Breaking | Feedback | ePratibha | E-PAPER | Pratibha

దిల్లీ X గుజరాత్‌ ఐపీఎల్‌ మ్యాచ్‌ లైవ్‌ అప్‌డేట్స్

గుజరాత్‌తో జరిగిన ఉత్కంఠభరిత మ్యాచ్‌లో దిల్లీ 4 పరుగుల తేడాతో విజయం సాధించింది.

Updated : 24 Apr 2024 23:20 IST

24/04/2024 23:14(IST)

Delhi vs Gujarat: ఉత్కంఠ పోరు.. దిల్లీదే విజయం

గుజరాత్‌తో జరిగిన ఉత్కంఠభరిత మ్యాచ్‌లో దిల్లీ 4 పరుగుల తేడాతో విజయం సాధించింది.
తొలుత బ్యాటింగ్ చేసిన దిల్లీ.. 4 వికెట్ల నష్టానికి 224 పరుగులు చేసింది.
ఈ లక్ష్యఛేదనలో గుజరాత్ 8 వికెట్ల నష్టానికి 220 పరుగులకు పరిమితమైంది.
చివరి ఓవర్లో గుజరాత్ విజయానికి 19 పరుగులు అవసరం కాగా.. రషీద్ ఖాన్‌ (21*) మొదటి రెండు బంతులను బౌండరీకి పంపాడు.
తర్వాతి రెండు బంతులకు పరుగులు రాలేదు. ఐదో బంతికి సిక్స్‌. చివరి బంతికి విజయ సమీకరణం ఐదు పరుగులు కాగా రషీద్ ఖాన్‌ సింగిల్‌ కూడా తీయలేకపోయాడు.

24/04/2024 23:08(IST)

Delhi vs Gujarat: ఉత్కంఠగా మారిన మ్యాచ్

మ్యాచ్‌ ఉత్కంఠగా మారింది.
రషిక్ వేసిన 19 ఓవర్‌లో 18 పరుగులు వచ్చాయి.
సాయి కిశోర్ (13) వరుసగా రెండు సిక్స్‌లు బాది చివరి బంతికి క్లీన్‌బౌల్డ్ అయ్యాడు.
19 ఓవర్లకు స్కోరు 206/8.
గుజరాత్ విజయానికి చివరి ఆరు బంతుల్లో 19 పరుగులు అవసరం.

24/04/2024 22:55(IST)

Delhi vs Gujarat: మిల్లర్ (55) ఔట్.. గుజరాత్ ఏడో వికెట్

గుజరాత్ ఏడో వికెట్ కోల్పోయింది. డేవిడ్ మిల్లర్ (55; 22 బంతుల్లో) ఔటయ్యాడు.
ముకేశ్‌ కుమార్‌ వేసిన 17.3 ఓవర్‌కు రషిక్ సలామ్‌కు క్యాచ్‌ ఇచ్చాడు.
18 ఓవర్లకు స్కోరు 188/7. రషీద్ ఖాన్‌ (2), సాయి కిశోర్ (1) పరుగులతో ఉన్నారు.

24/04/2024 22:52(IST)

Delhi vs Gujarat: 21 బంతుల్లోనే డేవిడ్ మిల్లర్ హాఫ్‌ సెంచరీ

డేవిడ్ మిల్లర్ చెలరేగి ఆడుతున్నాడు.
నోకియా వేసిన 17 ఓవర్‌లో మూడు సిక్స్‌లు, ఓ ఫోర్ బాదాడు.
చివరి బంతికి రెండు పరుగులు చేసి 21 బంతుల్లోనే అర్ధ శతకం అందుకున్నాడు.
17 ఓవర్లకు స్కోరు 176/6.

