Breaking | Feedback | ePratibha | E-PAPER | Pratibha

Delhi X Chennai: దిల్లీ వర్సెస్‌ చెన్నై.. ఐపీఎల్‌ మ్యాచ్‌ లైవ్‌ అప్‌డేట్స్‌

ఐపీఎల్‌ 2024లో దిల్లీ జట్టు ఎట్టకేలకు ఖాతా తెరిచింది. విశాఖ వేదికగా చెన్నైతో జరిగిన మ్యాచ్‌లో ఆ జట్టు 20 పరుగుల తేడాతో విజయం సాధించింది.

Updated : 31 Mar 2024 23:32 IST

31/03/2024 23:23(IST)

Delhi X Chennai: చెన్నైకి షాకిచ్చిన దిల్లీ..

వరుసగా రెండు విజయాలు సాధించిన చెన్నైకి దిల్లీ షాక్‌ ఇచ్చింది.
వైజాగ్ వేదికగా జరిగిన మ్యాచ్‌లో దిల్లీ 20 పరుగుల తేడాతో విజయం సాధించి ఈ సీజన్‌లో బోణీ కొట్టింది.
తొలుత బ్యాటింగ్‌ చేసిన దిల్లీ 5 వికెట్ల నష్టానికి 191 పరుగులు చేసింది.
ఈ భారీ లక్ష్యఛేదనలో చెన్నై 171/6 పరుగులకు పరిమితమైంది.
చివర్లో ధోనీ (37*; 16 బంతుల్లో 4 ఫోర్లు, 2 సిక్స్‌లు) మెరుపులు మెరిపించినా జట్టును గెలిపించలేకపోయాడు.
దిల్లీ బౌలర్లలో ముకేశ్‌ కుమార్‌ 3, ఖలీల్‌ అహ్మద్‌ 2, అక్షర్‌ ఒక వికెట్‌ తీశారు.

31/03/2024 23:06(IST)

Delhi X Chennai: ఒకే ఓవర్‌లో రెండు ఫోర్లు బాదిన ధోనీ

ధోనీ క్రీజులోకి రావడంతోనే ఎదుర్కొన్న తొలి బంతినే బౌండరీకి పంపాడు.
తర్వాత అతడు ఇచ్చిన క్యాచ్‌ను ఖలీల్ అహ్మద్‌ మిస్‌ చేశాడు.
అనంతరం జడేజా, ధోనీ చెరో బౌండరీ రాబట్టారు. దీంతో 17 ఓవర్‌లో ఒక వికెట్‌తోపాటు 14 పరుగులు వచ్చాయి.
17 ఓవర్లకు స్కోరు 134/6. ధోనీ (9), జడేజా (16) పరుగులతో ఉన్నారు.

31/03/2024 23:00(IST)

Delhi X Chennai: గెలవాలంటే దూకుడుగా ఆడాల్సిందే

చెన్నై సాధించాల్సిన రన్‌రేట్ అంతకంతకూ పెరిగిపోతోంది.
నోకియా వేసిన 16 ఓవర్‌లో కేవలం ఏడు పరుగులే వచ్చాయి.
మ్యాచ్‌ గెలవాలంటే చెన్నై బ్యాటర్లు దూకుడుగా ఆడాల్సిన అవసరముంది.
16 ఓవర్లకు స్కోరు 120/5. శివమ్‌ దూబె (18), రవీంద్ర జడేజా (11) పరుగులతో ఉన్నారు.

31/03/2024 22:57(IST)

Delhi X Chennai: ఆఖరి 5 ఓవర్లలో చెన్నై ఎంత కొట్టాలంటే?

ఇషాంత్ శర్మ వేసిన 15 ఓవర్‌లో 10 పరుగులు వచ్చాయి.
15 ఓవర్లు ముగిసేసరికి చెన్నై స్కోరు 113/5. రవీంద్ర జడేజా (8), శివమ్ దూబె (15) పరుగులతో ఉన్నారు.
చెన్నై విజయానికి ఆఖరి ఐదు ఓవర్లలో 79 పరుగులు అవసరం.

