Nizamabad: నిజామాబాద్‌లో కలగానే ప్రభుత్వ ఇంజినీరింగ్‌ కళాశాల ఏర్పాటు

నిజామాబాద్ జిల్లాలో ప్రభుత్వ ఇంజినీరింగ్ కళాశాల ఏర్పాటు అంశం మళ్లీ తెరపైకి వచ్చింది. గతంలో మూడు విధాలుగా ప్రతిపాదనలు ఉన్నత స్థాయికి వెళ్లినా ఆచరణలో ముందడుగు పడలేదు. ఇటీవల జరిగిన శాసనసభ ఎన్నికల్లో ప్రధాన రాజకీయ పార్టీలు ఈ విషయంలో హామీలిచ్చాయి. లోక్‌సభ ఎన్నికల్లోనూ ఇదే విషయాన్ని ప్రస్తావించాయి. మహిళా కళాశాలతో పాటు ఇంజినీరింగ్ కళాశాల ఏర్పాటు చేస్తామని స్వయంగా సీఎం రేవంత్ రెడ్డి గతంలో నిజామాబాద్ బహిరంగ సభలో చెప్పారు. ఈ తరుణంలో రెండు కళాశాలల ఏర్పాటుపై ఆశలు చిగురించినట్లయింది.