Breaking | Feedback | ePratibha | E-PAPER | Pratibha

ఏపీ నూతన ముఖ్యమంత్రిగా చంద్రబాబు ప్రమాణ స్వీకారం లైవ్‌ అప్‌డేట్స్‌

Chandrababu - AP CM ఆంధ్రప్రదేశ్‌ నూతన ముఖ్యమంత్రిగా నారా చంద్రబాబు నాయుడు, మంత్రిగా జనసేన అధినేత పవన్‌కల్యాణ్‌ ప్రమాణ స్వీకారం చేశారు. ఆ కార్యక్రమం లైవ్‌ అప్‌డేట్స్‌ మీ కోసం...

Updated : 12 Jun 2024 11:59 IST

12/06/2024 12:31(IST)

ప్రధాని మోదీని సత్కరించిన చంద్రబాబు, పవన్‌

ఏపీ నూతన మంత్రివర్గ ప్రమాణ స్వీకారోత్సవానికి విచ్చేసిన ప్రధాని నరేంద్రమోదీని సీఎం చంద్రబాబు, మంత్రి పవన్‌కల్యాణ్‌ శాలువా కప్పి, జ్ఞాపికను బహూకరించారు.

12/06/2024 11:38(IST)

కొణిదెల పవన్‌కల్యాణ్‌ అనే నేను.. మార్మోగిన సభా ప్రాంగణం

ఆంధ్రప్రదేశ్‌ మంత్రిగా జనసేన అధినేత పవన్‌కల్యాణ్ ప్రమాణ స్వీకారం చేశారు.
కొణిదెల పవన్‌కల్యాణ్‌ అనే నేను.. అనగానే అభిమానుల కేరింతలతో సభా ప్రాంగణం మార్మోగింది

12/06/2024 11:13(IST)

గన్నవరం నుంచి కేసరపల్లికి బయలుదేరిన ప్రధాని మోదీ

ప్రమాణ స్వీకారోత్సవానికి విచ్చేసిన ప్రధాని నరేంద్రమోదీకి చంద్రబాబు, పవన్‌ స్వాగతం పలికారు
గన్నవరం విమానాశ్రయం నుంచి కేసరపల్లి సభా ప్రాంగణానికి బయలుదేరిన ప్రధాని మోదీ

12/06/2024 10:47(IST)

ప్రమాణ స్వీకారోత్సవానికి విచ్చేసిన నారా భువనేశ్వరి

చంద్రబాబు సతీమణి నారా భువనేశ్వరి ప్రమాణ స్వీకార సభా ప్రాంగణానికి విచ్చేశారు.
ఆమెతో పాటు నారా లోకేశ్‌ సతీమణి నారా బ్రాహ్మణి, తనయుడు నారా దేవాంశ్‌ కూడా ఉన్నారు.

12/06/2024 10:44(IST)

బాలకృష్ణ అభివాదం.. అభిమానుల కేరింతలు

చంద్రబాబు ప్రమాణ స్వీకారోత్సవానికి విచ్చేసిన నందమూరి బాలకృష్ణ
సభా వేదికపైకి వచ్చి అందరినీ పలకరించిన బాలకృష్ణ
అభిమానులకు అభివాదం చేయడంతో ‘జై బాలయ్య’ అంటూ మార్మోగిన సభా ప్రాంగణం

12/06/2024 10:38(IST)

వివిధ ప్రాంతాల నుంచి విజయవాడ వచ్చే వాహనాల దారి మళ్లింపు

గొల్లపూడి, ఇబ్రహీంపట్నంతో పాటు పలు ప్రాంతాల్లో ట్రాఫిక్‌ అంతరాయం
ట్రాఫిక్‌ దృష్ట్యా ఇతర మార్గాల ద్వారా వాహనాలను మళ్లిస్తున్న పోలీసులు
గొల్లపూడి హైవే, ఇబ్రహీంపట్నం కూడలి వద్ద పెద్ద ఎత్తున నిలిచిన వాహనాలు

12/06/2024 09:59(IST)

ఏపీ సీఎంగా చంద్రబాబు ప్రమాణస్వీకారం మహోత్సవానికి రాజధాని గ్రామం వెంకటపాలెం నుంచి కృష్ణానదిలో ప్రకాశం బ్యారేజి వరకు ర్యాలీ చేసిన తెదేపా నాయకులు
పడవలకు తెదేపా జెండాలు కట్టుకొని నినాదాలు చేస్తూ నదిలో సందడి చేసిన తెదేపా నాయకులు

12/06/2024 09:57(IST)

