పెట్రోల్ బంకుల నిర్వాహకులకు ఈసీ కీలక ఆదేశాలు

ఎన్నికల ఓట్ల లెక్కింపు ప్రక్రియ ముగిసేంత వరకు బంకుల్లో విడిగా పెట్రోలు, డీజిల్ విక్రయాలు చేయకుండా తగిన చర్యలు తీసుకోవాలని అధికారులకు ఈసీ ఆదేశాలు జారీ చేసింది. జూన్ 10 వరకు ఈ ఆంక్షలు అమల్లో ఉంటాయని స్పష్టం చేసింది. ఈసీ ఆదేశాల మేరకు బంకుల్లో పెట్రోల్‌ను లూజుగా విక్రయించకూడదని అధికారులు నోటీసులు అతికించారు. పెట్రోలు, డీజల్ విడిగా ఇవ్వబోమని చెప్పడంతో బంకుల వద్ద కొందరు దుర్భాషలాడుతూ.. బెదిరింపులకు పాల్పడుతున్నారని యజమానులు ఆవేదన వ్యక్తం చేశారు.