AP News: పెట్టుబడుల పేరిట ఐదేళ్లుగా జగన్‌ కట్టుకథలు!

వైకాపా ఐదేళ్ల పాలనలో పెట్టుబడులపై కట్టుకథలు చెబుతూ సీఎం జగన్ ప్రజలకు అరచేతిలో వైకుంఠాన్ని చూపెట్టారు. విదేశీ వేదికలపై దేశీయ సంస్థలతో ఒప్పందాలు చేసుకుని వాటినే విదేశీ పెట్టుబడులుగా నమ్మించారు. వివిధ దేశాల్లో తిరిగి అనేక కంపెనీలతో ఒప్పందాలు కుదుర్చుకున్నామని డప్పు కొట్టారు. తీరా చూస్తే ఏ ఒక్కటీ కార్యరూపం దాల్చలేదు. జగన్ ప్రభుత్వం దెబ్బకి పెట్టుబడుల ఆకర్షణలో ఆంధ్రావని అధఃపాతాళానికి జారిపోయింది. మరోవైపు పెట్టుబడుల ఆకర్షణ సదస్సుల పేరిట ఐదేళ్ల పాలనలో ప్రభుత్వం రూ.50 కోట్లు నీటిపాలు చేసింది.