Breaking | Feedback | ePratibha | E-PAPER | Pratibha

బెంగళూరు X లఖ్‌నవూ ఐపీఎల్ మ్యాచ్‌ లైవ్‌అప్‌డేట్స్‌

బెంగళూరుతో జరుగుతున్న మ్యాచ్‌లో లఖ్‌నవూ భారీ స్కోరు సాధించింది. నిర్ణీత 20 ఓవర్లలో 5 వికెట్ల నష్టానికి 181 పరుగులు చేసింది.

Updated : 02 Apr 2024 21:20 IST

02/04/2024 23:08(IST)

Bengaluru X Lucknow: బెంగళూరు ఆలౌట్.. లఖ్‌నవూ ఘన విజయం

బెంగళూరుపై లఖ్‌నవూ 28 పరుగుల తేడాతో సూపర్‌ విక్టరీ సాధించింది.
తొలుత లఖ్‌నవూ నిర్ణీత 20 ఓవర్లలో 5 వికెట్ల నష్టానికి 181 పరుగులు చేసింది.
ఈ భారీ లక్ష్యఛేదనలో బెంగళూరు 19.4 ఓవర్లలో 153 పరుగులకు ఆలౌటైంది.
బెంగళూరు బ్యాటర్లలో మహిపాల్ లోమ్రోర్ (33; 13 బంతుల్లో 3 ఫోర్లు, 3 సిక్స్‌లు) టాప్‌ స్కోరర్. రజత్ పటిదార్ (29), విరాట్ కోహ్లీ (22), డుప్లెసిస్ (19) పరుగులు చేశారు.
మ్యాక్స్‌వెల్ (0), కామెరూన్ గ్రీన్ (9), అనుజ్ రావత్ (11), దినేశ్‌ కార్తిక్‌ (4) ఘోరంగా విఫలమయ్యారు.
లఖ్‌నవూ బౌలర్లలో కొత్త కుర్రాడు మయాంక్ యాదవ్ (3/14) రెండో మ్యాచ్‌లోనూ సంచలన బౌలింగ్‌తో అదరగొట్టాడు.
నవీనుల్ హక్‌ 2, సిద్ధార్థ్‌, యశ్‌ ఠాకూర్‌, స్టాయినిస్ ఒక్కో వికెట్ పడగొట్టారు.

02/04/2024 22:59(IST)

Bengaluru X Lucknow: ఎనిమిదో వికెట్ కోల్పోయిన బెంగళూరు

బెంగళూరు ఎనిమిదో వికెట్ కోల్పోయింది. మయాంక్ దగార్ (0) రనౌట్ అయ్యాడు.
యశ్ ఠాకూర్‌ వేసిన 17.1 బంతిని మహిపాల్ లోమ్రోర్‌ ఎదుర్కొగా ఒక పరుగు పూర్తయిన తర్వాత రెండో పరుగు యత్నిస్తున్న క్రమంలో పూరన్‌ డైరెక్ట్ త్రోతో రనౌట్ చేశాడు.

02/04/2024 22:56(IST)

Bengaluru X Lucknow: దినేశ్‌ కార్తిక్ (4) ఔట్.. బెంగళూరు ఏడో వికెట్

దినేశ్‌ కార్తిక్‌ (4) నిరాశపర్చాడు. నవీనుల్ హక్‌ వేసిన 16.5 ఓవర్‌కు వికెట్ కీపర్‌ రాహుల్ క్యాచ్‌ ఇచ్చాడు.
17 ఓవర్లకు స్కోరు 136/7. మయాంక్ దగార్ (0), మహిపాల్ లోమ్రోర్‌ (32) క్రీజులో ఉన్నారు.
బెంగళూరు విజయానికి 18 బంతుల్లో 46 పరుగులు అవసరం.

02/04/2024 22:47(IST)

Bengaluru X Lucknow: దూకుడుగా ఆడుతున్న మహిపాల్ లోమ్రోర్‌

మహిపాల్ లోమ్రోర్ దూకుడుగా ఆడుతున్నాడు.
యశ్ ఠాకూర్‌ వేసిన 16 ఓవర్‌లో వరుసగా 6,4,6 బాదేశాడు.
ఈ ఓవర్‌లో మొత్తం 19 రన్స్‌ వచ్చాయి.
16 ఓవర్లకు స్కోరు 123/6. మహిపాల్ (22), దినేశ్‌ కార్తిక్ (3) పరుగులతో ఉన్నారు.
బెంగళూరు విజయానికి 24 బంతుల్లో 59 పరుగులు అవసరం.

