Breaking | Feedback | ePratibha | E-PAPER | Pratibha

చెన్నై VS గుజరాత్.. ఐపీఎల్‌ మ్యాచ్‌ లైవ్‌ అప్‌డేట్స్‌

ఐపీఎల్‌-17 సీజన్‌లో చెన్నై వరుసగా రెండో విజయం సాధించింది. గుజరాత్‌తో జరిగిన మ్యాచ్‌లో 63 పరుగుల తేడాతో సూపర్‌ విక్టరీ నమోదు చేసింది.

Updated : 26 Mar 2024 23:32 IST

26/03/2024 23:28(IST)

Chennai X Gujarat: గుజరాత్‌ చిత్తు.. చెన్నైకి వరుసగా రెండో విజయం

ఐపీఎల్‌-17 సీజన్‌లో చెన్నై వరుసగా రెండో విజయం సాధించింది.
గుజరాత్‌తో జరిగిన మ్యాచ్‌లో 63 పరుగుల తేడాతో సూపర్‌ విక్టరీ నమోదు చేసింది.
తొలుత బ్యాటింగ్ చేసిన చెన్నై నిర్ణీత 20 ఓవర్లలో 6 వికెట్ల నష్టానికి 206 పరుగులు చేసింది.
శివమ్ దూబె (51; 23 బంతుల్లో 2 సిక్స్‌లు, 5 ఫోర్లు), రచిన్‌ రవీంద్ర (46; 20 బంతుల్లో 6 ఫోర్లు, 3 సిక్స్‌లు) మెరుపులు మెరిపించారు.
రుతురాజ్‌ గైక్వాడ్ (46; 36 బంతుల్లో 5 ఫోర్లు, 1 సిక్స్‌) రాణించాడు.
207 పరుగుల భారీ లక్ష్యఛేదనలో గుజరాత్ 143/8 స్కోరుకే పరిమితమైంది.
సాయి సుదర్శన్‌ (37) టాప్‌ స్కోరర్. వృద్ధీమాన్‌ సాహా (21) పరుగులు చేశాడు.
చెన్నై బౌలర్లలో దీపక్‌ చాహర్‌, ముస్తాఫిజుర్‌, తుషార్‌దేశ్‌ పాండే రెండేసి వికెట్లు పడగొట్టారు. డారిల్ మిచెల్, పతిరన ఒక్కో వికెట్ తీశారు.

26/03/2024 23:22(IST)

Chennai X Gujarat: రాహుల్ తెవాటియా (6) ఔట్.. గుజరాత్ ఎనిమిదో వికెట్

రాహుల్ తెవాటియా (6) ఔటయ్యాడు.
ముస్తాఫిజుర్ వేసిన 18.2 ఓవర్‌కు రచిన్‌ రవీంద్రకు క్యాచ్‌ ఇచ్చాడు.
19 ఓవర్లకు స్కోరు 135/8. స్పెన్సర్‌ జాన్సన్‌ (4), ఉమేశ్‌ యాదవ్‌ (3) క్రీజులో ఉన్నారు.

26/03/2024 23:11(IST)

Chennai X Gujarat: ఘోర ఓటమి దిశగా గుజరాత్

గుజరాత్ కనీస ప్రతిఘటన చేయడం లేదు. వరుసగా వికెట్లు కోల్పోతూ ఘోర ఓటమి దిశగా సాగుతోంది.
ముస్తాఫిజుర్‌ వేసిన 17 ఓవర్‌లో రెండో బంతికి రషీద్ ఖాన్ (1) రచిన్‌ రవీంద్రకు క్యాచ్‌ ఇచ్చాడు.
ఈ ఓవర్‌లో ముస్తాఫిజుర్‌ ఒకే పరుగు ఇచ్చి వికెట్ పడగొట్టాడు.
17 ఓవర్లకు స్కోరు 121/7. ఉమేశ్ యాదవ్‌ (0), రాహుల్ తెవాటియా (1) క్రీజులో ఉన్నారు.