ఏపీ ఆర్థిక ప్రగతి పరుగులు పెడుతుంది: వై.సత్యకుమార్‌

మంత్రిగా నాకు అవకాశం ఇచ్చిన భాజపా అగ్ర నాయకత్వం, తెదేపా అధినేత చంద్రబాబుకు ధన్యవాదాలు
వికసిత్‌ ఆంధ్రప్రదేశ్‌ నిర్మాణంలో నన్ను భాగస్వామిని చేయడం ఆనందంగా ఉంది
గత ఐదేళ్లుగా రాష్ట్రం ఆర్థికంగా చితికిపోయింది.
చంద్రబాబు రాష్ట్ర పరిస్థితిని త్వరలోనే గాడిన పెడతారు.
రాష్ట్ర విభజన జరిగిన నాటి నుంచి చాలా సమస్యలు నెలకొన్నాయి.
త్వరలోనే అద్భుతమైన రాజధాని నిర్మాణం జరుగుతుంది
యువతకు ఉపాధి అవకాశాలు మరింత మెరుగుపడతాయి.
పేదల జీవితాల్లో మార్పు తీసుకురావడం తథ్యం: వై.సత్యకుమార్‌

12/06/2024 09:51(IST)

ఉత్తరాంధ్ర యువతకు ఉపాధి కల్పించి వలసలు ఆగేలా చేస్తా: కొండపల్లి శ్రీనివాస్‌

మంత్రి పదవి రావడం సంతోషంగా ఉంది
చంద్రబాబు పిలుపుమేరకు రాజకీయాల్లోకి వచ్చాను.
ఆయన, పార్టీ కార్యకర్తల సహకారంతో నిరంతరం శ్రమించి ఎమ్మెల్యేగా గెలిచాను.
ఒక యువ నేతగా టెక్నాలజీని మరింత ఆకళింపు చేసుకుని ముందుకు సాగుతా.
గత ప్రభుత్వ హయాంలో అభివృద్ధి వెనక్కి వెళ్లిపోయింది.
ఉత్తరాంధ్రలో అభివృద్ధి జరగాలంలే పరిశ్రమలు రావాలి.
ముఖ్యంగా ఈ జిల్లాల నుంచి వలసలు ఆగాలి.

12/06/2024 09:36(IST)

రద్దీగా మారిన విజయవాడ-గన్నవరం రహదారి

చంద్రబాబు ప్రమాణ స్వీకారం నేపథ్యంలో విజయవాడ-గన్నవరం రహదారి రద్దీగా మారింది
కేసరపల్లి సభా ప్రాంగణం వద్దకు ఉదయాన్నే వేలాదిగా పోటెత్తిన కూటమి కార్యకర్తలు
అంతర్గత రహదారుల నుంచి హైవే పైకి వచ్చే మార్గాల్లో భారీ వాహనాలు
అభిమానులు పెద్ద ఎత్తున తరలిరావడంతో కనకదుర్గ వారధిపై నిలిచిన వందలాది వాహనాలు
వారధిపై కిలోమీటర్ల మేర నిలిచిపోవడంతో వాహనాలు కదల్లేని పరిస్థితి
వారధిపైనే నిలిచిన చిత్తూరు, నెల్లూరు, ఒంగోలు వైపు నుంచి వస్తున్న వాహనాలు
కాజా టోల్‌ప్లాజా వద్ద 2 కి.మీ. మేర నిలిచిన వాహనాలు

12/06/2024 09:31(IST)

పొట్టిపాడు టోల్‌ప్లాజా వద్ద వాహనాల రద్దీ

ఏపీ సీఎంగా చంద్రబాబు ప్రమాణ స్వీకారోత్సవానికి తరలివస్తున్న అభిమానులు
పొట్టిపాడు టోల్‌ప్లాజా వద్ద భారీగా నిలిచిన వాహనాలు
రెండు కిలోమీటర్ల మేర నిలిచిపోయిన వాహనాలతో టోల్‌ప్లాజా వద్ద రద్దీ

12/06/2024 09:02(IST)

హెల్త్‌ బాలేదు.. ప్రమాణ స్వీకార కార్యక్రమానికి రాలేకపోతున్నా: మాజీ మంత్రి కామినేని

అనారోగ్యం కారణంగా ప్రమాణ స్వీకార కార్యక్రమానికి హాజరు కాలేకపోతున్నా
వైద్యులు నాలుగు రోజులు జాగ్రత్తగా ఉండమన్నారు
నియోజకవర్గం నుంచి ఎవరూ హైదరాబాద్‌ రావద్దు
త్వరలో వచ్చి కైకలూరు నియోజకవర్గ ప్రజలను కలుస్తా- కామినేని శ్రీనివాస్

