సికింద్రాబాద్, కాచిగూడ స్టేషన్లలో ప్యాసింజర్‌ హోల్డింగ్‌ ఏరియాలు

ఈనాడు, హైదరాబాద్‌: సికింద్రాబాద్, కాచిగూడ రైల్వేస్టేషన్లలో ప్యాసింజర్‌ హోల్డింగ్‌ ఏరియాలను అభివృద్ధి చేయనున్నారు. దేశవ్యాప్తంగా 76 రైల్వేస్టేషన్లలో వీటిని నిర్మించేందుకు రైల్వేశాఖ గురువారం ఆమోదం తెలిపింది. ద.మ.రైల్వేజోన్‌ పరిధిలో ఏపీలోని విజయవాడ, తిరుపతి, రాజమండ్రి, గుంటూరు రైల్వేస్టేషన్లలోనూ ఏర్పాటు చేయనున్నారు. పండగల సమయంలో రైల్వేస్టేషన్లలో భారీ రద్దీని నియంత్రించేందుకు ప్యాసింజర్‌ హోల్డింగ్‌ ఏరియాలు దోహదం చేస్తాయి. మహాకుంభమేళా సమయంలో దిల్లీ స్టేషన్‌లో తొక్కిసలాట ఘటన అనంతరం అక్కడ ‘యాత్రి సువిధ కేంద్ర’ పేరిట దీనిని అభివృద్ధి చేశారు.