26/03/2024 23:05(IST)

Chennai X Gujarat: అజ్మతుల్లా (11) ఔట్.. గుజరాత్ ఆరో వికెట్

గుజరాత్ ఆరో వికెట్ కోల్పోయింది. అజ్మతుల్లా ఒమర్జాయ్ (11) ఔటయ్యాడు.
తుషార్‌ దేశ్‌పాండే వేసిన 16 ఓవర్‌లో రెండో బంతికి రచిన్‌ రవీంద్రకు చిక్కాడు.
16 ఓవర్లకు స్కోరు 120/6. రాహుల్ తెవాటియా (0), రషీద్‌ ఖాన్ (1) పరుగులతో ఉన్నారు.
గుజరాత్ గెలవాలంటే చివరి నాలుగు ఓవర్లలో 87 పరుగులు చేయాలి.

26/03/2024 23:02(IST)

Chennai X Gujarat: సగం వికెట్లు కోల్పోయిన గుజరాత్

గుజరాత్ ఐదో వికెట్ కోల్పోయింది. సాయి సుదర్శన్‌ (37) ఔటయ్యాడు.
పతిరన వేసిన 14.5 ఓవర్‌కు సమీర్‌ రిజ్వికి క్యాచ్‌ ఇచ్చాడు.
15 ఓవర్లకు స్కోరు 114/5. రాహుతె తెవాటియా (0), ఒమర్జాయ్ (7) క్రీజులో ఉన్నారు.

26/03/2024 22:54(IST)

Chennai X Gujarat: నెమ్మదిగా ఆడుతున్న గుజరాత్ బ్యాటర్లు

గుజరాత్ బ్యాటర్లు నెమ్మదిగా ఆడుతున్నారు. ఓ వైపు, సాధించాల్సిన రన్‌రేట్ అంతకంతకూ పెరిగిపోతోంది.
గత రెండు ఓవర్లలో గుజరాత్ 13 పరుగులే చేసింది.
14 ఓవర్లకు స్కోరు 110/4. అజ్మతుల్లా ఒమర్జాయ్ (6), సాయి సుదర్శన్‌ (35) పరుగులతో ఉన్నారు.

26/03/2024 22:44(IST)

Chennai X Gujarat: డేవిడ్ మిల్లర్ (21) ఔట్.. గుజరాత్ నాలుగో వికెట్

గుజరాత్ నాలుగో వికెట్ కోల్పోయింది. డేవిడ్ మిల్లర్ (21) ఔటయ్యాడు.
తుషార్ దేశ్‌పాండే వేసిన 12 ఓవర్లో ఐదో బంతికి రహానెకు చిక్కాడు.
12 ఓవర్లకు స్కోరు 97/4. అజ్మతుల్లా ఒమర్జాయ్‌ (1), సాయి సుదర్శన్‌ (28) పరుగులతో ఉన్నారు.

26/03/2024 22:38(IST)

Chennai X Gujarat: ముస్తాఫిజుర్‌ బౌలింగ్‌లో రెండు ఫోర్లు

ముస్తాఫిజుర్‌ రెహమాన్‌ బౌలింగ్‌లో తొలి బంతికి ఫోర్‌ బాదిన సుదర్శన్‌
నాలుగో బంతికి ఫోర్‌ బాదిన మిల్లర్‌
11 ఓవర్లలో మొత్తం 13 పరుగుల
11 ఓవర్లు ముగిసే సరికి గుజరాత్‌ స్కోర్‌ 93/3

26/03/2024 22:21(IST)

Chennai X Gujarat: విజయ్‌ శంకర్‌ ఔట్‌

డేరిల్‌ మిచెల్‌ వేసిన మూడో బంతికి విజయ్‌ శంకర్‌ (12) ఔట్‌
విజయ్‌ శంకర్‌ ఇచ్చిన క్యాచ్‌ను డైవ్‌ చేసి ఒడిసి పట్టిన ధోనీ
క్రీజులోకి వచ్చిన డేవిడ్‌ మిల్లర్‌
కట్టుదిట్టంగా బౌలింగ్‌ చేసిన మిచెల్‌ ఈ ఓవర్‌లో కేవలం 5 పరుగులే ఇచ్చి వికెట్‌ తీశాడు.

