Drone Attack: మాస్కోపై ఉక్రెయిన్‌ డ్రోన్ల దాడి

రష్యా రాజధాని మాస్కోలో అధ్యక్ష భవనానికి కేవలం 5 కిలోమీటర్ల దూరంలో ఉక్రెయిన్ డ్రోన్ దాడి చేసింది. కీవ్ ప్రయోగించిన డ్రోన్‌ను తమ గగనతల రక్షణ వ్యవస్థ కూల్చివేసినట్లు మాస్కో వర్గాలు తెలిపాయి. డ్రోన్ శకలాలు పడి మాస్కో ఎక్స్ పో సెంటర్ కాంప్లెక్స్ భవనం పాక్షికంగా ధ్వంసమైనట్లు పేర్కొన్నాయి. ఈ ఘటనతో మాస్కో చుట్టూ ఉన్న 4 ప్రధాన విమానాశ్రయాల్లో విమానాల రాకపోకలకు అంతరాయం ఏర్పడింది. 7 విమానాలను రష్యా ఎయిర్ ట్రాన్స్ పోర్ట్ ఏజెన్సీ దారి మళ్లించింది.