Goods Train: లోకో పైలెట్‌ లేకుండా వెళ్లిన గూడ్స్ రైలు..!

లోకో పైలట్ లేకుండా ఓ గూడ్స్ రైలు కొన్ని కిలోమీటర్లు.. దానంతట అదే వెళ్లడం కలకలం రేపింది. జమ్మూకశ్మీర్‌లోని కథువా స్టేషన్‌లో నిలిపిన ఓ సరకు రవాణా రైలు.. పఠాన్‌కోట్ వైపు వాలుగా ఉండటంతో ముందుకు కదిలింది. కొన్ని కిలోమీటర్ల పాటు వెళ్లాక అధికారులు గుర్తించారు. పంజాబ్  ముకేరియన్‌లోని ఉచ్చి బస్సీ సమీపంలో  రైలును నిలిపివేశారు. ఈ ఘటనపై రైల్వేశాఖ అధికారులు విచారణకు ఆదేశించారు.