26/03/2024 22:05(IST)

Chennai X Gujarat: గుజరాత్ ఓపెనర్లను ఔట్ చేసిన దీపక్ చాహర్‌

దీపక్‌ చాహర్‌ మరో వికెట్ పడగొట్టాడు.
అతడు వేసిన ఇన్నింగ్స్‌ 4.3 ఓవర్‌కు వృద్ధీమాన్ సాహా (21) తుషార్‌ దేశ్‌పాండేకు క్యాచ్‌ ఇచ్చాడు.
దీంతో గుజరాత్ ఓపెనర్లిద్దరినీ దీపక్‌ చాహర్‌ ఔట్‌చేసినట్లయింది.
5 ఓవర్లకు స్కోరు 35/2. విజయ్‌ శంకర్‌ (1), సాయి సుదర్శన్ (3) పరుగులతో ఉన్నారు.

26/03/2024 21:56(IST)

Chennai X Gujarat: గుజరాత్‌కు షాక్.. శుభ్‌మన్‌ గిల్‌ (8) ఔట్

గుజరాత్‌కు షాక్ తగిలింది. శుభ్‌మన్‌ గిల్‌ (8) తక్కువ స్కోరుకే వెనుదిరిగాడు.
దీపక్‌ చాహర్‌ వేసిన మూడో ఓవర్‌లో ఐదో బంతికి ఎల్బీడబ్ల్యూగా వెనుదిరిగాడు.
ఇదే ఓవర్‌లో వృద్ధీమాన్‌ సాహా (19) రెండు ఫోర్లు బాదాడు.
3 ఓవర్లకు స్కోరు 28/1. సాయి సుదర్శన్‌ (0) ఇంపాక్ట్‌ ప్లేయర్‌గా వచ్చాడు.

26/03/2024 21:39(IST)

Chennai X Gujarat: లక్ష్యఛేదనకు దిగిన గుజరాత్.. చెన్నై ఇంపాక్ట్ ప్లేయర్‌గా పతిరన

చెన్నై నిర్దేశించిన 207 పరుగుల భారీ లక్ష్యాన్ని ఛేదించేందుకు గుజరాత్ బరిలోకి దిగింది.
చెన్నై శివమ్ దూబె స్థానంలో మతిశా పతిరనను ఇంపాక్ట్‌ ప్లేయర్‌గా తీసుకుంది.
దీపక్‌ చాహర్‌ వేసిన తొలి ఓవర్‌లో మొదటి నాలుగు బంతులు డాట్.
ఐదో బంతికి వృద్ధీమాన్‌ సాహా (1) సింగిల్ తీయగా.. చివరి బంతిని శుభ్‌మన్‌ గిల్ (6) సిక్సర్‌గా మలిచాడు.

26/03/2024 21:20(IST)

Chennai X Gujarat: గుజరాత్‌కు గట్టి సవాల్‌ విసిరిన చెన్నై

గుజరాత్‌తో జరుగుతున్న మ్యాచ్‌లో చెన్నై భారీ స్కోరు సాధించింది.
నిర్ణీత 20 ఓవర్లలో 6 వికెట్ల నష్టానికి 206 పరుగులు చేసింది.
శివమ్ దూబె (51; 23 బంతుల్లో 2 సిక్స్‌లు, 5 ఫోర్లు), రచిన్‌ రవీంద్ర (46; 20 బంతుల్లో 6 ఫోర్లు, 3 సిక్స్‌లు) మెరుపులు మెరిపించారు.
రుతురాజ్‌ గైక్వాడ్ (46; 36 బంతుల్లో 5 ఫోర్లు, 1 సిక్స్‌) రాణించాడు.
డారిల్ మిచెల్ (24), సమీర్‌ రిజ్వి (14), రహానె (12) పరుగులు చేశారు.
గుజరాత్ బౌలర్లలో రషీద్‌ ఖాన్‌ 2, సాయి కిషోర్, స్పెన్సర్‌ జాన్సన్‌, మోహిత్ శర్మ ఒక్కో వికెట్ పడగొట్టారు.

