Viral Video: కార్యాలయంలో అధికారిణి రచ్చ.. కంప్యూటర్లు పగులగొట్టి, సిబ్బంది కొట్టి..

ఛత్తీస్‌గఢ్‌లో భిలాయ్ స్టీల్ ప్లాంట్‌ (Bhilai Steel Plant)లో ఓ అధికారిణి ఆఫీస్‌లోని కంప్యూటర్లు పగులగొట్టి, తోటి సిబ్బందిని కొట్టిన ఘటన ఆలస్యంగా వెలుగులోకి వచ్చింది. దుర్గ్ జిల్లాలోని భిలాయ్ స్టీల్ ప్లాంట్‌లోని కార్యాలయంలో అసిస్టెంట్ జనరల్ మేనేజర్‌గా పని చేస్తున్న ప్రియాంక హోరో.. కోపంతో రచ్చరచ్చ చేశారు. కంప్యూటర్లు, సీసీ కెమెరాలు పగలగొట్టి, సిబ్బందితో దురుసుగా ప్రవర్తించారు. సిబ్బందిని తిడుతూ.. తోటి మహిళలను టిఫిన్ బాక్స్‌తో తలపై కొట్టారు. అంతటితో ఆగకుండా బల్లలు, పలు పత్రాలపై నీళ్లు పోశారు. మహిళా అధికారి చర్యలకు నివ్వెరపోయిన సహా ఉద్యోగులు ఉన్నతాధికారులకు ఫిర్యాదు చేయడంతో ఆమెను సస్పెండ్ చేశారు.