31/03/2024 22:46(IST)

Delhi X Chennai: సమీర్‌ రిజ్వి గోల్డెన్ డక్.. చెన్నై ఐదు వికెట్లు

చెన్నై సగం వికెట్లు కోల్పోయింది. సమీర్ రిజ్వి (0) గోల్డెన్‌ డక్‌గా వెనుదిరిగాడు.
ముకేశ్‌ కుమార్‌ వేసిన 13.4 ఓవర్‌కు ఖలీల్‌ అహ్మద్‌కు చిక్కాడు.
14 ఓవర్లకు స్కోరు 103/5. రవీంద్ర జడేజా (1), శివమ్‌ దూబె (13) పరుగులతో ఉన్నారు.

31/03/2024 22:34(IST)

Delhi X Chennai: వరుసగా రెండు బౌండరీలు.. అర్ధ శతకానికి చేరువలో రహానె

అజింక్య రహానె దూకుడుగా ఆడుతున్నాడు.
మిచెల్ మార్ష్‌ వేసిన 12 ఓవర్‌లో 14 పరుగులు రాగా.. రహానె (45) వరుసగా రెండు ఫోర్లు బాది అర్ధ శతకానికి చేరువయ్యాడు.
12 ఓవర్లకు స్కోరు 92/3. శివమ్ దూబె (4) పరుగులతో ఉన్నాడు.

31/03/2024 22:26(IST)

Delhi X Chennai: డారిల్ మిచెల్ (34) ఔట్.. చెన్నై మూడో వికెట్

చెన్నై మూడో వికెట్ కోల్పోయింది. డారిల్ మిచెల్ (34) ఔటయ్యాడు.
10.2 ఓవర్‌కు అక్షర్ పటేల్‌కు రిటర్న్‌ క్యాచ్‌ ఇచ్చాడు.
11 ఓవర్లకు స్కోరు 78/3. శివమ్‌ దూబె (2), అజింక్య రహానె (34) పరుగులతో ఉన్నారు.

31/03/2024 22:13(IST)

Delhi X Chennai: రహానే బౌండరీ.. చెన్నై @ 47/2

సలామ్‌ బౌలింగ్‌లో రహానే బౌండరీ బాదాడు.
రెండో బంతికి మిడిల్‌ వికెట్‌ మీదుగా ఫోర్‌ కొట్టాడు.
ఆ తర్వాతి నాలుగు బంతులకు 4 పరుగులు వచ్చాయి.
8 ఓవర్లకు చెన్నై @ 47/2.
రహానే (25), మిచెల్‌ (14) కొనసాగుతున్నారు.

31/03/2024 22:07(IST)

Delhi X Chennai: కట్టుదిట్టంగా బంతులు విసురుతున్న దిల్లీ.. చెన్నై స్కోరు 38/2

అక్షర్‌ పటేల్‌ బంతి అందుకున్నాడు.
పొదుపుగా బంతులేసిన అక్షర్‌ కేవలం 6 పరుగులు మాత్రమే ఇచ్చాడు
7 ఓవర్లకు చెన్నై స్కోరు 38/2
మిచెల్‌ (11), రహానే (20) క్రీజులో ఉన్నారు.

31/03/2024 22:03(IST)

Delhi X Chennai: పవర్‌ప్లే పూర్తి.. చెన్నై స్కోరు 32/2

చెన్నై పవర్‌ప్లే పూర్తయింది.
6 ఓవర్లకు చెన్నై 2 వికెట్లు నష్టపోయి 32 పరుగులు చేసింది.
ఆరో ఓవర్‌ రెండో బంతికి రహానే భారీ సిక్సర్‌ బాదాడు
ఈ ఓవర్లో మొత్తం 9 పరుగులు వచ్చాయి.
రహానే (18), మిచెల్‌ (7) క్రీజులో కొనసాగుతున్నారు.