26/03/2024 21:12(IST)

Chennai X Gujarat: శివమ్‌ దూబె (51) ఔట్.. చెన్నై నాలుగో వికెట్

చెన్నై నాలుగో వికెట్ కోల్పోయింది. శివమ్ దూబె (51; 23 బంతుల్లో) ఔటయ్యాడు.
రషీద్‌ ఖాన్‌ వేసిన 19 ఓవర్‌లో రెండో బంతికి విజయ్‌ శంకర్‌కు క్యాచ్‌ ఇచ్చాడు.
తర్వాత వచ్చిన సమీర్ రిజ్వి (14) రెండు సిక్స్‌లు బాదాడు.
19 ఓవర్లకు స్కోరు 198/4. డారిల్ మిచెల్ (23) పరుగులతో ఉన్నాడు.

26/03/2024 21:10(IST)

Chennai X Gujarat: 22 బంతుల్లోనే శివమ్‌ దూబె అర్ధ శతకం

శివమ్‌ దూబె 22 బంతుల్లోనే అర్ధ శతకం పూర్తి చేసుకున్నాడు.
మోహిత్‌ శర్మ వేసిన 18 ఓవర్‌లో రెండో బంతికి లాంగాన్‌ మీదుగా సిక్స్ బాదాడు.
ఇదే ఓవర్‌లో చివరి బంతికి రెండు పరుగులు రాబట్టి హాఫ్‌ సెంచరీ సాధించాడు.
18 ఓవర్లకు స్కోరు 183/3. శివమ్‌ దూబె (51), డారిల్ మిచెల్ (22) పరుగులతో ఉన్నారు.

26/03/2024 20:56(IST)

Chennai X Gujarat: భారీ స్కోరు దిశగా చెన్నై

చెన్నై భారీ స్కోరు దిశగా సాగుతోంది.
మోహిత్ శర్మ వేసిన 16 ఓవర్‌లో 10 పరుగులు రాగా.. ఆఖరి బంతికి శివమ్ దూబె ఫోర్ బాదాడు.
స్పెన్సర్‌ జాన్సన్‌ వేసిన 17 ఓవర్‌లో ఏడు పరుగులు వచ్చాయి.
17 ఓవర్లకు స్కోరు 172/3. డారిల్ మిచెల్ (20), శివమ్‌ దూబె (42) పరుగులతో ఉన్నారు.

26/03/2024 20:46(IST)

Chennai X Gujarat: మిచెల్ ఫోర్‌, శివమ్‌ దూబె సిక్స్‌

రషీద్ ఖాన్‌ వేసిన 14 ఓవర్‌లో 13 పరుగులు వచ్చాయి.
నాలుగో బంతికి డారిల్ మిచెల్ (7) బౌండరీ రాబట్టగా.. చివరి బంతిని శివమ్‌ దూబె (24) లాంగాన్‌ మీదుగా స్టాండ్స్‌లోకి పంపాడు.
14 ఓవర్లకు స్కోరు 141/3.

26/03/2024 20:38(IST)

Chennai X Gujarat: హాఫ్‌ సెంచరీ మిస్‌ చేసుకున్న రుతురాజ్ గైక్వాడ్

రుతురాజ్‌ గైక్వాడ్ (46; 36 బంతులలో) హాఫ్‌ సెంచరీ మిస్ చేసుకున్నాడు.
స్పెన్సర్‌ జాన్సన్‌ వేసిన 12.3 ఓవర్‌కు వికెట్ కీపర్‌ వృద్ధీమాన్‌ సాహాకు క్యాచ్‌ ఇచ్చాడు.
దీంతో 127 పరుగుల వద్ద చెన్నై మూడో వికెట్ కోల్పోయింది.
13 ఓవర్లకు స్కోరు 128/3. శివమ్ దూబె (17), డారిల్ మిచెల్ (1) క్రీజులో ఉన్నారు.

