Breaking | Feedback | ePratibha | E-PAPER | Pratibha

Hyderabad vs Kolkata: కోల్‌కతా, హైదరాబాద్‌ మ్యాచ్‌ లైవ్‌ అప్‌డేట్స్‌

కోల్‌కతాతో జరిగిన ఉత్కంఠభరిత మ్యాచ్‌లో హైదరాబాద్ పోరాడి ఓడింది.

Updated : 23 Mar 2024 23:35 IST

23/03/2024 23:24(IST)

Hyderabad Vs Kolkata: ఉత్కంఠభరిత మ్యాచ్‌.. పోరాడి ఓడిన హైదరాబాద్‌

కోల్‌కతాతో జరిగిన ఉత్కంఠభరిత మ్యాచ్‌లో హైదరాబాద్ పోరాడి ఓడింది.
209 పరుగుల భారీ లక్ష్యఛేదనలో 204/7కు పరిమితమైంది.
హైదరాబాద్‌ విజయానికి చివరి ఓవర్‌లో 13 పరుగులు అవసరం కాగా.. హర్షిత్ రాణా రెండు వికెట్లు పడగొట్టి ఎనిమిది పరుగులు ఇచ్చాడు.

23/03/2024 23:17(IST)

Hyderabad Vs Kolkata: సిక్స్‌లు బాదుతున్న క్లాసెన్‌.. ఉత్కంఠగా మారిన మ్యాచ్‌

హెన్రిచ్‌ క్లాసెన్ వరుసగా సిక్స్‌లు బాదుతున్నాడు. దీంతో మ్యాచ్‌ ఉత్కంఠగా మారుతోంది.
మిచెల్ స్టార్క్‌ వేసిన 19 ఓవర్‌లో మూడు సిక్స్‌లు బాదాడు.
దీంతో అతడు 25 బంతుల్లో అర్ధ శతకం పూర్తి చేసుకున్నాడు.
చివరి బంతికి షాబాజ్‌ అహ్మద్‌ (16) కూడా సిక్సర్ బాదాడు.
19 ఓవర్లకు స్కోరు 196/5. క్లాసెన్ (56) పరుగులతో ఉన్నాడు.

23/03/2024 23:11(IST)

Hyderabad Vs Kolkata: పోరాడుతున్న హెన్రిచ్‌ క్లాసెన్

హైదరాబాద్‌ను గెలిపించడానికి హెన్రిచ్‌ క్లాసెన్ (37) ప్రయత్నిస్తున్నాడు.
వరుణ్‌ చక్రవర్తి వేసిన 18 ఓవర్‌లో మొదటి, మూడు బంతులను స్టాండ్స్‌లోకి పంపాడు.
ఐదో బంతికి షాబాజ్‌ అహ్మద్‌ (10) కూడా సిక్స్‌ బాదాడు.
ఈ ఓవర్‌లో మొత్తం 21 పరుగులు వచ్చాయి. 18 ఓవర్లకు స్కోరు 170/5.

23/03/2024 23:05(IST)

Hyderabad Vs Kolkata: అబ్దుల్ సమద్‌ (15) ఔట్.. హైదరాబాద్‌ ఐదో వికెట్

కోల్‌కతా ఐదో వికెట్ కోల్పోయింది. అబ్దుల్ సమద్‌ (15) ఔటయ్యాడు.
రస్సెల్ వేసిన 17 ఓవర్‌లో ఐదో బంతికి వెంకటేశ్ అయ్యర్‌కు చిక్కాడు.
17 ఓవర్లకు స్కోరు 149/5. షాబాజ్‌ అహ్మద్‌ (4), హెన్రిచ్‌ క్లాసెన్‌ (22) పరుగులతో ఉన్నారు.

23/03/2024 23:00(IST)

Hyderabad Vs Kolkata: జోరు పెంచాల్సిందే.. 16 ఓవర్లు పూర్తి

ఓవర్లు ముగుస్తుండటంతో హైదరాబాద్‌ బ్యాటర్లు జోరు పెంచాల్సి ఉంది. లేదంటే మ్యాచ్‌లో నెగ్గడం కష్టమే.
మిచెల్ స్టార్క్‌ వేసిన 16 ఓవర్‌లో ఐదే పరుగులు వచ్చాయి.
16 ఓవర్లు ముగిసేసరికి స్కోరు 133/4. సమద్‌ (4), క్లాసెన్ (21) పరుగులతో ఉన్నారు.

23/03/2024 22:41(IST)

Hyderabad Vs Kolkata: కీలక సమయంలో వికెట్లు కోల్పోతున్న హైదరాబాద్‌

హైదరాబాద్‌ కీలక సమయంలో వికెట్లు కోల్పోతోంది.
గత ఓవర్‌లో మార్‌క్రమ్‌ ఔట్ కాగా.. నరైన్‌ వేసిన 13 ఓవర్‌లో రాహుల్ త్రిపాఠి (20) వెనుదిరిగాడు.
అతడు హర్షిత్ రాణాకు క్యాచ్‌ ఇచ్చాడు.
13 ఓవర్లకు స్కోరు 111/4. అబ్దుల్ సమద్‌ (0), హెన్రిచ్‌ క్లాసెన్ (3) పరుగులతో ఉన్నారు.