02/04/2024 22:15(IST)

Bengaluru X Lucknow: మయంక్ యాదవ్ సంచలన బౌలింగ్.. 10 ఓవర్‌ మెయిడిన్‌

మయాంక్ యాదవ్ సంచలన బౌలింగ్‌తో అదరగొడుతున్నాడు.
అతడు పదో ఓవర్‌లో ఒక్క పరుగూ ఇవ్వలేదంటే ఎంత కట్టుదిట్టంగా బౌలింగ్‌ చేస్తున్నాడో అర్థం చేసుకోవచ్చు.
మయాంక్ ఇప్పటవరకు మూడు ఓవర్లు వేసి 13 పరుగులు ఇచ్చి రెండు వికెట్లు పడగొట్టాడు.
10 ఓవర్లకు బెంగళూరు స్కోరు 63/4. అనుజ్ రావత్ (4), రజత్ పటిదార్ (7) క్రీజులో ఉన్నారు.

02/04/2024 22:01(IST)

Bengaluru X Lucknow: కామెరూన్‌ గ్రీన్‌ (9)ను క్లీన్‌బౌల్డ్ చేసిన మయాంక్ యాదవ్

బుల్లెట్‌లాంటి బంతులు విసురుతూ ఈ ఐపీఎల్‌లో ఆకర్షణగా నిలిచిన మయాంక్ యాదవ్ మరోసారి అదరగొడుతున్నాడు.
అతడు వేసిన 7.4 ఓవర్‌కు కామెరూన్‌ గ్రీన్ (9) క్లీన్‌బౌల్డ్ అయ్యాడు.
8 ఓవర్లకు స్కోరు 59/4. అనుజ్ రావత్ (1), రజత్ పాటిదార్ (7) క్రీజులో ఉన్నారు.

02/04/2024 21:54(IST)

Bengaluru X Lucknow: మ్యాక్స్‌వెల్ డకౌట్.. బెంగళూరు 3 వికెట్లు

బెంగళూరు మూడో వికెట్ కోల్పోయింది. మ్యాక్స్‌వెల్ పరుగుల ఖాతా తెరవకుండానే పెవిలియన్ బాటపట్టాడు.
మయాంక్ యాదవ్ వేసిన ఆరో ఓవర్లో నాలుగో బంతికి నికోలస్‌ పూరన్‌కు క్యాచ్‌ ఇచ్చాడు.
పవర్‌ ప్లే ముగిసేసరికి స్కోరు 48/3. రజత్ పటీదార్‌ (6), కామెరూన్ గ్రీన్ (1) క్రీజులో ఉన్నారు.

02/04/2024 21:49(IST)

Bengaluru X Lucknow: బెంగళూరుకు మరో షాక్.. డుప్లెసిస్‌ (19) రనౌట్

బెంగళూరుకు మరో షాక్ తగిలింది. డుప్లెసిస్ (19) ఔటయ్యాడు.
మయాంక్ యాదవ్‌ వేసిన ఐదో ఓవర్‌లో తొలి బంతిని డుప్లెసిస్ ఎదుర్కొని సింగిల్ కోసం పరుగెత్తాడు.
పడిక్కల్ చురుకైన ఫీల్డింగ్‌తో వికెట్లపైకి బంతిని విసిరాడు. దీంతో డుప్లెసిస్ వెనుదిరిగాడు.

02/04/2024 21:46(IST)

Bengaluru X Lucknow: విరాట్ కోహ్లీ (22) ఔట్.. సిద్ధార్థ్‌కు ఐపీఎల్‌ ఫస్ట్ వికెట్

బెంగళూరు తొలి వికెట్ కోల్పోయింది. విరాట్ కోహ్లీ (22) ఔటయ్యాడు.
మణిమారన్‌ సిద్ధార్థ్ వేసిన ఐదో ఓవర్‌లో తొలి బంతికి బౌండరీ బాదిన కోహ్లీ తర్వాతి బంతికే పడిక్కల్‌కు క్యాచ్‌ ఇచ్చాడు.
సిద్ధార్థ్‌కు ఐపీఎల్‌లో ఇది మొదటి వికెట్. 5 ఓవర్లకు స్కోరు 42/1.

