ఎడారిలో పూల పానుపు

ఏ ప్రేమికుడో ప్రియురాలికి ఆహ్వానం పలుకుతూ గులాబీ రేకుల్ని పరిచినట్లు ఉంది కదూ ఈ చిత్రం. దక్షిణ అమెరికాలోని అటకామా ఎడారిలో ఏడాదికోసారి ఆవిష్కృతమయ్యే అద్భుతమిది. ప్రపంచంలోనే అత్యంత పొడిగా ఉండే ఈ ప్రాంతంలో కురిసే వర్షం, చలి, ఉష్ణోగ్రతల మధ్య సమన్వయం కుదిరినప్పుడు నేలలోపల నిద్రాణంగా ఉన్న గడ్డి జాతుల విత్తనాలు ఉత్తేజితమై.. ఇలా పూల తివాచీని పరుస్తాయి. దాదాపు రెండు వందల రకాల మొక్కలు గులాబీ, పసుపు, తెలుపు, ఎరుపు రంగుల్లో విరుస్తూ ఎడారిని పూదారి చేస్తాయట. ‘డెజర్టో ఫ్లోరిడా’గా పిలిచే ఈ అందమైన దృశ్యం సెప్టెంబరు చివరి వారంలో మొదలై నవంబరు వరకూ ఉంటుంది.

వసుంధర డెస్క్‌