24/04/2024 22:46(IST)

Delhi vs Gujarat: తెవాటియా (4) ఔట్.. గుజరాత్ ఆరు వికెట్లు

గుజరాత్ ఆరో వికెట్ కోల్పోయింది. రాహుల్ తెవాటియా (4) ఔటయ్యాడు.
కుల్‌దీప్‌ యాదవ్ వేసిన 16 ఓవర్‌లో మొదటి 5 బంతులకు సింగిల్స్‌ వచ్చాయి.
చివరి బంతికి తెవాటియా.. రిషభ్‌ పంత్‌కు క్యాచ్‌ ఇచ్చాడు.
16 ఓవర్లకు స్కోరు 152/6. డేవిడ్ మిల్లర్ (27) పరుగులతో ఉన్నాడు.

24/04/2024 22:30(IST)

Delhi vs Gujarat: సాయి సుదర్శన్‌ ఔట్‌.. 13 ఓవర్లకు గుజరాత్ స్కోర్‌ 127/4

రషిక్ వేసిన నాలుగో బంతికి ఔటైన సాయి సుదర్శన్‌ (65)
సాయి సుదర్శన్‌ గాల్లోకి లేపిన బంతిని అందుకున్న అక్షర్‌ పటేల్‌
చివరి బంతికి సిక్స్‌ బాదిన షారుఖ్‌ ఖాన్‌
గుజరాత్‌ లక్ష్యం 42 బంతుల్లో 98

24/04/2024 22:13(IST)

Delhi vs Gujarat: అక్షర్ అదిరిపోయే క్యాచ్‌.. సాహా ఔట్

గుజరాత్ రెండో వికెట్ కోల్పోయింది. వృద్ధిమాన్ సాహా (39) ఔటయ్యాడు.
కుల్‌దీప్‌ యాదవ్‌ వేసిన 9.4 ఓవర్‌కు గాల్లోకి ఎగిరి క్యాచ్‌ అందుకోవడంతో సాహా వెనుదిరిగాడు.
10 ఓవర్లకు స్కోరు 98/2. చివరి బంతికి రెండు పరుగులు సాధించి సాయి సుదర్శన్ (50) అర్ధ శతకం పూర్తి చేసుకున్నాడు.

24/04/2024 22:02(IST)

Delhi vs Gujarat: కట్టుదిట్టంగా బౌలింగ్ చేసిన అక్షర్ పటేల్

అక్షర్ పటేల్ తన తొలి ఓవర్‌ కట్టుదిట్టంగా వేశాడు.
ఇన్నింగ్స్‌ ఏడో ఓవర్‌ వేసి నాలుగు పరుగులు ఇచ్చాడు.
7 ఓవర్లకు స్కోరు 71/1. వృద్ధిమాన్ సాహా (36), సాయి సుదర్శన్ (28) పరుగులతో ఉన్నారు.

24/04/2024 21:33(IST)

Delhi vs Gujarat: లక్ష్యఛేదనకు దిగిన గుజరాత్.. తొలి ఓవర్లో 9 రన్స్‌

దిల్లీ నిర్దేశించిన 225 పరుగుల భారీ లక్ష్యాన్ని ఛేదించేందుకు గుజరాత్ బరిలోకి దిగింది.
ఖలీల్‌ అహ్మద్‌ వేసిన తొలి ఓవర్‌లో 9 పరుగులు వచ్చాయి.
వృద్ధిమాన్ సాహా (6), శుభ్‌మన్ గిల్ (2) పరుగులతో ఉన్నారు.

24/04/2024 21:12(IST)

