Breaking | Feedback | ePratibha | E-PAPER | Pratibha

గుజరాత్ X పంజాబ్‌ ఐపీఎల్ మ్యాచ్‌ లైవ్‌ అప్‌డేట్స్

ఐపీఎల్‌ 17 సీజన్‌లో పంజాబ్‌ మళ్లీ విజయాల బాట పట్టింది. గుజరాత్‌తో జరిగిన ఉత్కంఠ పోరులో ఆ జట్టు మూడు వికెట్ల తేడాతో విజయం సాధించింది. 200 పరుగుల భారీ లక్ష్యాన్ని 19.5 ఓవర్లలో 7 వికెట్లు కోల్పోయి ఛేదించింది.

Updated : 04 Apr 2024 23:44 IST

04/04/2024 23:14(IST)

Gujarat vs Punjab: ఉత్కంఠ పోరులో పంజాబ్‌దే విజయం

గుజరాత్‌తో జరిగిన ఉత్కంఠ పోరులో పంజాబ్ మూడు వికెట్ల తేడాతో విజయం సాధించింది.
200 పరుగుల భారీ లక్ష్యాన్ని 19.5 ఓవర్లలో 7 వికెట్లు కోల్పోయి ఛేదించింది.
శశాంక్ సింగ్ (61*; 29 బంతుల్లో 6 ఫోర్లు, 4 సిక్స్‌లు), ఆశుతోష్ శర్మ (31; 17 బంతుల్లో 3 ఫోర్లు, 1 సిక్స్‌) కీలక ఇన్నింగ్స్‌లు ఆడారు.

04/04/2024 23:05(IST)

Gujarat vs Punjab: పంజాబ్‌ విజయ లక్ష్యం.. 6 బంతుల్లో 7 పరుగులు

మోహిత్ శర్మ వేసిన 19 ఓవర్‌లో 18 పరుగులు వచ్చాయి.
రెండో బంతికి ఆశుతోష్‌ , చివరి బంతికి శశాంక్‌ సిక్సర్లు బాదారు.
19 ఓవర్లకు స్కోరు 193/6. శశాంక్‌ (57), ఆశుతోష్ (31) పరుగులతో ఉన్నారు.
పంజాబ్ విజయానికి 6 బంతుల్లో 7 పరుగులు అవసరం.

04/04/2024 23:00(IST)

Gujarat vs Punjab: దూకుడుగా ఆడుతున్న ఆశుతోష్.. ఉత్కంఠగా మారిన మ్యాచ్‌

మ్యాచ్‌ ఉత్కంఠగా మారింది. ఆశుతోష్ శర్మ దూకుడుగా ఆడుతున్నాడు.
ఒమర్జాయ్‌ వేసిన 18 ఓవర్‌లో మూడు ఫోర్లు బాదాడు.
ఈ ఓవర్‌లో 16 పరుగులు వచ్చాయి.
18 ఓవర్లకు స్కోరు 175/6. శశాంక్‌ (50), ఆశుతోష్ (22) పరుగులతో ఉన్నారు.
పంజాబ్ విజయానికి 12 బంతుల్లో 25 పరుగులు అవసరం.

04/04/2024 22:44(IST)

Gujarat vs Punjab: జితేశ్‌ దూకుడుకు చెక్ పెట్టిన రషీద్ ఖాన్‌

పంజాబ్ ఆరో వికెట్ కోల్పోయింది. జితేశ్‌ శర్మ (16) ఔటయ్యాడు.
రషీద్‌ ఖాన్‌ వేసిన 16 ఓవర్‌లో మొదటి రెండు బంతులకు సిక్స్‌లు బాదిన జితేశ్.. తర్వాతి బంతికే దర్శన్ నల్కండేకు చిక్కాడు.
ఆశుతోష్‌ శర్మ ఇంపాక్ట్ ప్లేయర్‌గా క్రీజులోకి వచ్చాడు.
16 ఓవర్లకు స్కోరు 153/6. ఆశుతోష్ (2), శశాంక్ సింగ్ (48) పరుగులతో ఉన్నారు.
పంజాబ్ విజయానికి 24 బంతుల్లో 47 పరుగులు అవసరం.

