United Airlines: ఆగిఉన్న విమానాన్ని ఢీకొట్టిన మరో విమానం..

ఇంటర్నెట్‌ డెస్క్‌: అమెరికాలోని ఓ విమానాశ్రయంలో ఆగిఉన్న విమానాన్ని మరో విమానం ఢీకొంది. అంతర్జాతీయ మీడియా వర్గాలు తెలిపిన వివరాల ప్రకారం.. శుక్రవారం రాత్రి ఫ్లోరిడా నుంచి తిరిగి వస్తున్న యునైటెడ్ ఎయిర్‌లైన్స్ విమానం న్యూయార్క్‌లోని లాగార్డియా విమానాశ్రయం (LaGuardia Airport)లో దిగుతుండగా.. టాక్సీవేలో ఆగిఉన్న మరో యునైటెడ్ ఎయిర్‌లైన్స్ విమానం వెనుక భాగాన్ని ఢీకొంది. (Two United Airlines Planes Collide). ప్రతికూల వాతావరణం కారణంగా ఆగిఉన్న విమానం కనిపించకపోవడంతో ఈ ప్రమాదం జరిగినట్లు అధికారులు పేర్కొన్నారు. 

ఈ ఘటనలో విమానాలు పాక్షికంగా దెబ్బతిన్నట్లు అధికారులు పేర్కొన్నారు. అయితే ఎవరికీ ఎటువంటి గాయాలు కాలేదు. విమానం ఢీకొన్న వెంటనే అందులో నుంచి వెంటనే ప్రయాణికులను దింపేసి.. రెండు విమానాలను క్షుణ్ణంగా తనిఖీ చేసినట్లు తెలిపారు. ప్రమాదం సమయంలో రెండు విమానాల్లో 328 మంది ప్రయాణికులు సహా 15 మంది సిబ్బంది ఉన్నట్లు తెలుస్తోంది.