Delhi vs Gujarat: దంచికొట్టిన రిషభ్‌ పంత్.. గుజరాత్ టార్గెట్ 225

గుజరాత్‌తో జరుగుతున్న మ్యాచ్‌లో దిల్లీ భారీ స్కోరు చేసింది.
నిర్ణీత 20 ఓవర్లలో 4 వికెట్ల నష్టానికి 224 పరుగులు చేసింది.
రిషభ్ పంత్ (88*; 43 బంతుల్లో 4 ఫోర్లు, 8 సిక్స్‌లు) చెలరేగి ఆడాడు.
అక్షర్ పటేల్ (66; 43 బంతుల్లో 5 ఫోర్లు, 4 సిక్స్‌లు) కూడా దూకుడుగా ఆడాడు.
ట్రిస్టన్ స్టబ్స్ (26; 7 బంతుల్లో 3 ఫోర్లు, 2 సిక్స్‌లు) మెరుపులు మెరిపించాడు.
చివరి రెండు ఓవర్లలో దిల్లీ 53 పరుగులు రాబట్టడం విశేషం.
గుజరాత్ బౌలర్లలో సందీప్‌ వారియర్ 3, నూర్ అహ్మద్‌ ఒక వికెట్ పడగొట్టారు.
ఒకదశలో దిల్లీ 44 పరుగులకే మూడు వికెట్లు కోల్పోయి కష్టాల్లో పడింది.
పంత్, అక్షర్ నిలకడగా ఆడి ఇన్నింగ్స్‌ను చక్కదిద్ది తర్వాత జోరు పెంచారు. దీంతో దిల్లీ భారీ స్కోరు చేసింది.

24/04/2024 21:05(IST)

Delhi vs Gujarat: దంచికొడుతున్న ట్రిస్టన్ స్టబ్స్‌

ట్రిస్టన్ స్టబ్స్ (26; 7 బంతుల్లో) క్రీజులోకి రావడంతోనే దంచికొడుతున్నాడు.
సాయి కిశోర్ వేసిన 19 ఓవర్‌లో తొలి రెండు బంతులకు సింగిల్స్‌ రాగా.. తర్వాత స్టబ్స్‌ వరుసగా 4, 6, 4, 6 బాదేశాడు.
19 ఓవర్లకు స్కోరు 193/4. రిషభ్ పంత్ (58) పరుగులతో ఉన్నాడు.

24/04/2024 20:57(IST)

Delhi vs Gujarat: సిక్సర్‌తో రిషభ్ పంత్ హాఫ్‌ సెంచరీ

రిషభ్ పంత్ అర్ధ శతకం పూర్తి చేసుకున్నాడు.
మోహిత్ శర్మ వేసిన 18 ఓవర్‌లో నాలుగో బంతికి సిక్స్ బాది హాఫ్‌ సెంచరీ అందుకున్నాడు.
ఇదే ఓవర్‌లో స్టబ్స్ (5) బౌండరీ బాదాడు.
18 ఓవర్లకు స్కోరు 171/4. పంత్ (57) పరుగులతో ఉన్నాడు.

24/04/2024 20:55(IST)

Delhi vs Gujarat: వరుసగా రెండు సిక్స్‌లు.. వెంటనే ఔట్

దిల్లీ నాలుగో వికెట్ కోల్పోయింది. అక్షర్ పటేల్ (66) ఔటయ్యాడు.
నూర్ అహ్మద్‌ వేసిన 17 ఓవర్‌లో నాలుగు, ఐదు బంతులకు సిక్స్‌లు బాదిన అక్షర్.. తర్వాతి బంతికే సాయి కిశోర్‌కు క్యాచ్‌ ఇచ్చాడు.
17 ఓవర్లకు స్కోరు 157/4. రిషభ్ పంత్ (48) అర్ధ శతకానికి చేరువయ్యాడు.

24/04/2024 20:42(IST)

Delhi vs Gujarat: హాఫ్‌ సెంచరీ పూర్తి చేసుకున్న అక్షర్ పటేల్

అక్షర్ పటేల్ అర్ధ శతకం పూర్తి చేసుకున్నాడు.
రషీద్‌ ఖాన్‌ వేసిన 15 ఓవర్‌లో చివరి బంతికి ఫోర్ బాది హాఫ్‌ సెంచరీ అందుకున్నాడు.
15 ఓవర్లకు స్కోరు 127/3. రిషభ్‌ పంత్ (34) పరుగులతో ఉన్నాడు.