04/04/2024 22:30(IST)

Gujarat vs Punjab: సగం వికెట్లు కోల్పోయిన పంజాబ్‌

పంజాబ్‌ కీలకమైన సమయంలో వికెట్‌ కోల్పోయింది.
మోహిత్ శర్మ వేసిన 12.2 ఓవర్‌కు సికిందర్ రజా (15) సాహాకు క్యాచ్‌ ఇచ్చాడు.
దీంతో 111 పరుగుల వద్ద పంజాబ్ ఐదో వికెట్ కోల్పోయింది.
తర్వాత శశాంక్‌ సింగ్ (33) బౌండరీ బాదాడు.
13 ఓవర్లకు స్కోరు 119/5. జితేశ్‌ శర్మ (1) క్రీజులో ఉన్నాడు.

04/04/2024 22:25(IST)

Gujarat vs Punjab: దూకుడుగా ఆడుతున్న శశాంక్.. వరుసగా 4,6,4

శశాంక్‌ సింగ్‌ (21) దూకుడుగా ఆడుతున్నాడు.
ఉమేశ్ యాదవ్‌ వేసిన 11 ఓవర్‌లో 17 పరుగులు వచ్చాయి.
చివరి మూడు బంతులకు శశాంక్‌ 4,6,4 బాదాడు.
11 ఓవర్లకు స్కోరు 100/4. సికిందర్ రజా (10) పరుగులతో ఉన్నాడు.

04/04/2024 22:13(IST)

Gujarat vs Punjab: తడబడుతున్న పంజాబ్‌.. నాలుగో వికెట్ డౌన్

200 పరుగుల లక్ష్యఛేదనలో పంజాబ్ తడబడుతోంది.
ఒమర్జాయ్‌ వేసిన 8.4 ఓవర్‌కు సామ్ కరన్‌ (5) విలియమ్సన్‌కు క్యాచ్‌ ఇచ్చాడు.
దీంతో 70 పరుగుల వద్ద పంజాబ్ నాలుగో వికెట్ కోల్పోయింది.
9 ఓవర్లకు స్కోరు 73/4. సికిందర్‌ రజా (4), శశాంక్ సింగ్ (1) క్రీజులో ఉన్నారు.

04/04/2024 22:05(IST)

Gujarat vs Punjab: ప్రభ్‌సిమ్రన్‌ (35) ఔట్.. నూర్‌ అహ్మద్‌కు రెండో వికెట్

నూర్‌ అహ్మద్‌ రెండో వికెట్ ఖాతాలో వేసుకున్నాడు.
అతడు వేసిన 7.2 ఓవర్‌కు ప్రభ్‌సిమ్రన్‌ సింగ్ (35) మోహిత్‌కు క్యాచ్‌ ఇచ్చాడు.
దీంతో 64 పరుగుల వద్ద పంజాబ్‌ మూడో వికెట్ కోల్పోయింది.
8 ఓవర్లకు స్కోరు 68/3. సికిందర్‌ రజా (3), సామ్ కరన్‌ (4) పరుగులతో ఉన్నారు.

04/04/2024 21:58(IST)

Gujarat vs Punjab: బెయిర్‌స్టో (22) క్లీన్‌బౌల్డ్.. పంజాబ్‌ రెండో వికెట్

పంజాబ్‌ రెండో వికెట్ కోల్పోయింది. జానీ బెయిర్‌స్టో (22) ఔటయ్యాడు.
నూర్‌ అహ్మద్ వేసిన ఆరో ఓవర్లో తొలి బంతిని ఎదుర్కొలేక క్లీన్‌బౌల్డ్ అయ్యాడు.
6 ఓవర్లకు స్కోరు 54/2. సామ్ కరన్‌ (1), ప్రభ్‌సిమ్రన్‌ సింగ్ (29) పరుగులతో ఉన్నారు.

04/04/2024 21:50(IST)

Gujarat vs Punjab: దూకుడుగా ఆడుతున్న ప్రభ్‌సిమ్రన్‌ సింగ్

ప్రభ్‌సిమ్రన్‌ సింగ్ దూకుడుగా ఆడుతున్నాడు.
ఉమేశ్ యాదవ్ వేసిన నాలుగో ఓవర్‌లో తొలి బంతికి సిక్స్‌, మూడో బంతికి ఫోర్ బాదాడు.
4 ఓవర్లకు స్కోరు 39/1. బెయిర్‌స్టో (20), ప్రభ్‌సిమ్రన్‌ (18) పరుగులతో ఉన్నారు.

