Pushpa 2: తొలిరోజు పుష్పరాజ్‌ హవా.. వరల్డ్‌ వైడ్‌గా ‘వైల్డ్‌ ఫైర్‌’ రికార్డులివే

ఇంటర్నెట్‌డెస్క్‌: వైల్డ్‌ ఫైర్‌ అంటూ థియేటర్‌లలోకి అడుగుపెట్టిన పుష్పరాజ్‌ వరల్డ్‌ వైడ్‌గా సందడి చేస్తున్నాడు. విడుదలకు ముందునుంచే రికార్డులు సొంతం చేసుకున్న ‘పుష్ప2’ (Pushpa 2) రిలీజ్ తర్వాత కూడా హవా కొనసాగిస్తోంది. మొత్తం 12 వేల థియేటర్‌లలో ఈ చిత్రాన్ని విడుదల చేశారు. ఓవర్సీస్‌లోనే 4,783 థియేటర్‌లలో ‘పుష్ప2’ విడుదలైంది. అల్లు అర్జున్ (Allu Arjun) హీరోగా సుకుమార్‌ దర్శకత్వంలో తెరకెక్కిన ఈ యాక్షన్‌ థ్రిల్లర్ తొలిరోజు రూ.294 కోట్లు వసూలు చేసిన సంగతి తెలిసిందే. దీంతోపాటు పలు రాష్ట్రాల్లోనూ రికార్డులను నెలకొల్పింది. అవేంటంటే..

• హిందీలో డబ్‌ అయిన సినిమాల్లో ఉత్తర అమెరికాలో వేగంగా వన్‌ మిలియన్‌ డాలర్లు సాధించిన చిత్రంగా ‘పుష్ప2’ నిలిచింది. 
• విడుదలకు ముందు బుక్‌ మై షోలో గంటలో లక్ష టికెట్లు అమ్ముడైన చిత్రంగా రికార్డు నెలకొల్పిన ‘పుష్ప2’.. విడుదల తర్వాత ఆ రికార్డును అదే బ్రేక్‌ చేసింది. రెండోరోజు కూడా గంటలో లక్షకు పైగా టికెట్స్‌ అమ్ముడయ్యాయి (Pushpa 2 Records).
• నార్త్‌ అమెరికాలో రెండు రోజుల్లో 6 మిలియన్ల డాలర్ల క్లబ్‌లో చేరిన చిత్రంగా ‘పుష్ప2’ రికార్డు నెలకొల్పింది.
• ‘పుష్ప2’కు సపోర్ట్‌ చేసిన జాన్వీకపూర్‌.. వారికి కౌంటర్‌ ఇస్తూ రిప్లై
• కర్ణాటకలో ‘పుష్ప2’ మొదటిరోజు రూ.23.7 కోట్లు (గ్రాస్‌) వసూళ్లు చేసింది. తెలుగు సినిమాకు మొదటిరోజే అక్కడ ఈ స్థాయిలో కలెక్షన్స్‌ రావడం ఇదే తొలిసారి కావడం విశేషం.
• విదేశాల్లో ఈ చిత్రం ఇప్పటివరకు 8 మిలియన్‌ డాలర్లు వసూళ్లు చేసింది. ఇండియన్‌ సినిమాకు ఇన్ని ఓపెనింగ్స్ రావడం ఇదే తొలిసారి (Pushpa 2 Worldwide Records).
• కేరళలో రూ.6.35 కోట్లతో బాక్సాఫీస్‌ను ఓపెన్‌ చేశాడు పుష్పరాజ్‌. 2024లోనే కేరళలో ఇది బిగ్గెస్ట్‌ ఓపెనింగ్‌ అని నిర్మాణసంస్థ తెలిపింది.
• తమిళనాడులో ‘పుష్ప2’ మొదటిరోజు రూ.11 కోట్లు (గ్రాస్‌) వసూళ్లు చేసింది. తెలుగు డబ్బింగ్‌ సినిమాకు తమిళనాడులో ఇన్ని కోట్లు రావడం ఇదే మొదటిసారి. 
• బీటౌన్‌ ప్రేక్షకులు ఈ చిత్రం కోసం ఎంతో ఆసక్తిగా ఎదురుచూసిన సంగతి తెలిసిందే. బాలీవుడ్‌లో ఈ మూవీకి ఫస్ట్‌డే ఏకంగా రూ.72 కోట్లు (నెట్‌) వచ్చాయి. ఇండియన్‌ సినిమా చరిత్రలోనే హిందీలో తెలుగు సినిమాకు ఇన్ని కోట్లు రావడం ఇదే మొదలు అని ట్రేడ్ వర్గాలు తెలిపాయి. 
• తెలుగు రాష్ట్రాల్లో నైజాంలో రూ.30 కోట్ల షేర్‌ రాబట్టిన తొలి చిత్రంగా ‘పుష్ప2’ నిలిచింది (Pushpa 2 Telugu States Collections).