12/06/2024 08:56(IST)

రామవరప్పాడు రింగ్‌పై భారీగా ట్రాఫిక్‌ జామ్‌

చంద్రబాబు ప్రమాణస్వీకార కార్యక్రమానికి తరలి వస్తున్న తెదేపా శ్రేణులు
విజయవాడలోని రామవరప్పాడు రింగ్‌పై భారీగా ట్రాఫిక్‌ జామ్‌
పెద్ద సంఖ్యలో నిలిచిపోయిన వాహనాలు

12/06/2024 08:48(IST)

కనకదుర్గ వారధిపై బారికేడ్లు.. భారీగా ట్రాఫిక్‌ జామ్‌

సీఎంగా తెదేపా అధినేత చంద్రబాబు (Chandrababu) ప్రమాణస్వీకారం నేపథ్యంలో ఆ పార్టీకి చెందిన కార్యకర్తలు, అభిమానులు భారీగా తరలివస్తున్నారు
ఉదయమే పెద్ద సంఖ్యలో చేరుకున్నారు
గన్నవరం సమీపంలోని కేసరపల్లిలో ప్రమాణ స్వీకార కార్యక్రమం జరగనుంది.
కనకదుర్గ వారధిపై బారికేడ్లు అడ్డుపెట్టడంతో ట్రాఫిక్‌ జామ్‌ అయింది
విజయవాడ-గన్నవరం మార్గంలో అడుగడుగునా పోలీసుల ఆంక్షలతో కార్యకర్తలు, అభిమానులు ఇబ్బందులు పడుతున్నారు.

12/06/2024 08:03(IST)

నేడు తిరుమలకు చంద్రబాబు కుటుంబం

సీఎంగా ప్రమాణస్వీకారం అనంతరం కుటుంబసభ్యులతో తిరుమల వెళ్లనున్న చంద్రబాబు
సాయంత్రం 6.45 గంటలకు విజయవాడ నుంచి బయల్దేరి 7.45కి రేణిగుంట చేరిక
రోడ్డుమార్గంలో రాత్రి 8.50కి తిరుమల చేరుకుని అక్కడే బస
గురువారం ఉదయం 7.30 గంటల నుంచి 8 మధ్య శ్రీవారి దర్శనం
అనంతరం తిరిగి అమరావతి చేరిక

12/06/2024 07:59(IST)

కదిరి నుంచి సైకిల్‌ తొక్కుతూ వచ్చిన తెదేపా కార్యకర్త

చంద్రబాబు ప్రమాణస్వీకార కార్యక్రమం కోసం కదిరి నుంచి సైకిల్‌పై వచ్చిన తెదేపా కార్యకర్త
480 కి.మీ. మేర సైకిల్‌ తొక్కుతూ వచ్చిన సతీష్‌
ఈ నెల 8న కదిరిలో బయలుదేరి మంగళవారం మధ్యాహ్నం కేసరపల్లి చేరిక

12/06/2024 07:53(IST)

ప్రముఖుల రాక.. భారీగా భద్రతా చర్యలు

ప్రమాణ స్వీకార కార్యక్రమానికి అత్యంత ప్రముఖులు తరలివస్తుండడంతో పోలీసులు భారీగా భద్రతా చర్యలు
విధులు నిర్వర్తిస్తున్న దాదాపు 10వేల మంది భద్రతా సిబ్బంది
విజయవాడకు 3వేల మంది పోలీసులు
గన్నవరం విమానాశ్రయం, పరిసర ప్రాంతాలు, కేసరపల్లి సభా ప్రాంగణం లోపల, వెలుపల 7వేల మందికి రక్షణ విధులు
60మంది పైగా ఐపీఎస్‌ అధికారులకు బాధ్యతలు
డీజీ హోదా మొదలు ఎస్పీ ర్యాంకు వరకు పర్యవేక్షణ బాధ్యతలు అప్పగింత
వీవీఐపీల వాహనశ్రేణి నేరుగా వేదిక వచ్చేందుకు వీలుగా ప్రత్యేక బీటీ రోడ్ల నిర్మాణం

12/06/2024 07:47(IST)

నిరంతర శ్రామికుడు.. అభివృద్ధి కాముకుడు..!