04/04/2024 21:46(IST)

Gujarat vs Punjab: 3 ఓవర్‌.. ఎనిమిది పరుగులు

ఒమర్జాయ్‌ వేసిన మూడో ఓవర్‌లో ఎనిమిది పరుగులు వచ్చాయి.
తొలి బంతికి బెయిర్‌స్టో (19) బౌండరీ రాబట్టగా.. తర్వాత నాలుగు సింగిల్స్‌ వచ్చాయి.
3 ఓవర్లకు స్కోరు 27/1. ప్రభ్‌సిమ్రన్‌ సింగ్ (7) పరుగులతో ఉన్నాడు.

04/04/2024 21:37(IST)

Gujarat vs Punjab: పంజాబ్‌కు షాక్‌.. శిఖర్ ధావన్‌ (1) ఔట్..

పంజాబ్‌కు షాక్ తగిలింది. కెప్టెన్‌ శిఖర్ ధావన్‌ (1) ఔటయ్యాడు.
ఉమేశ్ యాదవ్‌ వేసిన ఇన్నింగ్స్‌ రెండో ఓవర్‌లో తొలి బంతిని వికెట్ల మీదికి ఆడుకున్నాడు.
తర్వాత వచ్చిన ప్రభ్‌సిమ్రన్‌ సింగ్ (5) చివరి బంతికి బౌండరీ రాబట్టాడు.
2 ఓవర్లకు స్కోరు 19/1. జానీ బెయిర్‌స్టో (13) పరుగులతో ఉన్నారు.

04/04/2024 21:34(IST)

Gujarat vs Punjab: లక్ష్యఛేదనకు దిగిన పంజాబ్‌.. ఫస్ట్ ఓవర్‌లోనే 3 ఫోర్లు

గుజరాత్ నిర్దేశించిన 200 పరుగుల లక్ష్యాన్ని ఛేదించేందుకు పంజాబ్‌ నిర్దేశించింది.
గుజరాత్ రాహుల్ తెవాటియా స్థానంలో మోహిత్ శర్మను తీసుకుంది.
ఒమర్జాయ్‌ వేసిన తొలి ఓవర్‌లో జానీ బెయిర్‌స్టో (12) మూడు ఫోర్లు బాదాడు.
1 ఓవర్‌కు స్కోరు 13/0. శిఖర్ ధావన్‌ (1) క్రీజులో ఉన్నాడు.

04/04/2024 21:13(IST)

Gujarat vs Punjab: దంచేసిన శుభ్‌మన్‌ గిల్.. పంజాబ్ టార్గెట్ 200

అహ్మదాబాద్‌ వేదికగా పంజాబ్‌తో జరుగుతున్న మ్యాచ్‌లో గుజరాత్‌ భారీ స్కోరు చేసింది.
నిర్ణీత 20 ఓవర్లలో 4 వికెట్ల నష్టానికి 199 పరుగులు చేసింది.
కెప్టెన్, ఓపెనర్ శుభ్‌మన్‌ గిల్‌ (89*; 48 బంతుల్లో 6 ఫోర్లు, 4 సిక్స్‌లు) దంచికొట్టాడు.
సాయి సుదర్శన్‌ (33; 19 బంతుల్లో 6 ఫోర్లు) దూకుడుగా ఆడాడు. కేన్ విలియమ్సన్‌ (26; 22 బంతుల్లో 4 ఫోర్లు) ఫర్వాలేదనిపించాడు.
రాహుల్ తెవాటియా (23; 8 బంతుల్లో 3 ఫోర్లు, 1 సిక్స్‌) చివర్లో మెరుపులు మెరిపించాడు.
వృద్ధిమాన్‌ సాహా (11), విజయ్ శంకర్‌ (8) నిరాశపర్చారు.
పంజాబ్‌ బౌలర్లలో కగిసో రబాడ 2, హర్‌ప్రీత్‌ బ్రార్‌, హర్షల్ పటేల్ ఒక్కో వికెట్ పడగొట్టారు.

