Hyderabad: మల్కాజిగిరిలోని ఆర్టీసీ కాలనీలో అగ్ని ప్రమాదం

మేడ్చల్ జిల్లా మల్కాజిగిరి పోలీస్ స్టేషన్ పరిధిలోని ఆర్టీసీ కాలనీలో అగ్ని ప్రమాదం చోటు చేసుకుంది. యాసిడ్, ఫినాయిల్ నిల్వ ఉంచిన ఓ ఇంట్లో ఒక్కసారిగా మంటలు చెలరేగాయి. స్థానికులు మంటలను అదుపులోకి తీసుకువచ్చే ప్రయత్నం చేసినా ఫలితం లేకపోయింది. ఘటనా స్థలానికి చేరుకున్న అగ్నిమాపక సిబ్బంది మంటలను అదుపుచేశారు. పోలీసులు కేసు నమోదు చేసుకుని దర్యాప్తు చేస్తున్నారు.