31/03/2024 21:58(IST)

Delhi X Chennai: వాట్‌ ఏ కట్‌ షాట్‌.. మిచెల్‌ అద్భుత బౌండరీ

మిచెల్‌ అద్భుత కట్‌షాట్‌ ఆడాడు.
ఖలీల్‌ అహ్మద్‌ వేసిన 4.3వ బంతిని స్లిప్‌ మీదుగా బౌండరీకి తరలించాడు.
ఈ ఓవర్లో మొత్తం 6 పరుగులు వచ్చాయి.
5 ఓవర్లకు చెన్నై @ 23/2
మిచెల్‌ (6), రహానే (11) క్రీజులో ఉన్నారు.

31/03/2024 21:54(IST)

Delhi X Chennai: ఇషాంత్‌ బౌలింగ్‌లో వరుస బౌండరీలు

లక్ష్య ఛేదనకు దిగిన చెన్నై తొలిసారిగా బౌండరీలు సాధించింది
ఇషాంత్‌ వేసిన నాలుగో ఓవర్‌ చివరి రెండు బంతులకు రహానే బౌండరీలు రాబట్టాడు.
దీంతో ఈ ఓవర్లో మొత్తం 10 పరుగులు వచ్చాయి.
4 ఓవర్లకు చెన్నై స్కోరు 17/2

31/03/2024 21:46(IST)

Delhi X Chennai: రెండో వికెట్‌ కోల్పోయిన చెన్నై.. రచిన్‌ రవీంద్ర (2) ఔట్‌

చెన్నై రెండో వికెట్‌ కోల్పోయింది.
ఖలీల్‌ అహ్మద్‌ వేసిన 2.5వ బంతికి భారీ షాట్‌ ఆడిన రవీంద్ర స్టబ్స్‌ చేతికి చిక్కిపోయాడు.
మిచెల్‌ క్రీజులోకి వచ్చాడు.
ఈ ఓవర్లో చెన్నై ఒక వికెట్‌ కోల్పోయి.. కేవలం ఒక్క పరుగు మాత్రమే రాబట్టింది.
3 ఓవర్లకు చెన్నై స్కోరు7/2

31/03/2024 21:42(IST)

Delhi X Chennai: పొదుపుగా బౌలింగ్‌ చేసిన ఇషాంత్‌.. రెండో ఓవర్లో 3 పరుగులే

రెండో ఓవర్‌ ఇషాంత్‌ శర్మ వేశాడు
తొలి మూడు బంతులు డాట్‌ కాగా.. నాలుగో బంతికి రచిన్‌ రవీంద్ర సింగిల్‌ తీశాడు.
చివరి రెండులకు ఒక్క పరుగు లభించింది.
ఈ ఓవర్లో ఒక వైడ్ సహా 3 పరుగులు వచ్చాయి

31/03/2024 21:36(IST)

Delhi X Chennai: తొలి ఓవర్‌లోనే చెన్నైకి షాక్

దిల్లీ నిర్దేశించిన 192 పరుగుల లక్ష్యాన్ని ఛేదించేందుకు బరిలోకి దిగిన చెన్నైకి తొలి ఓవర్‌లోనే గట్టి షాక్ తగిలింది.
ఖలీల్ అహ్మద్‌ వేసిన మొదటి ఓవర్‌ చివరి బంతికి రుతురాజ్ గైక్వాడ్ (1) వికెట్ కీపర్‌ పంత్‌కు క్యాచ్‌ ఇచ్చాడు.
1 ఓవర్‌కు చెన్నై స్కోరు 3/1.

31/03/2024 21:15(IST)