04/04/2024 20:57(IST)

Gujarat vs Punjab: దూకుడుగా ఆడుతున్న శుభ్‌మన్ గిల్

ఓవర్లు తరిగిపోతుండటంతో శుభ్‌మన్ గిల్ దూకుడు పెంచాడు.
హర్షల్ పటేల్ వేసిన 17 ఓవర్‌లో 12 పరుగులు రాగా.. నాలుగో బంతికి గిల్ సిక్స్ బాదాడు.
రబాడ వేసిన తర్వాతి ఓవర్‌లో మొదటి రెండు బంతులకు గిల్ వరుసగా 6,4 బాదేశాడు.
ఈ ఓవర్‌లో నాలుగో బంతికి విజయ్‌ శంకర్‌ (8) హర్‌ప్రీత్‌ బ్రార్‌కు చిక్కాడు.
18 ఓవర్లకు స్కోరు 166/4. శుభ్‌మన్ గిల్ (81), రాహుల్ తెవాటియా (1) క్రీజులో ఉన్నారు.

04/04/2024 20:44(IST)

Gujarat vs Punjab: హాఫ్ సెంచరీ బాదిన శుభ్‌మన్ గిల్

గుజరాత్ కెప్టెన్‌ ఈ సీజన్లో తొలి అర్ధ శతకం పూర్తి చేసుకున్నాడు.
హర్‌ప్రీత్‌ బ్రార్‌ వేసిన 15 ఓవర్‌లో నాలుగో బంతికి బౌండరీ బాది 31 బంతుల్లోనే హాఫ్ సెంచరీ అందుకున్నాడు.
15 ఓవర్లకు స్కోరు 134/3. విజయ్ శంకర్ (3), గిల్ (55) పరుగులతో ఉన్నారు.

04/04/2024 20:36(IST)

Gujarat vs Punjab: సాయి సుదర్శన్ ఔట్.. గుజరాత్ మూడో వికెట్

గుజరాత్ మూడో వికెట్ కోల్పోయింది. సాయి సుదర్శన్ (33; 19 బంతులలో) ఔటయ్యాడు.
హర్షల్ పటేల్ వేసిన 14 ఓవర్‌లో ఐదో బంతికి వికెట్ కీపర్‌ జితేశ్‌ శర్మకు క్యాచ్‌ ఇచ్చాడు.
14 ఓవర్లకు స్కోరు 123/3. విజయ్‌ శంకర్‌ (1), శుభ్‌మన్ గిల్ (46) పరుగులతో ఉన్నారు.

04/04/2024 20:32(IST)

Gujarat vs Punjab: హాఫ్‌ సెంచరీకి చేరువలో శుభ్‌మన్ గిల్

శుభ్‌మన్ గిల్ (44; 27 బంతుల్లో) అర్ధ శతకానికి చేరువయ్యాడు.
రబాడ వేసిన 13 ఓవర్‌లో 14 పరుగులు రాగా.. రెండో బంతికి గిల్ సిక్సర్ బాదాడు.
నాలుగో బంతికి సాయి సుదర్శన్ (32; 16 బంతుల్లో) బౌండరీ సాధించాడు.
13 ఓవర్లకు స్కోరు 119/2.

04/04/2024 20:28(IST)

Gujarat vs Punjab: దూకుడుగా ఆడుతున్న సాయి సుదర్శన్‌

గుజరాత్ బ్యాటర్ సాయి సుదర్శన్ (26; 13 బంతుల్లో) దూకుడుగా ఆడుతున్నాడు.
సామ్‌ కరన్ వేసిన 11 ఓవర్లో ఓ బౌండరీ, సికిందర్ రజా వేసిన 12 ఓవర్లో రెండు ఫోర్లు బాదాడు.
గత రెండు ఓవర్లలో మొత్తం 22 పరుగులు వచ్చాయి.
శుభ్‌మన్ గిల్ (36) పరుగులతో ఉన్నాడు.

04/04/2024 20:14(IST)

Gujarat vs Punjab: విలియమ్సన్ (26) ఔట్.. గుజరాత్ రెండో వికెట్

గుజరాత్ రెండో వికెట్ కోల్పోయింది. నిలకడగా ఆడుతున్న కేన్ విలియమ్సన్ (26; 22 బంతులలో) ఔటయ్యాడు.
హర్‌ప్రీత్‌ బ్రార్‌ వేసిన తొమ్మిదో ఓవర్‌లో మూడో బంతికి బెయిర్‌స్టోకు క్యాచ్‌ ఇచ్చాడు.
9 ఓవర్లకు స్కోరు 75/2. సాయి సుదర్శన్ (5), శుభ్‌మన్ గిల్ (27) పరుగులతో ఉన్నారు.