02/04/2024 21:42(IST)

Bengaluru X Lucknow: దూకుడుగా ఆడుతున్న బెంగళూరు ఓపెనర్లు

బెంగళూరు ఓపెనర్లు దూకుడుగా ఆడుతున్నారు.
నవీనుల్ హక్‌ వేసిన నాలుగో ఓవర్‌లో మూడో బంతికి కోహ్లీ (18) సిక్సర్ బాదాడు.
చివరి బంతిని డుప్లెసిస్‌ (18) మిడాన్‌ మీదుగా బౌండరీకి పంపాడు. 4 ఓవర్లకు స్కోరు 36/0.

02/04/2024 21:29(IST)

Bengaluru X Lucknow: లక్ష్యఛేదనకు దిగిన బెంగళూరు.. టార్గెట్ 182

లఖ్‌నవూ నిర్దేశించిన 182 పరుగుల లక్ష్యాన్ని ఛేదించేందుకు బెంగళూరు బరిలోకి దిగింది.
స్పిన్నర్‌ మణిమారన్‌ సిద్ధార్థ్‌ వేసిన తొలి ఓవర్‌లో మూడు సింగిల్స్ మాత్రమే వచ్చాయి.
విరాట్ కోహ్లీ (2), ఫాఫ్‌ డుప్లెసిస్ (1) క్రీజులో ఉన్నారు.

02/04/2024 21:11(IST)

Bengaluru X Lucknow: చివర్లో పూరన్ మెరుపులు.. బెంగళూరు టార్గెట్ 182

బెంగళూరుతో జరుగుతున్న మ్యాచ్‌లో లఖ్‌నవూ భారీ స్కోరు సాధించింది.
నిర్ణీత 20 ఓవర్లలో 5 వికెట్ల నష్టానికి 181 పరుగులు చేసింది.
ఓపెనర్ క్వింటన్ డికాక్ (81; 56 బంతుల్లో 8 ఫోర్లు, 5 సిక్స్‌లు) జట్టు భారీ స్కోరు చేయడంలో కీలకపాత్ర పోషించాడు.
చివర్లో నికోలస్ పూరన్ (40*; 21 బంతుల్లో 1 ఫోర్, 5 సిక్స్‌లు) మెరుపులు మెరిపించాడు.
మార్కస్‌ స్టాయినిస్ (24), కేఎల్ రాహుల్ (20) పరుగులు చేశారు.
బెంగళూరు బౌలర్లలో మ్యాక్స్‌వెల్ 2, రీస్ టాప్లీ, యశ్ దయాల్, సిరాజ్‌ ఒక్కో వికెట్ పడగొట్టారు.

02/04/2024 21:07(IST)

Bengaluru X Lucknow: పూరన్ సూపర్ సిక్స్‌.. స్టేడియం పైకప్పు పడిన బంతి

నికోలస్ పూరన్ గేర్లు మార్చి ఆడుతున్నాడు.
రీస్‌ టాప్లీ వేసిన 19 ఓవర్‌లో వరుసగా మూడు సిక్సర్లు బాదేశాడు.
ఇందులో 18.4 ఓవర్‌కు బాదిన సిక్స్‌ స్టేడియం పైకప్పుపై పడింది. ఇది 106 మీటర్ల సిక్స్‌.
19 ఓవర్లకు స్కోరు 168/5. నికోలస్ పూరన్ (27), కృనాల్ పాండ్య (0) క్రీజులో ఉన్నారు.

02/04/2024 21:02(IST)

Bengaluru X Lucknow: ఐదో వికెట్ కోల్పోయిన లఖ్‌నవూ

యశ్ దయాల్ తన స్పెల్‌లో చివరి బంతికి వికెట్ దక్కించుకున్నాడు.
అతడు వేసిన 18 ఓవర్‌లో చివరి బంతికి ఆయుష్‌ బదోని (0) డుప్లెసిస్‌కు క్యాచ్‌ ఇచ్చాడు.
దీంతో 148 పరగుల వద్ద లఖ్‌నవూ ఐదో వికెట్ కోల్పోయింది.

02/04/2024 20:56(IST)

Bengaluru X Lucknow: క్వింటన్ డికాక్‌ (81) ఔట్.. లఖ్‌నవూ నాలుగో వికెట్

సెంచరీ చేసేలా కనిపించిన క్వింటన్ డికాక్ (81; 56 బంతుల్లో 8 ఫోర్లు, 5 సిక్స్‌లు) ఔటయ్యాడు.
రీస్ టాప్లీ వేసిన 17 ఓవర్‌లో నాలుగో బంతికి లాంగాఫ్‌లో మయాంక్ దగార్‌కు క్యాచ్‌ ఇచ్చాడు.
17 ఓవర్లకు స్కోరు 143/4. ఆయుష్‌ బదోని (0), నికోలస్ పూరన్ (3) పరుగులతో ఉన్నారు.

