Hyderabad: ద్విచక్రవాహనాన్ని ఢీ కొట్టి.. రెండు కి.మీ. ఈడ్చుకెళ్లిన లారీ డ్రైవర్‌

హైదరాబాద్‌: పాతబస్తీలో భయానక ఘటన చోటుచేసుకుంది. ఓ ద్విచక్రవాహనాన్ని ఢీకొట్టిన లారీ డ్రైవర్‌ ఆపకుండా రెండు కిలో మీటర్లు ఈడ్చుకెళ్లాడు. ప్రమాదంలో బైక్‌.. లారీ కింద చిక్కుకుని, వాహనదారుడు బ్యానెట్‌పైనే నిలబడి ఆర్థనాదాలు చేసినా ఆ డ్రైవర్‌ పట్టించుకోలేదు. ఆపకుండా లారీని ముందుకు పోనిచ్చాడు. ఓ కారు డ్రైవర్ ఇందంతా వీడియో తీయడంతో విషయం వెలుగుచూసింది. వీడియో ఆధారంగా పోలీసులు లారీ డ్రైవర్‌ని పట్టుకున్నారు.