Cambodia: కాంబోడియాలో తెలంగాణ యువకుడికి చిత్రహింసలు

కాంబోడియా (Cambodia)లో చిత్రహింసలకు గురిచేస్తున్నారంటూ ఓ యువకుడు కుటుంబ సభ్యులకు ఓ వీడియో సందేశం పంపించాడు. ఆ వీడియోను చూసిన కుటుంబసభ్యులు తమ బిడ్డను రక్షించాలంటూ వేడుకుంటున్నారు. మహబూబాబాద్ జిల్లా బయ్యారం మండలం గంథంపల్లికి చెందిన ప్రకాశ్ అనే యువకుడు హైదరాబాద్‌లోని ఓ ప్రైవేట్ కంపెనీలో ఉద్యోగం చేసేవాడు. ఆ ఏజెన్సీ ద్వారా ఆస్ట్రేలియాకు వెళ్తున్నట్లు కుటుంబసభ్యులకు తెలిపాడు. సదరు ఏజెన్సీ వారు మాత్రం అతడిని ఆస్ట్రేలియాకు కాకుండా కాంబోడియా తీసుకెళ్లినట్లు యువకుడు వీడియోలో తెలిపాడు. అక్కడి వారు తనపై దాడిచేస్తూ.. చిత్రహింసలకు గురిచేస్తున్నారని కుటుంబ సభ్యులకు ఫోన్ ద్వారా సమాచారం ఇచ్చాడు.