02/04/2024 20:51(IST)

Bengaluru X Lucknow: దూకుడుగా ఆడుతున్న డికాక్.. సెంచరీ చేస్తాడా?

క్వింటన్ డికాక్ (80) దూకుడుగా ఆడుతూ సెంచరీ దిశగా సాగుతున్నాడు.
సిరాజ్ వేసిన 16 ఓవర్‌లో 10 రన్స్‌ రాగా.. డికాక్ రెండు ఫోర్లు బాదాడు.
16 ఓవర్లకు స్కోరు 141/3. నికోలస్ పూరన్ (2) పరుగులతో ఉన్నారు.

02/04/2024 20:37(IST)

Bengaluru X Lucknow: స్టాయినిస్ (24) ఔట్.. లఖ్‌నవూ మూడో వికెట్

లఖ్‌నవూ మూడో వికెట్ కోల్పోయింది. స్టాయినిస్ (24; 15 బంతుల్లో 1 ఫోర్, 2 సిక్స్‌లు) ఔటయ్యాడు.
మ్యాక్స్‌వెల్ వేసిన 14 ఓవర్‌లో తొలి బంతికి సిక్స్ బాదిన స్టాయినిస్.. ఐదో బంతికి మయాంక్ దగార్‌కు క్యాచ్‌ ఇచ్చాడు.
14 ఓవర్లకు స్కోరు 129/3. నికోలస్ పూరన్ (0), క్వింటన్ డికాక్ (70) క్రీజులో ఉన్నారు.

02/04/2024 20:34(IST)

Bengaluru X Lucknow: దంచికొడుతున్న క్వింటన్ డికాక్

అర్ధ శతకం పూర్తి చేసుకున్న తర్వాత డికాక్ మరింత దూకుడుగా ఆడుతున్నాడు.
కామెరూన్ గ్రీన్ వేసిన 13 ఓవర్‌లో రెండు సిక్స్‌లు, ఓ ఫోర్ బాదేశాడు.
13 ఓవర్లకు స్కోరు 121/2. డికాక్‌ (69), స్టాయినిస్ (17) పరుగులతో ఉన్నారు.

02/04/2024 20:31(IST)

Bengaluru X Lucknow: డికాక్‌ అర్ధ శతకం.. 100 దాటిన లఖ్‌నవూ

క్వింటన్ డికాక్‌ 36 బంతుల్లో అర్ధ శతకం అందుకున్నాడు.
మయాంక్ దగార్‌ వేసిన 12 ఓవర్లో నాలుగో బంతికి బౌండరీ బాది ఐపీఎల్‌లో 22వ హాఫ్‌ సెంచరీని పూర్తి చేసుకున్నాడు.
చివరి బంతికి డికాక్ సిక్స్ బాదడంతో స్కోరు 100 దాటింది. 12 ఓవర్లకు స్కోరు 102/2.
డికాక్‌ (58), స్టాయినిస్ (9) పరుగులతో ఉన్నారు.

02/04/2024 20:22(IST)

Bengaluru X Lucknow: అర్ధ శతకానికి చేరువైన క్వింటన్ డికాక్.. 10 ఓవర్లు పూర్తి

లఖ్‌నవూ ఓపెనర్ క్వింటన్ డికాక్‌ (46; 31 బంతుల్లో) అర్ధ శతకానికి చేరువయ్యాడు.
మయాంక్ దగార్‌ వేసిన 10 ఓవర్‌లో వైడ్+ఫోర్‌తో పాటు ఆరు సింగిల్స్ వచ్చాయి.
10 ఓవర్లకు స్కోరు 84/2. స్టాయినిస్ (3) పరుగులతో ఉన్నాడు.

