Nidhhi Agerwal: అభిమానుల అత్యుత్సాహం.. తీవ్ర అసౌకర్యానికి గురైన నిధి అగర్వాల్

ఇంటర్నెట్‌ డెస్క్‌: ఒక్కోసారి అభిమానుల అత్యుత్సాహం వల్ల నటీనటులు తీవ్ర ఇబ్బందులకు గురవుతుంటారు. తాజాగా నటి నిధి అగర్వాల్ (Nidhhi Agerwal) ఫ్యాన్స్‌ వల్ల అసౌకర్యానికి గురయ్యారు. ‘ది రాజాసాబ్‌’ పాట లాంఛ్‌ ఈవెంట్‌కు వచ్చిన ఆమె తిరిగి తన కారు వద్దకు వెళ్లే సమయంలో వందల మంది అభిమానులు నిధి వద్దకు వచ్చారు. సెల్ఫీల కోసం ఎగబడ్డారు. కొందరు ఆమెను తాకేందుకు ప్రయత్నించారు. నిధి బాడీగార్డులు అందరినీ కంట్రోల్‌ చేసి ఆమెను క్షేమంగా కారు ఎక్కించారు. కారు ఎక్కిన తర్వాత నిధి ఊపిరి పీల్చుకున్నారు. ప్రస్తుతం ఈ వీడియో సోషల్‌ మీడియాలో వైరల్‌ అవుతుండగా.. పలువురు సెలబ్రిటీలు ఫైర్‌ అవుతున్నారు. ఈ వీడియో చూశారా: ‘ది రాజాసాబ్‌’ మెలొడీ.. ఫుల్‌ సాంగ్‌ వచ్చేసింది