USA: అమెరికాకు చెందిన సిలికాన్ వ్యాలీ బ్యాంక్ షట్‌డౌన్‌

అమెరికాలో 16వ అతిపెద్ద బ్యాంక్‌గా ఖ్యాతినార్జించిన సిలికాన్ వ్యాలీ బ్యాంక్(SVB) ఆకస్మిక పతనం ప్రపంచ మార్కెట్లను కుదిపేస్తోంది. 2008 ఆర్థిక సంక్షోభం తర్వాత మూసివేసిన అతిపెద్ద బ్యాంక్‌గా ఎస్‌వీబీ నిలిచింది. ఎస్‌వీబీ మూసివేత.. ఆస్తుల జప్తు వార్తల నేపథ్యంలో పెట్టుబడిదారులు, డిపాజిటర్లు ఈ బ్యాంక్ నుంచి 42 బిలియన్ డాలర్లను ఉపసంహరణకు యత్నించడం తీవ్ర కలకలం రేపింది. ఎలాంటి భయం వద్దంటూ వినియోగదారులకు ఎస్‌వీబీ యాజమాన్యం లేఖ రాసినా.. డిపాజిట్ల ఉపసంహరణ మాత్రం ఆగలేదు.