24/04/2024 20:33(IST)

Delhi vs Gujarat: పంత్ రెండు ఫోర్లు.. 100 దాటిన స్కోరు

మోహిత్ శర్మ వేసిన 12 ఓవర్‌లో 12 పరుగులు వచ్చాయి.
మొదటి బంతికి రిషభ్ పంత్ (30) బౌండరీ బాదాడు. తర్వాత నాలుగు సింగిల్స్‌ వచ్చాయి.
చివరి బంతికి పంత్ మళ్లీ బౌండరీ రాబట్టాడు.
12 ఓవర్లకు స్కోరు 105/3. అక్షర్ పటేల్ (33) పరుగులతో ఉన్నాడు.

24/04/2024 20:10(IST)

Delhi vs Gujarat: నెమ్మదిగా ఆడుతున్న దిల్లీ బ్యాటర్లు

వరుసగా వికెట్లు కోల్పోవడంతో దిల్లీ బ్యాటర్లు ఆచితూచి ఆడుతున్నారు.
అజ్మతుల్లా వేసిన ఏడో ఓవర్‌లో ఐదు పరుగులు రాగా.. నాలుగో బంతిని అక్షర్‌ పటేల్ (8) బౌండరీకి తరలించాడు.
7 ఓవర్లకు స్కోరు 49/3.

24/04/2024 20:03(IST)

Delhi vs Gujarat: షై హోప్ (5) ఔట్.. దిల్లీ మూడో వికెట్

దిల్లీ మూడో వికెట్ కోల్పోయింది. షై హోప్ (5) ఔటయ్యాడు.
సందీప్ వారియర్ వేసిన 5.4 ఓవర్‌కు రషీద్‌ ఖాన్‌కు క్యాచ్‌ ఇచ్చాడు.
పవర్‌ ప్లే ముగిసేసరికి దిల్లీ స్కోరు 44/3.
రిషభ్‌ పంత్ (0), అక్షర్ పటేల్ (4) పరుగులతో ఉన్నారు.

24/04/2024 20:03(IST)

Delhi vs Gujarat: 5 ఓవర్లకు దిల్లీ స్కోరు 43/2

అజ్మతుల్లా వేసిన ఐదో ఓవర్‌లో ఏడు పరుగులు వచ్చాయి.
తొలి బంతి డాట్ కాగా.. తర్వాత మూడు సింగిల్స్‌ వచ్చాయి. ఐదో బంతికి షై హోప్ (5) బౌండరీ రాబట్టాడు.
5 ఓవర్లకు స్కోరు 43/2. అక్షర్ పటేల్ (3) పరుగులతో ఉన్నాడు.

24/04/2024 19:54(IST)

Delhi vs Gujarat: నూర్ అహ్మద్‌ సూపర్ క్యాచ్‌.. పృథ్వీ షా ఔట్

దిల్లీ రెండో వికెట్ కోల్పోయింది. పృథ్వీ షా (11) ఔటయ్యాడు.
సందీప్ వారియర్ వేసిన నాలుగో ఓవర్‌లో ఐదో బంతికి ముందుకు పరుగెత్తుకుంటూ వచ్చి మంచి డైవ్‌తో క్యాచ్‌ అందుకున్నాడు. దీంతో పృథ్వీ షా వెనుదిరిగాడు.
4 ఓవర్లకు స్కోరు 36/4. షై హోప్ (0), అక్షర్ పటేల్ (1) క్రీజులో ఉన్నారు.

24/04/2024 19:47(IST)

Delhi vs Gujarat: దూకుడుగా ఆడుతున్న జేక్ ఫ్రేజర్

దిల్లీ ఓపెనర్ జేక్ ఫ్రేజర్ (23) దూకుడుగా ఆడుతున్నాడు.
అజ్మతుల్లా వేసిన మూడో ఓవర్లో చివరి బంతికి సిక్స్ బాదాడు.
ఇదే ఓవర్లో రెండో బంతికి పృథ్వీ షా (10) బౌండరీ సాధించాడు. 3 ఓవర్లకు స్కోరు 34/0.

