Ambati Rayudu: రాష్ట్ర విభజనతో ఏపీ చాలా కోల్పోయింది: అంబటి తిరుపతి రాయుడు

కులాల గోడలు బద్దలు కొడితేనే రాష్ట్ర అభివృద్ధి సాధ్యమని భారత జట్టు మాజీ క్రికెటర్ అంబటి తిరుపతి రాయుడు (Ambati Rayudu) తెలిపారు. గుంటూరులోని నాగార్జున విశ్వవిద్యాలయంలో విద్యార్థులతో ఏర్పాటు చేసిన ముఖాముఖిలో ఆయన పాల్గొన్నారు. ఈ సందర్భంగా రాష్ట్ర విభజన, యువత, రాజకీయాలకు సంబంధించి విద్యార్థులు అడిగిన ప్రశ్నలకు రాయిడు సమాధానాలిచ్చారు. విభజన వల్ల ఏపీ చాలా కోల్పోయిందని.. వాటన్నింటినీ సరిచేయాల్సిన అవసరం ఉందని అభిప్రాయపడ్డారు. సొంత రాష్ట్రానికి ఏదో ఒకటి చేయాలనే భావనతో ప్రజాజీవితంలోకి వస్తున్నట్లు తెలిపారు.