AP News: ఏపీ నూతన సీఎస్‌గా నీరభ్‌కుమార్ బాధ్యతల స్వీకరణ

ఆంధ్రప్రదేశ్ ప్రభుత్వ ప్రధాన కార్యదర్శిగా నీరభ్‌కుమార్ ప్రసాద్ రాష్ట్ర సచివాలయంలో పదవీ బాధ్యతలు స్వీకరించారు. తితిదే, విజయవాడ దుర్గామల్లేశ్వర స్వామీ దేవస్థానం వేద పండితుల ఆశీర్వచనాల మధ్య ఆయన నూతన సీఎస్‌గా బాధ్యతలు చేపట్టారు. ఈ కార్యక్రమానికి సాధారణ పరిపాలన శాఖ ముఖ్యకార్యదర్శి సురేశ్‌ కుమార్, ప్రత్యేక ప్రధాన కార్యదర్శి గోపాలకృష్ణ ద్వివేది, పీసీసీఎఫ్ వై.మధుసూదన్ రెడ్డి, ఐటీ కార్యదర్శి కె.శశిధర్, సర్వీసెస్ శాఖ కార్యదర్శి పి.భాస్కర్ తదితరులు హాజరయ్యారు.