Delhi X Chennai: టాప్‌ లేపిన టాప్‌-3.. చెన్నై ముందు భారీ టార్గెట్

విశాఖపట్నం వేదికగా చెన్నైతో జరుగుతున్న మ్యాచ్‌లో దిల్లీ భారీ స్కోరు చేసింది.
టాస్‌ గెలిచి బ్యాటింగ్ ఎంచుకున్న దిల్లీ నిర్ణీత 20 ఓవర్లలో 5 వికెట్ల నష్టానికి 191 పరుగులు చేసింది.
ఆ జట్టులో టాప్‌-3 బ్యాటర్లు పృథ్వీ షా (45; 27 బంతుల్లో 4 ఫోర్లు, 2 సిక్స్‌లు), డేవిడ్ వార్నర్‌ (52; 35 బంతుల్లో 5 ఫోర్లు, 3 సిక్స్‌లు), రిషభ్ పంత్ (51; 32 బంతుల్లో 4 ఫోర్లు, 3 సిక్స్‌లు) బౌండరీలతో విరుచుకుపడ్డారు.
చెన్నై బౌలర్లలో మతిశా పతిరన 3, రవీంద్ర జడేజా, ముస్తాఫిజుర్ రెహ్మన్ ఒక్కో వికెట్ పడగొట్టారు.

31/03/2024 21:09(IST)

Delhi X Chennai: రిషభ్‌ పంత్ హాఫ్‌ సెంచరీ.. ఔట్

రిషభ్‌ పంత్ (51; 32 బంతుల్లో 4 ఫోర్లు, 3 సిక్స్‌లు) ఔటయ్యాడు.
పతిరన వేసిన 19 ఓవర్‌లో వరుసగా 6,4,4 బాది 31 బంతుల్లో హాఫ్‌ సెంచరీ అందుకున్న పంత్.. తర్వాతి బంతికే రుతురాజ్‌ గైక్వాడ్‌కు చిక్కాడు.
19 ఓవర్లకు స్కోరు 179/5. అభిషేక్ పొరెల్ (1), అక్షర్ పటేల్ (5) పరుగులతో ఉన్నారు.

31/03/2024 21:05(IST)

Delhi X Chennai: రిషభ్‌ పంత్.. వాటే షాట్

రిషభ్ పంత్ ఫామ్‌లోకి వచ్చేశాడు.
ముస్తాఫిజుర్ వేసిన 18 ఓవర్‌లో రెండో బంతికి ఫోర్ బాదిన అతడు.. ఐదో బంతిని డీప్‌ బ్యాక్‌వర్డ్ స్క్వేర్‌ లెగ్‌ మీదుగా స్టాండ్స్‌లోకి పంపించిన తీరును చూసి తీరాల్సిందే.
18 ఓవర్లకు స్కోరు 162/4. పంత్ (35), అక్షర్ పటేల్ (5) పరుగులతో ఉన్నారు.

31/03/2024 20:48(IST)

Delhi X Chennai: ఒకే ఓవర్లో రెండు వికెట్లు.. ఇద్దరూ ఒకే విధంగా

మతిశా పతిరన ఒకే ఓవర్లో రెండు వికెట్లు పడగొట్టాడు.
అతడు వేసిన 15 ఓవర్‌లో నాలుగో బంతికి మిచెల్ మార్ష్‌ (18), చివరి బంతికి ట్రిస్టన్ స్టబ్స్‌ (0) ఔటయ్యారు.
ఇద్దరినీ యార్కర్లతో బోల్తాకొట్టించాడు పతిరన.
15 ఓవర్లకు స్కోరు 134/4.

31/03/2024 20:43(IST)

Delhi X Chennai: మిచెల్ మార్ష్‌ సూపర్ సిక్స్..

దీపక్ చాహర్‌ వేసిన ఎనిమిది పరుగులు వచ్చాయి.
మొదటి ఐదు బంతుల్లో రెండు సింగిల్స్ మాత్రమే రాగా.. చివరి బంతికి మిచెల్ మార్ష్‌ (14) సిక్స్ బాదాడు.
14 ఓవర్లకు స్కోరు 129/2. రిషభ్ పంత్ (13) పరుగులతో ఉన్నాడు.

