Shah Rukh Khan: తాను కోరుకున్నప్పుడే వస్తాడు ‘కింగ్‌’

సినిమాల్లో తన యాక్షన్‌తో అదరగొట్టమే కాకుండా.. అవకాశం వచ్చినప్పుడల్లా సామాజిక మాధ్యమాల వేదికగా అభిమానులతో ముచ్చటిస్తుంటారు బాలీవుడ్‌ అగ్రహీరో షారుక్‌ ఖాన్‌. ఈ నేపథ్యంలోనే గురువారం ఎక్స్‌ వేదికగా ఆస్క్‌ఎస్‌ఆర్‌కే పేరుతో అభిమానులతో ముచ్చటించారు. ‘మీరు ఎందుకు ఇంత అందంగా ఉన్నార’ంటూ ఓ అభిమాని అడిగిన ప్రశ్నకు.. ‘‘70ఏళ్లలో సూపర్‌.. ఎనభై ఏళ్ల వయసులో ఆకర్షణీయంగా.. ఇలా వయసు పెరిగే కొద్దీ నేను మరింత మెరుగ్గా కనిపిస్తాన’ని అన్నారు. ‘కింగ్‌’ సినిమా టైటిల్‌ రివీల్‌ కోసం షారుక్‌.. దర్శకుడు సిద్ధార్థ్‌ ఆనంద్‌ను అభ్యర్థిస్తూ.. ‘నువ్వు నాలాగే మారిపోయావు. సూటిగా అడిగిన ప్రశ్నలకు నిగూఢ సమాధానాలు ఇస్తున్నావు. దయచేసి కనీసం టైటిల్‌ అయినా రివీల్‌ చేయండి అంతే’’ అంటూ ఓ సందేశాన్ని పంపారు. దీనికి ‘ఒక రాజు రావాల్సినప్పుడు కాదు.. తాను కోరుకున్నప్పుడు వస్తాడు’ అంటూ సమాధానమిచ్చారు సిద్ధార్థ్‌.