Punarapi Jananam: అంతర్జాతీయ ఫిల్మ్‌ ఫెస్టివల్‌కు తెలుగు లఘు చిత్రం.. ‘పునరపి జననం’

ఇంటర్నెట్‌ డెస్క్‌: తెలుగు లఘు చిత్రం ‘పునరపి జననం’ (Punarapi Jananam) అంతర్జాతీయ వేదికపై మెరవనుంది. మహాదేవ్ రచన, దర్శకత్వంలో రూపొందిన ఈ షార్ట్‌ఫిల్మ్‌ ఈజిప్షియన్‌ అమెరికన్ ఫిల్మ్ ఫెస్టివల్ 2025 (Egyptian American Film Festival)కు అధికారికంగా ఎంపికైంది. న్యూయార్క్‌ వేదికగా ఈ నెల 31 నుంచి నవంబరు 2 వరకు వేడుక జరగనుంది. ప్రపంచవ్యాప్తంగా 5100కి పైగా లఘు చిత్రాలు పోటీ పడగా.. వాటిలో భారతదేశం నుంచి ఎంపికైన మూడు షార్ట్ ఫిల్మ్‌లలో ఒకటిగా ‘పునరపి జననం’ నిలిచింది. ఈ సందర్భంగా దర్శకుడు మహాదేవ్ మాట్లాడుతూ.. ‘‘ఇది నాకు గర్వకారణమైన క్షణం. పునరపి జననం.. మనం ప్రకృతితో కలసి జీవించాల్సిన అవసరాన్ని గుర్తు చేసే కథ. ప్రకృతిని కాపాడటం అంటే జీవితాన్ని కాపాడటమే” అని పేర్కొన్నారు.