ఈ ఎన్నికల్లో అసాధారణ విజయం సాధించి... నాలుగోసారి ముఖ్యమంత్రిగా ప్రమాణం చేస్తున్న దార్శనికుడు.. కేంద్ర ప్రభుత్వంలోనూ కీలక భూమిక పోషిస్తున్న నేత చంద్రబాబు..! ఐదేళ్ల క్రితం ఎన్నికల్లో కేవలం 23 స్థానాలకు పరిమితమైన దశ నుంచి... జగన్‌ వంటి అరాచక, విధ్వంసకర పాలకుడికి ఎదురొడ్డి పోరాడి, చంద్రబాబు అద్భుత విజయం సాధిస్తారని, మిత్రపక్షాలతో కలసి 164 స్థానాలు గెలుచుకుని అధికారంలోకి వస్తారని, నాలుగోసారి ముఖ్యమంత్రిగా ప్రమాణస్వీకారం చేస్తారని అప్పట్లో ఎవరూ ఊహించి ఉండరు. అలాంటి అసాధ్యాల్ని సుసాధ్యం చేయడం ఆయన నైజం. 1978లో 28 ఏళ్ల వయసులో ఎమ్మెల్యేగా ఎన్నికై శాసనసభలో ప్రవేశించాక ఇప్పటి వరకు... ఆయన 45 ఏళ్ల సుదీర్ఘ రాజకీయ ప్రస్థానం అత్యంత స్ఫూర్తిదాయకం.

పూర్తి కథనం కోసం క్లిక్ చేయండి

12/06/2024 07:35(IST)

వాహనాల పార్కింగ్‌కు 56 ఎకరాలు కేటాయింపు

చంద్రబాబు ప్రమాణస్వీకార కార్యక్రమం నేపథ్యంలో వాహనాల పార్కింగ్‌కు 56 ఎకరాలు కేటాయింపు
విజయవాడ వైపు నుంచి వచ్చే వాటి కోసం ముస్తాబాద రోడ్డులో ఎస్‌ఎల్‌వీ సమీపంలోని పార్కింగ్‌
వేదిక నుంచి 700 మీటర్ల దూరంలోని ఎలైట్‌ విస్టా వద్ద రెండో పార్కింగ్‌ ప్రదేశం
మేధా టవర్స్‌ వద్ద వేదికకు 300 మీటర్ల దూరంలో ప్రముఖుల కోసం మరో పార్కింగ్‌ ప్రదేశం ఏర్పాటు

12/06/2024 07:30(IST)

చంద్రబాబు ప్రమాణస్వీకారాన్ని వీక్షించేందుకు భారీ స్క్రీన్‌ల ఏర్పాటు

ప్రజలు తిలకించేందుకు వీలుగా ఏర్పాటు చేసిన ప్రభుత్వం
ఉమ్మడి తూర్పు గోదావరి జిల్లాలో ఏడు నియోజకవర్గాల పరిధిలో 29 స్క్రీన్‌ల ఏర్పాటు
రాజమహేంద్రవరంలోనే 9 చోట్ల ఏర్పాటు చేసిన అధికారులు
ఆనం కళాకేంద్రం, సుబ్రహ్మణ్య మైదానం, రామాలయం సెంటర్, పుష్కరఘాట్, రామాలయం సెంటర్, హైటెక్‌ బస్టాండ్‌ తదితర చోట్ల ఏర్పాటు

12/06/2024 07:24(IST)

ఉమ్మడి తూర్పుగోదావరి జిల్లా నుంచి మంత్రులుగా ముగ్గురు..

రాష్ట్ర మంత్రివర్గంలో ఉమ్మడి తూర్పుగోదావరి జిల్లా నుంచి ముగ్గురికి అవకాశం
జనసేన నుంచి ఆ పార్టీ అధినేత పవన్‌కల్యాణ్‌ (పిఠాపురం), కందుల దుర్గేష్‌ (నిడదవోలు)కు చోటు
తెదేపా నుంచి వాసంసెట్టి సుభాష్‌ (రామచంద్రపురం)కు దక్కిన బెర్తు
ఈ ముగ్గురూ తొలిసారి ఎమ్మెల్యేగా నెగ్గినవారే. పూర్తికథనం కోసం క్లిక్‌ చేయండి

12/06/2024 07:15(IST)