31/03/2024 20:29(IST)

Delhi X Chennai: పృథ్వీ షా (43) ఔట్.. దిల్లీ రెండో వికెట్

దిల్లీ మరో వికెట్ కోల్పోయింది. పృథ్వీ షా (43; 27 బంతుల్లో) ఔటయ్యాడు.
జడేజా వేసిన 11 ఓవర్‌లో మూడో బంతికి సిక్స్ బాదిన పృథ్వీ షా.. నాలుగో బంతికి ధోనీకి క్యాచ్‌ ఇచ్చాడు.
11 ఓవర్లకు స్కోరు 104/2. రిషభ్‌ పంత్ (2), మిచెల్ మార్ష్‌ (1) క్రీజులో ఉన్నారు.
ఈ మ్యాచ్‌లో పృథ్వీ షా క్యాచ్‌ పట్టడం ద్వారా ధోనీ టీ20ల్లో 300 డిస్మిసల్స్‌ (క్యాచ్‌లు, స్టంపౌట్‌లు) పూర్తి చేసుకున్నాడు.

31/03/2024 20:23(IST)

Delhi X Chennai: గాల్లోకి ఎగిరి ఒంటిచేత్తో క్యాచ్‌ పట్టిన పతిరన

డేవిడ్ వార్నర్ (52; 35 బంతుల్లో) ఔటయ్యాడు.
ముస్తాఫిజుర్‌ వేసిన పదో ఓవర్‌లో మూడో బంతికి వార్నర్‌ రివర్స్‌ స్కూప్‌ షాట్‌ ఆడగా పతిరన గాల్లోకి ఎగిరి ఒంటిచేత్తో క్యాచ్‌ పట్టాడు.
దీంతో వార్నర్ వెనుదిరిగాడు.
ఈ ఓవర్‌లో ముస్తాఫిజుర్ నాలుగే సింగిల్స్‌ ఇచ్చి వికెట్ పడగొట్టాడు.
10 ఓవర్లకు దిల్లీ స్కోరు 95/1. పృథ్వీ షా (36), రిషభ్ పంత్ (1) క్రీజులో ఉన్నారు.

31/03/2024 20:18(IST)

Delhi X Chennai: 32 బంతుల్లోనే డేవిడ్ వార్నర్ అర్ధ శతకం

డేవిడ్ వార్నర్ 32 బంతుల్లోనే అర్ధ శతకం అందుకున్నాడు.
జడేజా వేసిన తొమ్మిదో ఓవర్‌లో మొదటి బంతికి సిక్స్ బాదిన అతడు.. తర్వాత రెండు సింగిల్స్‌ తీసి హాఫ్‌ సెంచరీ పూర్తి చేసుకున్నాడు.
అంతకుముందు మతీశా పతిరన ఎనిమిదో ఓవర్‌లో ఐదు పరుగులే ఇచ్చాడు.
9 ఓవర్లకు స్కోరు 91/0. డేవిడ్ వార్నర్ (51), పృథ్వీ షా (34) పరుగులతో ఉన్నారు.

31/03/2024 20:09(IST)

Delhi X Chennai: దంచికొడుతున్న దిల్లీ ఓపెనర్లు

దిల్లీ ఓపెనర్స్‌ దంచికొడుతున్నారు.
రవీంద్ర జడేజా వేసిన ఏడో ఓవర్‌లో 13 పరుగులు వచ్చాయి.
రెండో బంతిని పృథ్వీ షా (31) సిక్సర్‌గా మలచగా.. నాలుగో బంతికి డేవిడ్ వార్నర్ (41) బౌండరీ బాదాడు.
7 ఓవర్లకు దిల్లీ స్కోరు 75/0.

31/03/2024 20:03(IST)

Delhi X Chennai: హ్యాట్రిక్ ఫోర్లు బాదిన పృథ్వీ షా

పృథ్వీ షా కూడా దూకుడు పెంచాడు.
ముస్తాఫిజుర్ రెహ్మన్ వేసిన ఆరో ఓవర్‌లో హ్యాట్రిక్ ఫోర్లు బాదేశాడు.
ఇదే ఓవర్‌లో వార్నర్‌ కూడా ఓ బౌండరీ రాబట్టడంతో మొత్తం 20 పరుగులు వచ్చాయి.
పవర్‌ ప్లే ముగిసేసరికి దిల్లీ 62/0 స్కోరుతో పటిష్ట స్థితిలో ఉంది. వార్నర్ (35), పృథ్వీ షా (24) పరుగులతో ఉన్నారు.

