AP News: ఏపీలో ఆరోగ్యశ్రీకి సుస్తీ.. రోగులకు తప్పని అవస్థలు

అనారోగ్యం బారిన పడ్డవారికి చికిత్స అందించాల్సిన ఆరోగ్యశ్రీ పథకానికే రాష్ట్రంలో సుస్తీ చేసింది. వైకాపా ప్రభుత్వం ఎప్పటికప్పుడు బకాయిలను విడుదల చేయకపోవడంతో నెట్‌వర్క్ ఆస్పత్రులు పలుమార్లు చికిత్సలను ఆపేస్తున్నాయి. డబ్బులు చెల్లిస్తేనే సేవలు అందించగలమని స్పష్టం చేస్తున్నాయి. నిత్యం ఈ తతంగంతో ఆస్పత్రులు రోగుల నుంచే ఖర్చును లాగేస్తున్నాయి. ఫలితంగా పథకం ఉండీ ఉపయోగం లేకుండా పోతోందనే విమర్శలు వినిపిస్తున్నాయి.