అవుట్‌స్టాండింగ్‌ కాంట్రిబ్యూషన్‌ ఇన్‌ మ్యూజిక్‌ ఇండస్ట్రీగా ఉషా ఉతుప్‌ అవార్డులు దక్కించుకున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

Published : 02 Nov 2025 02:25 IST

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.