Tummala: ధాన్యం ఉత్పత్తిలో తెలంగాణ అగ్రగామిగా ఉంది: మంత్రి తుమ్మల

దేశంలో.. ప్రత్యేకంగా తెలంగాణలో వరి సాగు గణనీయంగా పెరుగుతుందని రాష్ట్ర మంత్రులు తుమ్మల నాగేశ్వరరావు, ఉత్తమ్‌కుమార్‌రెడ్డి అన్నారు. హైదరాబాద్‌లోని తాజ్‌కృష్ణ హోటల్లో ఇంటర్నేషనల్‌ కమోడిటీ ఇన్‌స్టిట్యూట్‌ (ఐసీఐ) ఆధ్వర్యంలో తెలంగాణ ప్రభుత్వ సహకారంతో ఏర్పాటు చేసిన గ్లోబల్‌ రైస్‌ సమ్మిట్‌-2024ను మంత్రులు ప్రారంభించారు. భారత్‌ సహా 25 దేశాల ప్రతినిధులు, ఐసీఏఆర్‌ అనుబంధ ఐఐఆర్‌ఆర్‌ శాస్త్రవేత్తలు, రైస్‌ మిల్లర్ల సంఘాల ప్రతినిధులు ఈ సదస్సుకు హాజరయ్యారు. భారత్‌లో ఏటా 26 మిలియన్‌ మెట్రిక్‌ టన్నుల బియ్యం ఉత్పత్తి అవుతోందని తుమ్మల అన్నారు. ప్రపంచ బియ్యం భాండాగారంగా దేశం అవతరించిందని చెప్పారు.