Puttaparti: తెదేపా, వైకాపా నేతల ఘర్షణ.. రణరంగంగా పుట్టపర్తి!

ప్రశాంతి నిలయానికి కేంద్రమైన పుట్టపర్తి (Puttaparti).. రాజకీయ అశాంతికి కేంద్రంగా మారింది. వైకాపా(YSRCP), తెలుగుదేశం(TDP) నేతల రాజకీయ సవాళ్లు, దాడులు-ప్రతిదాడులతో అట్టుడికింది. తెలుగుదేశం సవాల్‌పై ప్రమాణం కోసమంటూ గుడిలో ఎమ్మెల్యే ఉండగానే.. బయట ఆయన అనుచరులు రెచ్చిపోయారు. మాజీ మంత్రి పల్లె రఘునాథరెడ్డిపై రాళ్లు, చెప్పులు విసిరారు. కారు ధ్వంసం చేశారు. ప్రతిదాడికి యత్నించిన తెలుగుదేశం వర్గీయులపై పోలీసులు లాఠీలు ఝుళిపించారు.