AP News: వైకాపా పాలనలో భారీగా పింఛన్‌ లబ్ధిదారుల కోత

కొండంత రాగం తీసి గోరంత పాట పాడిన చందంలా మారింది జగన్‌ (CM Jagan) పేదలకు అందజేసిన పింఛన్ల తీరు. లేనిపోని నిబంధనలు పెట్టి.. పెంచినట్టు కనికట్టు చేసి.. నిరుపేదలు, అట్టడుగు వర్గాల వారి పింఛన్లకు అడ్డగోలుగా కోత కోశారు దయలేని జగన్‌. గతేడాది ఆగస్టు- డిసెంబరు వరకు కొత్త పింఛన్లకు దరఖాస్తు చేసుకున్నవారిలో దాదాపు అందరికీ అర్హత ఉంది. అయినా గత జనవరి నెలలో దాదాపు లక్ష దరఖాస్తులను తొక్కిపెట్టి వారికి పింఛను రాకుండా కుట్రపన్నారు.