Chiranjeevi: తెలుగు జాతి ఒక పెద్దను కోల్పోయింది: చిరంజీవి

రామోజీ కలలను, ఆశయాలను కుటుంబ సభ్యులు ముందుకు తీసుకెళ్లాలని చిరంజీవి కోరారు. అందరూ ఆయనలో గంభీరాన్ని చూస్తే.. తాను చిన్న పిల్లాడిని చూశాన్నన్నారు. ప్రజారాజ్యం స్థాపించే సమయంలో ఆయన సలహాలు, సూచనల కోసం కలిసేవాడినని చెప్పారు. ఆ సమయంలో ఒక పెన్ను ఇస్తే ఎంతో సంతోషంగా తీసుకుని తెగ సంబరపడిపోయారని గుర్తుచేసుకున్నారు. అంతేకాదు, ఆయన దాచుకున్న పెన్నులను కూడా చూపించారని తెలిపారు. రామోజీరావు మరణం తెలుగు రాష్ట్రాలకు తీరని లోటు.. తెలుగు జాతి ఒక పెద్దను కోల్పోయిందని చిరంజీవి అన్నారు.