Breaking | Feedback | ePratibha | E-PAPER | Pratibha

YouTube: యూట్యూబ్‌లో హైడ్‌

By Technology News Desk Published : 01 Oct 2025 01:23 IST

Font size

ABC MEDIUM
ABC LARGE
ABC EXTRA LARGE

1 min read

యూట్యూబ్‌లో సినిమా చూస్తుంటాం. క్లైమాక్స్‌ రసవత్తరంగా సాగుతుంటుంది. ఇంకాసేపట్లో శుభం కార్డు పడుతోందనగా కొన్ని పాపప్‌లు ప్రత్యమవుతుంటాయి. ఆ సినిమాకో, వీడియోకో సంబంధించిన వాటిని.. క్రియేటర్లు ఇతర వీడియోలను ప్రమోట్‌ చేసుకోవటానికివి తోడ్పడుతుండొచ్చు. కానీ చూసేవారికి మాత్రం చివరి భాగాన్ని ఆస్వాదించటంలో పంటి కింద రాయిలా తగులుతుంటాయి. ఇలాంటి పాపప్‌ ఎండ్‌ స్క్రీన్స్‌ బెడదను తగ్గించటానికి యూట్యూబ్‌ కొత్తగా హైడ్‌ అనే ఫీచర్‌ను తీసుకొచ్చింది.

వీడియో చివర్లో పాపప్స్‌ కనిపించగానే పైన ఎడమ మూలకు ఈ బటన్‌ కనిపిస్తుంది. దీన్ని నొక్కగానే పాపప్స్‌ అదృశ్యమవుతాయి. అంటే ఒక్క క్లిక్‌తోనే రికమండేషన్లు, ప్లేలిస్ట్‌ లింకులు, సబ్‌స్క్రిప్షన్‌ ప్రాంప్ట్స్‌ వంటివన్నీ కనిపించకుండా పోతాయన్నమాట. ఈ హైడ్‌ ఫీచర్‌ అప్పుడు చూస్తున్న వీడియోకే వర్తిస్తుందని గుర్తుంచుకోవాలి. ఒకవేళ మనసు మార్చుకొని హైడ్‌ అయిన వాటిని చూడాలనుకుంటే షో బటన్‌ మీద తాకితే చాలు.

డెస్క్‌టాప్‌లో మరో మార్పు: డెస్క్‌టాప్‌లో యూట్యూబ్‌ చూసేవారి కోసం మరో కొత్త మార్పును తీసుకొచ్చారు. క్రియేటర్ల బ్రాండ్‌ వాటర్‌మార్కు మీద తాకితే ఇకపై వెంటనే సబ్‌స్క్రిప్షన్‌ ఆప్షన్‌ ఓపెన్‌ కాదు. చానల్‌ను సపోర్టు చేయాలంటే వీడియో కింద ఉండే ప్రామాణిక సబ్‌స్క్రైబ్‌ బటన్‌ మీద క్లిక్‌ చేయాల్సిందే. వీడియో చూస్తున్న అనుభూతిని మెరుగుపరచటానికే ఈ మార్పు తీసుకొచ్చామని యూట్యూబ్‌ చెబుతోంది.

► Read latest Technology News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.