26/03/2024 20:28(IST)

Chennai X Gujarat: క్రీజులోకి రావడంతోనే సిక్స్‌లు బాదుతున్న శివమ్ దూబె

శివమ్ దూబె (13) క్రీజులోకి వచ్చిరావడంతోనే సిక్సర్లు బాదుతున్నాడు.
సాయి కిషోర్ వేసిన 11 ఓవర్‌లో రెండు, మూడు బంతులకు సిక్స్‌లు బాదాడు.
11 ఓవర్లకు స్కోరు 119/2. రుతురాజ్‌ గైక్వాడ్ (43) పరుగులతో ఉన్నాడు.

26/03/2024 20:22(IST)

Chennai X Gujarat: 10 ఓవర్లు పూర్తి.. 100 దాటిన చెన్నై స్కోరు

రుతురాజ్‌ గైక్వాడ్ (42) దూకుడుగా ఆడుతూ అర్ధ శతకానికి చేరువయ్యాడు.
స్పెన్సర్‌ జాన్సన్‌ వేసిన 10 ఓవర్‌లో రుతురాజ్ ఓ సిక్స్, ఫోర్ బాదాడు.
10 ఓవర్లకు స్కోరు 104/1. రహానె (12) పరుగులతో ఉన్నాడు.

26/03/2024 20:17(IST)

Chennai X Gujarat: సూపర్‌ రన్నింగ్.. ఒకే బంతికి నాలుగు పరుగులు

చెన్నై బ్యాటర్లు వికెట్ల మధ్య చురుగ్గా కదులుతున్నారు.
సాయి కిషోర్ వేసిన తొమ్మిదో ఓవర్లో రెండో బంతిని రహానె (11) ఎదుర్కొన్నాడు.
అతడు కిందనుంచి డీప్‌ మిడ్‌ వికెట్ మీదుగా షాట్ ఆడగా..మిస్‌ ఫీల్డ్ అయింది. ఈ గ్యాప్‌లోనే చెన్నై బ్యాటర్లు నాలుగు పరుగులు రాబట్టడం విశేషం.
9 ఓవర్లకు స్కోరు 92/1. రుతురాజ్ (31) పరుగులతో ఉన్నాడు.

26/03/2024 20:11(IST)

Chennai X Gujarat: నిలకడగా ఆడుతున్న చెన్నై బ్యాటర్లు

చెన్నై బ్యాటర్లు నిలకడగా ఆడుతున్నారు. గత రెండు ఓవర్లలో 15 పరుగులు రాబట్టారు.
సాయి కిషోర్ వేసిన ఏడో ఓవర్‌లో ఐదు పరుగులు, రషీద్‌ ఖాన్‌ వేసిన తర్వాతి ఓవర్‌లో 10 పరుగులు వచ్చాయి.
8 ఓవర్లకు 84/1. రహానె (6), రుతురాజ్‌ గైక్వాడ్ (28) పరుగులతో ఉన్నారు.

26/03/2024 20:02(IST)

Chennai X Gujarat: రచిన్‌ జోరుకు బ్రేక్‌ వేసిన రషీద్‌ ఖాన్‌

రచిన్‌ రవీంద్ర (46; 20 బంతుల్లో 6 ఫోర్లు, 3 సిక్స్‌లు) మెరుపు ఇన్నింగ్స్‌కు రషీద్‌ ఖాన్‌ తెరదించాడు.
రషీద్‌ ఖాన్‌ వేసిన ఆరో ఓవర్‌లో తొలి బంతికి ఫోర్ బాదిన రచిన్‌.. తర్వాతి బంతికే స్టంపౌట్‌గా వెనుదిరిగాడు.
అనంతరం మూడు సింగిల్స్‌ రాగా.. చివరి బంతికి రుతురాజ్‌ గైక్వాడ్ (18) ఫోర్ బాదాడు.
పవర్‌ ప్లే ముగిసేసరికి చెన్నై స్కోరు 69/1. అజింక్య రహానె (2) పరుగులతో ఉన్నాడు.