02/04/2024 20:17(IST)

Bengaluru X Lucknow: పడిక్కల్ (6) ఔట్.. లఖ్‌నవూ రెండో వికెట్

సిరాజ్‌ వేసిన తొమ్మిదో ఓవర్‌లో మూడో బంతికి డికాక్‌ సిక్స్ బాదాడు.
నాలుగో బంతి తర్వాత సిరాజ్‌ వరుసగా మూడు వైడ్లు వేసి ఐదో బంతికి పడిక్కల్ (6)ను ఔట్ చేశాడు.
అంతకుముందు మ్యాక్స్‌వెల్ వేసిన ఎనిమిదో ఓవర్‌లో మూడు పరుగులు వచ్చాయి.
9 ఓవర్లకు స్కోరు 73/2. స్టాయినిస్ (0), డికాక్‌ (43) పరుగులతో ఉన్నారు.

02/04/2024 20:04(IST)

Bengaluru X Lucknow: క్వింటన్ డికాక్@ 3000 రన్స్‌

రీస్ టాప్లీ వేసిన ఏడో ఓవర్‌లో ఐదు పరుగులు వచ్చాయి.
క్వింటన్ డికాక్‌ ఈ ఓవర్‌లో మూడు రన్స్‌ చేసి ఐపీఎల్‌లో 3000 పరుగుల మైలురాయిని అందుకున్నాడు.
7 ఓవర్లకు స్కోరు 59/1. దేవదత్ పడిక్కల్ (3) పరుగులతో ఉన్నాడు.

02/04/2024 19:57(IST)

Bengaluru X Lucknow: కేఎల్ రాహుల్‌కు చెక్‌ పెట్టిన మ్యాక్స్‌వెల్

లఖ్‌నవూ మొదటి వికెట్ కోల్పోయింది. కేఎల్ రాహుల్ (20; 14 బంతుల్లో) ఔటయ్యాడు.
మ్యాక్స్‌వెల్ వేసిన ఆరో ఓవర్‌లో రెండో బంతికి సిక్స్ బాదిన రాహుల్.. తర్వాతి బంతికే భారీ షాట్ ఆడి మయాంక్‌ దగార్‌కు చిక్కాడు.
6 ఓవర్లకు స్కోరు 54/1. దేవదత్‌ పడిక్కల్ (1), డికాక్ (32) పరుగులతో ఉన్నారు.

02/04/2024 19:55(IST)

Bengaluru X Lucknow: జోరు పెంచుతున్న కేఎల్ రాహుల్

కేఎల్ రాహుల్ (14) క్రమంగా దూకుడు పెంచుతున్నాడు.
యశ్ దయాల్ వేసిన ఐదో ఓవర్‌లో మొదటి నాలుగు బంతుల్లో రెండే రన్స్‌ వచ్చాయి.
ఐదో బంతికి రాహుల్ నేరుగా సిక్స్‌ బాదాడు. 5 ఓవర్లకు స్కోరు 46/0. డికాక్ (14) క్రీజులో ఉన్నాడు.

02/04/2024 19:49(IST)

Bengaluru X Lucknow: కట్టుదిట్టంగా బౌలింగ్ చేసిన మ్యాక్స్‌వెల్

మ్యాక్స్‌వెల్ తన తొలి ఓవర్‌ చాలా కట్టుదిట్టంగా వేశాడు.
అతడు వేసిన ఇన్నింగ్స్‌ నాలుగో ఓవర్‌లో నాలుగు పరుగులే వచ్చాయి.
4 ఓవర్లకు స్కోరు 36/0. డికాక్ (30), రాహుల్ (5) పరుగులతో ఉన్నారు.

02/04/2024 19:45(IST)

Bengaluru X Lucknow: దూకుడుగా ఆడుతున్న క్వింటన్ డికాక్‌

లఖ్‌నవూ ఓపెనర్ క్వింటన్ డికాక్‌ (29; 13 బంతుల్లో) దూకుడుగా ఆడుతున్నాడు.
మహ్మద్‌ సిరాజ్‌ వేసిన మూడో ఓవర్‌లో మొదటి మూడు బంతుల్లో ఒకే పరుగు వచ్చింది.
తర్వాతి రెండు బంతులను డికాక్‌ స్టాండ్స్‌లోకి పంపించాడు.
3 ఓవర్లకు స్కోరు 32/0. కేఎల్ రాహుల్ (3) పరుగులతో ఉన్నాడు.

02/04/2024 19:35(IST)

Bengaluru X Lucknow: తొలి ఓవర్‌లోనే మూడు ఫోర్లు బాదిన డికాక్‌

బెంగళూరు, లఖ్‌నవూ మధ్య మ్యాచ్‌ ప్రారంభమైంది. టాస్‌ ఓడి లఖ్‌నవూ బ్యాటింగ్‌కు దిగింది.
రీస్ టాప్లీ వేసిన తొలి ఓవర్‌లో ఓపెనర్ క్వింటన్ డికాక్‌ (12) మూడు ఫోర్లు బాదాడు. కేఎల్ రాహుల్ క్రీజులో ఉన్నాడు.

