అమెరికాకు మానవ అక్రమ రవాణా.. భారతీయుడి సంస్థపై ఆంక్షలు

న్యూయార్క్‌: దేశంలోకి అక్రమంగా ప్రజలను రవాణా చేస్తున్నారన్న ఆరోపణలపై ఓ భారతీయుడు, అతడి భార్య, అతని సంస్థ సహా 16 కంపెనీలపై అమెరికా ఆంక్షలు విధించింది. విక్రాంత్‌ భరద్వాజ్, అతనికి చెందిన కంపెనీ భరద్వాజ్‌ హెచ్‌ఎస్‌వోపై ఆంక్షలు విధించినట్లు ఫెడరల్‌ అధికారులు తెలిపారు. అతడి కంపెనీ మెక్సికో, యూఏఈ, భారత్‌ల నుంచి పనిచేస్తోందని.. ఆసియా, దక్షిణ అమెరికా, పశ్చిమాసియా, ఐరోపాల నుంచి ఇప్పటి వరకు వేలమందిని అమెరికాలోకి అక్రమంగా తరలించిందని పేర్కొన్నారు. వలసదారులకు నకిలీ ధ్రువపత్రాలు సృష్టించి విమానాలు, నౌకల్లో తరలిస్తున్నారని తెలిపారు.