CM Jagan: బస్సుయాత్రలో నోరువిప్పని జగన్‌.. వైకాపాలోనూ అసంతృప్తి

      పరదాల మాటున పర్యటనలు చేసి, ఎవరో రాసిచ్చిన స్క్రిప్టు చదివి వెళ్లిపోవడం అలవాటుగా మార్చుకున్న సీఎం జగన్‌ (CM Jagan).. అయిదేళ్ల తర్వాత ఓట్ల కోసం బస్సుయాత్ర పేరుతో జనాల్లోకి వచ్చారు. బస్సుయాత్రలోనూ ఐప్యాక్‌ ఏర్పాటు చేసిన మనుషులతో తప్ప ఇంకెవరితోనూ ఆయన మాట్లాడటం లేదు. ఏసీ బస్సులో కూర్చుని కనబడిన జనాలకు అభివాదం చేసుకుంటూ ముందుకు వెళ్లిపోయారు. ఎక్కడైనా వైకాపా శ్రేణులు మరీ బలవంత పెడితే తప్ప బస్సు దిగలేదు. కరవు జిల్లా అనంతపురానికి అయిదేళ్లలో ఏం చేశారో కూడా చెప్పుకోలేని దుస్థితిలో తమ అధినేత ఉన్నారంటూ పెదవి విరుస్తున్నారు.