24/04/2024 19:41(IST)

Delhi vs Gujarat: వరుసగా సిక్స్, ఫోర్ బాదిన జేక్ ఫ్రేజర్

సందీప్‌ వారియర్ వేసిన రెండో ఓవర్లో 12 పరుగులు వచ్చాయి.
ఐదో బంతికి సిక్సర్‌ బాదిన జేక్ ఫ్రేజర్ (16).. తర్వాతి బంతిని బౌండరీకి పంపాడు.
2 ఓవర్లకు స్కోరు 22/0. పృథ్వీ షా (5) పరుగులతో ఉన్నాడు.

24/04/2024 19:18(IST)

Delhi vs Gujarat: గుజరాత్ తుది జట్టులో ఉన్నది వీరే

వృద్ధిమాన్ సాహా, శుభ్‌మన్ గిల్ (కెప్టె్‌న్‌), డేవిడ్ మిల్లర్, అజ్మతుల్లా ఒమర్జాయ్‌, రాహుల్ తెవాటియా, షారూక్‌ ఖాన్‌, రషీద్‌ ఖాన్‌, సాయి కిశోర్, నూర్ అహ్మద్‌, మోహిత్ శర్మ, సందీప్ వారియర్.

ఇంపాక్ట్ సబ్‌స్టిట్యూట్‌లు: బిఆర్‌ శరత్, సాయి సుదర్శన్, మనవ్ సుతార్, దర్శన్ నల్కండే, విజయ్ శంకర్.

24/04/2024 19:15(IST)

Delhi vs Gujarat: దిల్లీ తుది జట్టు ఇదే

పృథ్వీ షా, జేక్ ఫ్రేజర్, అభిషేక్ పొరెల్, షై హోప్, రిషభ్ పంత్ (కెప్టెన్), ట్రిస్టన్ స్టబ్స్‌, అక్షర్ పటేల్, కుల్‌దీప్ యాదవ్, అన్రిచ్‌ నోకియా, ఖలీల్ అహ్మద్, ముకేశ్ కుమార్.

ఇంపాక్ట్‌ సబ్‌స్టిట్యూట్‌లు: సుమిత్ కుమార్‌, రషిక్ సలామ్ దార్, కుమార్‌ కుశాగ్ర, ప్రవీణ్‌ దూబె, లలిత్‌ యాదవ్.

24/04/2024 18:47(IST)

Delhi vs Gujarat: ఓటమికి ప్రతీకారం తీర్చుకుంటుందా?

ఈ సీజన్‌లో గుజరాత్, దిల్లీ మధ్య ఇప్పటికే ఒక మ్యాచ్‌ జరిగింది.
దాంట్లో గుజరాత్ నెగ్గింది. ప్రస్తుతం దిల్లీలో మ్యాచ్‌ జరగనుంది.
సొంతమైదానంలో చెలరేగి గుజరాత్‌పై ప్రతీకారం తీర్చుకోవాలని పంత్ సేన భావిస్తోంది.

దిల్లీ X గుజరాత్‌ ఐపీఎల్‌ మ్యాచ్‌ లైవ్‌ అప్‌డేట్స్

తాజా వార్తలు (Latest News)

‘విలేజ్‌ కుకింగ్‌’ తాత ఆరోగ్యంపై రాహుల్‌గాంధీ ఆరా

‘ఆఫ్టర్‌ 9’.. అశ్లీల నృత్యాలు

తప్పుడు అత్యాచారం కేసు.. మహిళకు నాలుగేళ్ల కారాగారం

రోజుకు 80,000 మందికే శబరిమల అయ్యప్ప దర్శనం

జూన్‌ 20 నుంచి ఆర్మీ రిక్రూట్‌మెంట్‌ ర్యాలీ

కర్ణాటకలో అధునాతనం.. ఏపీలో అధ్వానం!

సుఖీభవ

చదువు