26/03/2024 19:58(IST)

Chennai X Gujarat: గుజరాత్ బౌలర్లకు చుక్కలు చూపిస్తున్న రచిన్ రవీంద్ర

రచిన్‌ రవీంద్ర ఎడాపెడా బౌండరీలు బాదతూ గుజరాత్ బౌలర్లకు చుక్కలు చూపిస్తున్నాడు.
అజ్మతుల్లా ఒమర్జాయ్‌ వేసిన ఐదో ఓవర్‌లో రెండో బంతికి సిక్స్‌ బాదిన అతడు.. ఐదో బంతిని బౌండరీకి తరలించాడు.
రుతురాజ్‌ గైక్వాడ్ (13) కూడా ఓ బౌండరీ రాబట్టాడు.
5 ఓవర్లకు చెన్నై స్కోరు 58/0. రచిన్‌ రవీంద్ర (42) పరుగులతో ఉన్నాడు.

26/03/2024 19:52(IST)

Chennai X Gujarat: దూకుడుగా ఆడుతున్న రచిన్ రవీంద్ర

చెన్నై ఓపెనర్ రచిన్‌ రవీంద్ర దూకుడుగా ఆడుతున్నాడు.
ఉమేశ్‌ యాదవ్‌ వేసిన నాలుగో ఓవర్‌లో తొలి బంతికి లాంగాన్‌ మీదుగా సిక్స్‌ బాదాడు. తర్వాతి బంతిని బౌండరీకి పంపాడు.
రుతురాజ్‌ గైక్వాడ్ (9) నాలుగో బంతికి ఫోర్ రాబట్టాడు.
4 ఓవర్లకు స్కోరు 41/0. రచిన్‌ రవీంద్ర (31) పరుగులతో ఉన్నాడు.

26/03/2024 19:44(IST)

Chennai X Gujarat: మళ్లీ క్యాచ్‌ డ్రాప్‌ చేసిన సాయి కిషోర్

గత ఓవర్‌లో ఓ క్యాచ్‌మిస్‌ చేసిన సాయికిషోర్‌ ఉమేశ్‌ యాదవ్ వేసిన రెండో ఓవర్‌లోనూ క్యాచ్‌ అందుకోలేకపోయాడు.
ఈ ఓవర్‌లో రచిన్‌ రవీంద్ర (11) నాలుగో బంతికి సిక్స్‌, ఐదో బంతికి ఫోర్ బాదాడు.
చివరి బంతి బ్యాట్ ఎడ్జ్‌కు తగిలి స్లిప్‌లో ఉన్న సాయికిషోర్ చేతుల్లో పడింది. కానీ, అతడు దాన్ని ఒడిసిపట్టలేకపోయాడు.
2 ఓవర్లకు స్కోరు 13/0.

26/03/2024 19:37(IST)

Chennai X Gujarat: సాయికిషోర్‌ క్యాచ్‌ డ్రాప్‌.. బతికిపోయిన రుతురాజ్ గైక్వాడ్

రుతురాజ్‌ గైక్వాడ్ త్రుటిలో ఔటయ్యే ప్రమాదం నుంచి తప్పించుకున్నాడు.
అజ్మతుల్లా వేసిన ఇన్నింగ్స్‌ తొలి ఓవర్‌లో చివరి బంతిని రుతురాజ్‌ ఎదుర్కొన్నాడు.
గైక్వాడ్ ఇచ్చిన సులభమైన క్యాచ్‌ను ఫస్ట్ స్లిప్‌లో ఉన్న సాయికిషోర్ జారవిడిచాడు.
ఈ ఓవర్‌లో రెండు సింగిల్స్‌ మాత్రమే వచ్చాయి.