04/04/2024 20:10(IST)

Gujarat vs Punjab: నిలకడగా ఆడుతున్న గుజరాత్ బ్యాటర్లు

గుజరాత్ బ్యాటర్లు నిలకడగా ఆడుతున్నారు.
హర్షల్‌ పటేల్ వేసిన ఎనిమిదో ఓవర్‌లో ఎనిమిది పరుగులు రాబట్టారు.
మూడో బంతికి శుభ్‌మన్ గిల్ (26) ఫోర్ బాదాడు.
విలియమ్సన్ (22) పరుగులతో ఉన్నాడు. 8 ఓవర్లకు స్కోరు 65/1.

04/04/2024 20:05(IST)

Gujarat vs Punjab: కట్టుదిట్టంగా బౌలింగ్ చేసిన హర్‌ప్రీత్ బ్రార్‌

పంజాబ్ స్పిన్నర్‌ హర్‌ప్రీత్ బ్రార్‌ తన తొలి ఓవర్‌ కట్టుదిట్టంగా వేశాడు.
ఇన్నింగ్స్‌ ఏడో ఓవర్‌ వేసిన అతడు.. ఐదు పరుగులే ఇచ్చాడు.
7 ఓవర్లకు స్కోరు 57/1. శుభ్‌మన్ గిల్ (20), విలియమ్సన్ (20) పరుగులతో ఉన్నారు.

04/04/2024 20:00(IST)

Gujarat vs Punjab: నిలకడగా ఆడుతున్న విలియమ్సన్.. పవర్‌ ప్లే పూర్తి

గుజరాత్ వన్‌డౌన్ బ్యాటర్ కేన్ విలియమ్సన్ (16) నిలకడగా ఆడుతున్నాడు.
అర్ష్‌దీప్‌ వేసిన ఐదో ఓవర్‌లో ఒక బౌండరీ, సామ్ కరన్‌ వేసిన ఆరో ఓవర్‌లో రెండు ఫోర్లు బాదాడు.
6 ఓవర్లకు స్కోరు 52/1. శుభ్‌మన్ గిల్ (19) పరుగులతో ఉన్నాడు.

04/04/2024 19:46(IST)

Gujarat vs Punjab: వృద్ధిమాన్‌ సాహాను ఔట్ చేసిన రబాడ

గుజరాత్ మొదటి వికెట్ కోల్పోయింది. వృద్ధిమాన్ సాహా (11) ఔటయ్యాడు.
కగిసో రబాడ వేసిన మూడో ఓవర్‌లో 11 పరుగులు వచ్చాయి.
రెండో బంతికి శుభ్‌మన్ గిల్ (13) ఫోర్ బాదాడు. ఐదో బంతికి బౌండరీ సాధించిన సాహా.. చివరి బంతికి ధావన్‌కు చిక్కాడు.
3 ఓవర్లకు స్కోరు 29/1.

04/04/2024 19:35(IST)

Gujarat vs Punjab: తొలి ఓవర్‌.. శుభ్‌మన్‌ సూపర్ సిక్సర్‌

గుజరాత్, పంజాబ్ మధ్య మ్యాచ్‌ ప్రారంభమైంది. టాస్‌ ఓడి గుజరాత్ బ్యాటింగ్‌కు దిగింది.
హర్‌ప్రీత్‌ బ్రార్‌ వేసిన తొలి ఓవర్లో ఏడు పరుగులు వచ్చాయి.
మొదటి ఐదు బంతులలో ఒకే పరుగు రాగా.. చివరి బంతికి శుభ్‌మన్ గిల్ (6) లాంగాఫ్‌ మీదుగా సిక్సర్ బాదాడు.