31/03/2024 19:57(IST)

Delhi X Chennai: డేవిడ్ వార్నర్ ధనాధన్‌.. వరుసగా 6,4,4

దిల్లీ ఓపెనర్‌ డేవిడ్ వార్నర్‌ దూకుడుగా ఆడుతున్నాడు.
దీపక్ చాహర్ వేసిన ఐదో ఓవర్‌లో మూడో బంతికి సిక్స్ బాదిన అతడు.. తర్వాతి రెండు బంతులను బౌండరీకి పంపాడు.
ఈ ఓవర్‌లో మొత్తం 18 పరుగులు వచ్చాయి.
అంతకుముందు తుషార్ దేశ్‌పాండే వేసిన నాలుగో ఓవర్‌లో ఐదు పరుగులు వచ్చాయి.
5 ఓవర్లకు స్కోరు దిల్లీ స్కోరు 42/0. వార్నర్ (30), పృథ్వీ షా (12) పరుగులతో ఉన్నారు.

31/03/2024 19:48(IST)

Delhi X Chennai: వార్నర్ సూపర్ సిక్సర్..

దీపక్ చాహర్ వేసిన మూడో ఓవర్‌లో తొమ్మిది పరుగులు వచ్చాయి.
రెండో బంతిని డేవిడ్ వార్నర్ (13) బ్యాక్‌వర్డ్ స్క్వేర్‌లెగ్‌ మీదుగా స్టాండ్స్‌లోకి పంపించాడు.
3 ఓవర్లకు స్కోరు 19/0. పృథ్వీ షా (6) పరుగులతో ఉన్నాడు.

31/03/2024 19:42(IST)

Delhi X Chennai: కట్టుదిట్టంగా బౌలింగ్ చేసిన తుషార్ దేశ్‌పాండే

తుషార్ దేశ్‌పాండే చాలా కట్టుదిట్టంగా బౌలింగ్ చేశాడు.
అతడు రెండో ఓవర్‌లో మూడు సింగిల్స్‌ ఇచ్చాడు.
2 ఓవర్లకు దిల్లీ స్కోరు 10/0. డేవిడ్ వార్నర్ (5), పృథ్వీ షా (5) పరుగులతో ఉన్నారు.

31/03/2024 19:37(IST)

Delhi X Chennai: ప్రారంభమైన మ్యాచ్‌.. ఓపెనర్లుగా పృథ్వీ షా, వార్నర్

దిల్లీ, చెన్నై మధ్య మ్యాచ్‌ ప్రారంభమైంది.
దీపక్ చాహర్ వేసిన తొలి ఓవర్‌లో ఏడు పరుగులు వచ్చాయి.
మొదటి ఐదు బంతుల్లో మూడు రన్స్‌ రాగా.. చివరి బంతికి డేవిడ్ వార్నర్ (4) బౌండరీ బాదాడు. పృథ్వీ షా (3) పరుగులతో ఉన్నాడు.

తాజా వార్తలు (Latest News)

మరిన్ని

సుఖీభవ

మరిన్ని

చదువు

మరిన్ని

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి కథామృతం దేవతార్చన

App

Delhi X Chennai: దిల్లీ వర్సెస్‌ చెన్నై.. ఐపీఎల్‌ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

గోల్డీబ్రార్‌ బతికే ఉన్నాడు.. వెల్లడించిన అమెరికా పోలీసులు

ఏటీఎంలో కార్డు ఇరుక్కుపోయిందా?.. ఇదో కొత్త స్కామ్‌!

ఆంధ్ర వర్సిటీలో పోస్టల్‌ ఓటు కోల్పోయిన 150 మంది

లాభాల్లో దేశీయ స్టాక్‌ మార్కెట్‌ సూచీలు.. నిఫ్టీ @ 22,652

విశాఖ నుంచి భువనేశ్వర్‌కు తరలిపోతున్న ఎన్‌ఆర్‌డీసీ!

ట్రావెల్స్‌ బస్సులో రూ.2.40కోట్లు.. సీజ్‌ చేసిన పోలీసులు

సుఖీభవ

చదువు