Floods: దక్షిణకొరియాలో వరద బీభత్సం.. 40 మంది మృతి

తొమ్మిది రోజులుగా కురుస్తున్న భారీ వర్షాల వల్ల దక్షిణకొరియా (South Korea) అతలాకుతలం అవుతోంది. వరదలు, కొండచరియలు విరిగిపడ్డ కారణంగా ఇప్పటివరకు దాదాపు నలభై మంది మృతి చెందారు. ఒక టన్నెల్ లో వరద నీరు చేరి బస్సుతో సహా 15 వాహనాలు చిక్కుకున్నాయి. అందులో నుంచి 13 మృతదేహాలను వెలికితీశారు. ఈ సొరంగం వద్ద 900 మంది సహాయక చర్యలు కొనసాగిస్తున్నారు. దేశవ్యాప్తంగా వరద ప్రభావిత ప్రాంతాల్లో చిక్కుకున్న పదివేల మందిని సురక్షిత ప్రాంతాలకు తరలించారు