ప్రయాణ వేంకటేశ్వరస్వామి

ఉలితో ఏళ్లకు ఏళ్లు శిలను మలిచి చేసిన శిల్పం కాదిది.. ఐదు దశాబ్దాల క్రితం చెక్కలో ప్రతిష్ఠించిన చూడచక్కని శ్రీనివాసుని రూపమిది.. 1971లో ఖమ్మంలోని రాఘవ థియేటర్‌ ప్రారంభ సినిమా ‘శ్రీవేంకటేశ్వర మహత్యం’ డాక్యుమెంటరీ విడుదలను పురస్కరించుకుని హాల్‌ నిర్వాహకులు సండ్ర చెక్కతో వేంకటేశ్వరుని విగ్రహాన్ని తయారు చేయించారు. తర్వాత ఆర్టీసీ అధికారుల సహకారంతో ఖమ్మం పాత బస్టాండ్‌లో ప్రతిష్ఠించారు. విగ్రహానికి రంగులు, చుట్టూ తొడుగుతో శోభాయమానంగా తీర్చిదిద్దారు. అది మొదలు ఐదు దశాబ్దాలుగా నిత్య పూజలందుకుంటోంది. ‘ప్రయాణ వేంకటేశ్వరస్వామి’గా పేరొందిన ఈ శ్రీనివాసునికి భక్తులు మొక్కులు తీర్చుకుని రాకపోకలు కొనసాగిస్తున్నారు. 

ఈనాడు, ఖమ్మం; న్యూస్‌టుడే, ఖమ్మం సారథినగర్‌