02/04/2024 19:14(IST)

Bengaluru X Lucknow: రెండు జట్ల ఇంపాక్ట్ సబ్‌స్టిట్యూట్‌లు వీరే

బెంగళూరు: సుయాశ్ ప్రభుదేశాయ్‌, మహిపాల్ లోమ్రోర్‌, కర్ణ్‌ శర్మ, విజయ్‌కుమార్‌ వైశాఖ్, స్వప్నిల్ సింగ్.
లఖ్‌నవూ: మణిమారన్‌ సిద్ధార్థ్‌, షమర్ జోసెఫ్‌, దీపక్ హుడా, అమిత్ మిశ్రా, కృష్ణప్ప గౌతమ్.

02/04/2024 19:09(IST)

Bengaluru X Lucknow: బెంగళూరు తుది జట్టు ఇదే

డుప్లెసిస్ (కెప్టెన్‌), విరాట్ కోహ్లీ, కామెరూన్ గ్రీన్‌, గ్లెన్ మ్యాక్స్‌వెల్, రజత్ పటిదార్, దినేశ్ కార్తిక్‌, అనుజ్‌ రావత్ (వికెట్ కీపర్), రీస్‌ టాప్లీ, మయాంక్ దగార్‌, మహ్మద్‌ సిరాజ్‌, యశ్ దయాల్.

02/04/2024 19:03(IST)

Bengaluru X Lucknow: టాస్‌ గెలిచి బౌలింగ్ ఎంచుకున్న బెంగళూరు

ఐపీఎల్ 17 సీజన్‌లో భాగంగా మరికాసేపట్లో బెంగళూరు, లఖ్‌నవూ మధ్య మ్యాచ్‌ ప్రారంభంకానుంది.
బెంగళూరు కెప్టెన్ డుప్లెసిస్‌ టాస్‌ గెలిచి ప్రత్యర్థి జట్టుని బ్యాటింగ్‌కు ఆహ్వానించాడు.

02/04/2024 18:44(IST)

Bengaluru X Lucknow: ఎవరు ఏ స్థానంలో ఉన్నారంటే?

లఖ్‌నవూ ఇప్పటివరకు రెండు మ్యాచ్‌లు ఆడింది. తొలి మ్యాచ్‌లో రాజస్థాన్‌ చేతిలో ఓటమిపాలైనా.. తర్వాత పంజాబ్‌పై గెలిచింది.
ప్రస్తుతం పాయింట్ల పట్టికలో ఆరో స్థానంలో ఉంది.
బెంగళూరు మూడు మ్యాచ్‌లు ఆడి చెన్నై, కోల్‌తా చేతిలో పరాజయం పాలైంది. పంజాబ్‌పై మాత్రం 4 వికెట్ల తేడాతో గెలిచింది.
ప్రస్తుతం పాయింట్ల పట్టికలో చివరి నుంచి రెండో స్థానంలో ఉంది.

బెంగళూరు X లఖ్‌నవూ ఐపీఎల్ మ్యాచ్‌ లైవ్‌అప్‌డేట్స్‌

తాజా వార్తలు (Latest News)

ఫైల్స్‌ దహనం కేసు.. పోలీసుల అదుపులోకి ఎంపీ మిథున్‌రెడ్డి ప్రధాన అనుచరుడు

కేంద్ర బడ్జెట్‌లో ఏపీకి రూ.50,474 కోట్లు: కేంద్ర మంత్రి మురుగన్‌

పారిస్‌ ఒలింపిక్స్‌.. ఎయిర్‌ పిస్టల్‌లోనూ మనకు నిరాశే..!

వారికి క్షమాపణలు చెప్పా: ‘యానిమల్‌’ విమర్శలపై తొలిసారి స్పందించిన రణ్‌బీర్‌

గోదావరిలో పెరుగుతున్న వరద.. ధవళేశ్వరం వద్ద రెండో ప్రమాద హెచ్చరిక జారీ

ఒకే ట్రాక్‌పైకి నాలుగు రైళ్లు.. వైరల్‌ వీడియోపై రైల్వే శాఖ స్పష్టత

సుఖీభవ

చదువు