04/04/2024 19:13(IST)

Gujarat vs Punjab: పంజాబ్‌ తుది జట్టు.. లివింగ్‌స్టోన్ స్థానంలో సికిందర్‌ రజా

పంజాబ్ తుది జట్టు: శిఖర్ ధావన్ (కెప్టెన్‌), జానీ బెయిర్‌స్టో, జితేశ్ శర్మ (వికెట్ కీపర్‌), ప్రభ్‌సిమ్రన్‌ సింగ్, సామ్ కరన్‌, శశాంక్ సింగ్, సికిందర్‌ రజా, హర్‌ప్రీత్‌ బ్రార్‌, హర్షల్‌ పటేల్, కగిసో రబాడ, అర్ష్‌దీప్‌ సింగ్.

04/04/2024 19:09(IST)

Gujarat vs Punjab: మిల్లర్ ఔట్.. తుది జట్టులోకి కేన్‌ విలియమ్సన్

గుజరాత్ తుది జట్టు: శుభ్‌మన్‌ గిల్ (కెప్టె్‌న్‌), వృద్ధీమాన్‌ సాహా (వికెట్ కీపర్‌), సాయి సుదర్శన్, కేన్ విలియమ్సన్‌, విజయ్ శంకర్‌, అజ్మతుల్లా ఒమర్జాయ్‌, రాహుల్ తెవాటియా, రషీద్‌ ఖాన్‌, నూర్‌ అహ్మద్‌, ఉమేశ్‌ యాదవ్‌, దర్శన్ నల్కండే.

04/04/2024 17:06(IST)

Gujarat vs Punjab: తుది జట్లు (అంచనా)

గుజరాత్: శుభ్‌మన్ గిల్ (కెప్టెన్‌), వృద్ధిమాన్ సాహా (వికెట్ కీపర్‌), సాయి సుదర్శన్, అజ్మతుల్లా ఒమర్జాయ్, డేవిడ్ మిల్లర్, విజయ్ శంకర్, రాహుల్ తెవాటియా, రషీద్ ఖాన్, నూర్ అహ్మద్, ఉమేశ్‌ యాదవ్, దర్శన్ నల్కండే

పంజాబ్: శిఖర్ ధావన్‌ (కెప్టెన్), బెయిర్‌స్టో, ప్రభ్‌సిమ్రన్‌ సింగ్, జితేశ్‌ శర్మ (వికెట్ కీపర్‌), లియామ్‌ లివింగ్‌స్టోన్, సామ్ కరన్, శశాంక్‌ సింగ్, హర్షల్ పటేల్, హర్‌ప్రీత్‌ బ్రార్‌, కగిసో రబాడ, రాహుల్ చాహర్.

04/04/2024 17:01(IST)

Gujarat vs Punjab: ఏ జట్టు ఏ స్థానంలో ఉందంటే?

ఈ సీజన్‌లో గుజరాత్ ఇప్పటివరకు 3 మ్యాచ్‌లు ఆడింది. ముంబయి, హైదరాబాద్‌పై విజయం సాధించిన ఆ జట్టు.. చెన్నై చేతిలో ఓటమిపాలైంది. ప్రస్తుతం పాయింట్ల పట్టికలో ఐదో స్థానంలో ఉంది.
పంజాబ్‌ కూడా మూడు మ్యాచ్‌లు ఆడింది. తొలుత దిల్లీపై నెగ్గి.. తర్వాత బెంగళూరు, లఖ్‌నవూ చేతిలో పరాజయం చవిచూసింది. ప్రస్తుం ఏడో స్థానంలో ఉంది.

App

గుజరాత్ X పంజాబ్‌ ఐపీఎల్ మ్యాచ్‌ లైవ్‌ అప్‌డేట్స్

తాజా వార్తలు (Latest News)

‘అద్దె ఇల్లే సో బెటరు’.. కారణం చెప్పిన బాంబే షేవింగ్ కంపెనీ సీఈఓ

ప్రపంచంలోనే అత్యంత ధనిక ‘ఖైదీ’.. సంపద విలువ రూ. 3.60 లక్షల కోట్లు?

130 స్కూళ్లకు బెదిరింపు మెయిల్‌.. ఎన్నికల వేళ ఉగ్ర కుట్రేనా?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

ఈనాడు.నెట్‌లో టాప్‌ 10 వార్తలు @ 9 PM

‘విస్తారా’కు వడగండ్ల దెబ్బ.. విమానం అత్యవసర ల్యాండింగ్‌

సుఖీభవ

చదువు