26/03/2024 19:33(IST)

Chennai X Gujarat: ప్రారంభమైన మ్యాచ్‌.. ఓపెనర్లుగా రచిన్‌, రుతురాజ్‌

చెన్నై, గుజరాత్ జట్ల మధ్య మ్యాచ్‌ ప్రారంభమైంది.
టాస్‌ ఓడి చెన్నై బ్యాటింగ్‌కు దిగింది. రుతురాజ్‌ గైక్వాడ్, రచిన్‌ రవీంద్ర ఓపెనర్లుగా వచ్చారు.
ఒమర్జాయ్‌ తొలి ఓవర్‌ వేస్తున్నాడు.

26/03/2024 19:09(IST)

Chennai X Gujarat: చెన్నై సూపర్ కింగ్స్ తుది జట్టు ఇదే

రుతురాజ్ గైక్వాడ్ (కెప్టెన్‌), రచిన్ రవీంద్ర, అజింక్య రహానె, డారిల్ మిచెల్, శివమ్ దూబె, రవీంద్ర జడేజా, సమీర్ రిజ్వీ, ఎంఎస్ ధోనీ (వికెట్ కీపర్‌), దీపక్ చాహర్, తుషార్ దేశ్‌పాండే, ముస్తాఫిజుర్ రెహ్మాన్.

26/03/2024 19:08(IST)

Chennai X Gujarat: గుజరాత్ టైటాన్స్‌ తుది జట్టు

శుభ్‌మన్‌ గిల్ (కెప్టెన్‌), వృద్ధిమాన్ సాహా (వికెట్‌ కీపర్‌), అజ్మతుల్లా ఒమర్జాయ్, డేవిడ్ మిల్లర్, విజయ్ శంకర్, రాహుల్ తెవాటియా, రషీద్ ఖాన్, సాయి కిషోర్, ఉమేష్ యాదవ్, మోహిత్ శర్మ, స్పెన్సర్ జాన్సన్.

26/03/2024 17:36(IST)

యువ కెప్టెన్ల సమరం

యువ సారథుల మధ్య ఆసక్తికర సమరం. ఈ సీజన్లో గుజరాత్‌, చెన్నై జట్లకు కొత్త కెప్టెన్లుగా నియమితులై తొలి మ్యాచ్‌లో జట్టుకు విజయాలందించిన శుభ్‌మన్‌ గిల్‌, రుతురాజ్‌ గైక్వాడ్‌ల మధ్య పోరుకు రంగం సిద్ధమైంది. చెన్నైలో మంగళవారం ఈ రెండు జట్లు తలపడబోతున్నాయి. చెన్నైని చెన్నైలో ఓడించడం తేలిక కాదు. కానీ సమష్టిగా ఆడే గుజరాత్‌కు అది అసాధ్యమేమీ కాదు. ఈ మ్యాచ్‌లో గిల్‌, రుతురాజ్‌ల కెప్టెన్సీ, బ్యాటింగ్‌ మీద అందరి దృష్టీ నిలవనుంది. తమ తొలి మ్యాచ్‌ల్లో గుజరాత్‌.. ముంబయిని, చెన్నై.. బెంగళూరును ఓడించాయి.

App

చెన్నై VS గుజరాత్.. ఐపీఎల్‌ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

‘దేవర’లో కీలక పాత్ర.. అల్లరి నరేశ్‌ ఏమన్నారంటే?

తెదేపా ఎన్నికల ప్రచార రథంపై వైకాపా మూకల రాళ్ల దాడి

నేనెందుకు సమాధానం చెప్పాలి?: వరలక్ష్మీ శరత్‌కుమార్‌

అతిపెద్ద ఎయిర్‌పోర్టు.. 400 గేట్లు.. రూ.2.9 లక్షల కోట్ల ఖర్చు!

చైనాతో చర్చలు.. భారత్‌ ఎప్పుడూ తలవంచదు: రాజ్‌నాథ్‌ సింగ్‌

ఎస్‌బీఐ కార్డు నుంచి 3 ట్రావెల్‌ క్రెడిట్‌ కార్డులు.. ప్రయోజనాలివే..!

సుఖీభవ

చదువు