షట్‌డౌన్‌ ప్రభావం.. అమెరికాలో 8000 విమానాలు ఆలస్యం..!

లాస్‌ ఏంజెలెస్‌: అమెరికాలో ప్రభుత్వ షట్‌డౌన్‌ ప్రభావం విమాన సర్వీసులపై తీవ్రంగా పడింది. అగ్రరాజ్య వ్యాప్తంగా ఆదివారం దాదాపు 8వేలకు పైగా విమాన సర్వీసులకు అంతరాయం కలిగింది. సోమవారం కూడా ఇది కొనసాగింది. చాలాచోట్ల ఎయిర్‌ ట్రాఫిక్‌ కంట్రోల్‌ సిబ్బంది విధులకు హాజరుకాకపోవడంతో వేలాది విమానాలు ఆలస్యంగా నడుస్తున్నాయి. లాస్‌ ఏంజెలెస్, వాషింగ్టన్, న్యూ జెర్సీ ప్రాంతాల్లోని ఈ సమస్య భారీస్థాయిలో ఉందని ఫెడరల్‌ ఏవియేషన్‌ అధికారులు వెల్లడించారు. షట్‌డౌన్‌ కారణంగా జీతాలు అందకపోవడంతో ఎయిర్‌ ట్రాఫిక్‌ కంట్రోల్‌ సిబ్బంది.. అనారోగ్యంగా ఉందని చెప్పి సెలవులు పెడుతున్నారని తెలిపారు. జీతాలు సకాలంలో అందకపోతే రానున్న రోజుల్లో సిబ్బంది కొరత ప్రభావం తీవ్రస్థాయికి చేరుతుందని అంటున్నారు.