చంద్రబాబు ప్రమాణ స్వీకార ప్రాంగణం వద్ద పోలీసుల ఆంక్షలు

చంద్రబాబు ప్రమాణ స్వీకార ప్రాంగణం వద్ద పోలీసుల ఆంక్షలు
వీవీఐపీలు సైతం చేరుకునే వీలు లేకుండా ఆంక్షలు విధించిన పోలీసులు
ఇంటర్నల్ రహదారుల నుంచి ప్రధాన రహదారికి వచ్చే దారులన్నీ నిర్బంధించిన పోలీసులు
ఎక్కడికక్కడ బారికేడ్లు పెట్టి ట్రాఫిక్ జామ్ చేస్తున్న పోలీసులు
సభా ప్రాంగణం వద్దకు ఉదయాన్నే వేలాదిగా పోటెత్తిన తెలుగుదేశం శ్రేణులు
పాస్‌లు లేవంటూ పంపించేస్తున్న పోలీసులు
పాస్‌లు చూపిస్తున్న వారి నుంచి తీసుకుని చించేసి లోపలికి పంపుతున్న పోలీసులు
పోలీసులు పాస్‌లు చించేయటంతో లోపల ఎక్కడ కూర్చోవాలో అర్ధం కాని పరిస్థితుల్లో వీవీఐపీలు

12/06/2024 07:12(IST)

కాజా టోల్‌ ప్లాజా వద్ద భారీగా ట్రాఫిక్‌ జామ్‌

గుంటూరు జిల్లా కాజా టోల్‌ ప్లాజా వద్ద భారీగా ట్రాఫిక్‌ జామ్‌
టోల్‌ రుసుం కోసం వాహనాలను నిలిపివేసిన సిబ్బంది
2 కి.మీ మేర నిలిచిన వాహనాలు
ట్రాఫిక్‌ జామ్‌తో ప్రమాణస్వీకారానికి వచ్చేందుకు కార్యకర్తలకు ఇబ్బందులు

12/06/2024 07:10(IST)

విజయవాడ-గన్నవరం మార్గంలో పోలీసుల ఆంక్షలు

చంద్రబాబు ప్రమాణస్వీకారానికి భారీగా తరలివస్తున్న అభిమానులు
విజయవాడలోకి వాహనాలు రాకుండా అడ్డుకుంటున్న పోలీసులు
విజయవాడ-గన్నవరం మార్గంలో అడుగడుగునా పోలీసుల ఆంక్షలు
ఆంక్షలతో ఇబ్బందులు పడుతున్న తెదేపా కార్యకర్తలు, అభిమానులు
కనకదుర్గ వారధిపై బారికేడ్లు అడ్డుపెట్టి ట్రాఫిక్‌ జామ్‌ చేసిన పోలీసులు

11/06/2024 20:40(IST)

విజయవాడలో ట్రాఫిక్‌ మళ్లింపులు

విజయవాడ నగరంలో పలు చోట్ల ట్రాఫిక్‌ మళ్లింపులు చేపట్టనున్నారు. పాస్‌లు ఉన్న వారి వాహనాలనే సభా ప్రాంగణం వైపు వెళ్లేందుకు అనుమతిస్తామని పోలీసులు చెబుతున్నారు.నగరంలో వీఐపీలు బసచేసే హోటల్స్‌ వద్ద ప్రత్యేక భద్రతా ఏర్పాట్లు చేశారు.

11/06/2024 20:40(IST)

7వేల మంది పోలీసులతో బందోబస్తు

చంద్రబాబు ప్రమాణ స్వీకార కార్యక్రమానికి ఏర్పాట్లు శరవేగంగా సాగుతున్నాయి. కేసరపల్లిలోని ఐటీ టవర్‌ జరగనున్న ఈ కార్యక్రమానికి ప్రధానితో పాటు పలువురు ప్రముఖులు విచ్చేస్తుండటంతో దాదాపు ఏడు వేల మంది పోలీసులతో భారీ బందోబస్తు ఏర్పాటు చేస్తున్నారు.

11/06/2024 20:38(IST)

జగన్‌కు చంద్రబాబు ఫోన్‌ .. అందుబాటులోకి రాని వైకాపా అధినేత

ఆంధ్రప్రదేశ్‌ ముఖ్యమంత్రిగా నాలుగోసారి తెదేపా అధినేత చంద్రబాబు మరికొన్ని గంటల్లో ప్రమాణ స్వీకారం చేయనున్నారు. ఈ నేపథ్యంలో వైకాపా అధినేత వైఎస్‌ జగన్‌ను కూడా ఈ కార్యక్రమానికి ఆహ్వానించాలని చంద్రబాబు నిర్ణయించారు. దీంతో ఆయన జగన్‌తో ఫోన్‌లో మాట్లాడి స్వయంగా ఆహ్వానించేందుకు ప్రయత్నించారు. కానీ, జగన్‌ అందుబాటులోకి రాలేదని సమాచారం.