23/03/2024 22:35(IST)

Hyderabad Vs Kolkata: మార్‌క్రమ్‌ (18) ఔట్.. హైదరాబాద్‌ మూడో వికెట్

మార్‌క్రమ్‌ (18) ఔటయ్యాడు. వరుణ్ చక్రవర్తి వేసిన 11.4 ఓవర్‌కు రింకు సింగ్‌కు చిక్కాడు.
12 ఓవర్లకు స్కోరు 108/3. క్లాసెన్ (1), రాహుల్ త్రిపాఠి (19) పరుగులతో ఉన్నారు.
హైదరాబాద్‌ విజయానికి 48 బంతుల్లో 101 పరుగులు అవసరం.

23/03/2024 22:28(IST)

Hyderabad Vs Kolkata: దూకుడుగా ఆడుతున్న త్రిపాఠి, మార్‌క్రమ్

సుయాశ్‌ శర్మ వేసిన 10 ఓవర్‌లో 14 పరుగులు వచ్చాయి.
రెండో బంతికి రాహుల్ త్రిపాఠి సిక్స్ బాదగా.. నాలుగో బంతికి మార్‌క్రమ్‌ బౌండరీ రాబట్టాడు.
10 ఓవర్లకు స్కోరు 99/2. త్రిపాఠి (14), మార్‌క్రమ్‌ (15) పరుగులతో ఉన్నారు.

23/03/2024 22:23(IST)

Hyderabad Vs Kolkata: క్యాచ్‌ వదిలేసిన వరుణ్ చక్రవర్తి.. బతికిపోయిన త్రిపాఠి

రాహుల్ త్రిపాఠి త్రుటిలో ఔటయ్యే ప్రమాదం నుంచి తప్పించుకున్నాడు.
నరైన్‌ వేసిన తొమ్మిదో ఓవర్‌లో నాలుగో బంతికి త్రిపాఠి ఇచ్చిన సులభమైన క్యాచ్‌ను వరుణ్ చక్రవర్తి మిస్ చేశాడు.
ఈ ఓవర్‌లో మొత్తం 8 పరుగులు వచ్చాయి.
9 ఓవర్లకు స్కోరు 85/2. మార్‌క్రమ్‌ (9), రాహుల్ త్రిపాఠి (6) పరుగులతో ఉన్నారు.

23/03/2024 22:14(IST)

Hyderabad Vs Kolkata: రెండో వికెట్‌ కోల్పోయిన హైదరాబాద్‌.. అభిషేక్‌ శర్మ (32) ఔట్‌

హైదరాబాద్‌ రెండో వికెట్‌ కోల్పోయింది.
రసెల్‌ వేసిన 7.2వ బంతికి అభిషేక్‌ శర్మ (32) ఔటయ్యాడు. భారీ షాట్‌కు ప్రయత్నించి చక్రవర్తికి క్యాచ్‌ ఇచ్చాడు.
మార్‌క్రమ్‌ క్రీజులోకి వచ్చాడు

23/03/2024 22:12(IST)

Hyderabad Vs Kolkata: నరైన్‌ చేతికి బంతి.. ఏడో ఓవర్లో 2 పరుగులే

ఏడో ఓవర్లో సునీల్‌ నరైన్‌ బంతి అందుకున్నాడు
కట్టు దిట్టంగా బంతులు విసరడంతో హైదరాబాద్‌ కేవలం 2 పరుగులు మాత్రమే రాబట్టింది.
త్రిపాఠి (20, అభిషేక్‌ శర్మ (28) క్రీజులో ఉన్నారు.
7 ఓవర్లకు స్కోరు 67/1.

23/03/2024 22:07(IST)

Hyderabad Vs Kolkata: క్రీజులోకి రాహుల్‌ త్రిపాఠి.. 6 ఓవర్లకు స్కోరు 65/1

హర్షిత్‌ రాణా వేసిన ఆరో ఓవర్లో హైదరాబాద్‌ జట్టు ఒక వికెట్‌ కోల్పోయి 7 పరుగులు సాధించింది.
తొలి డౌన్‌లో వచ్చిన రాహుల్‌ త్రిపాఠి ఒక్క పరుగు తీశాడు.
పవర్‌ ప్లే పూర్తయిన సమయానికి హైదరాబాద్‌ స్కోరు 65/1

23/03/2024 22:03(IST)

Hyderabad Vs Kolkata: తొలి వికెట్‌ కోల్పోయిన హైదరాబాద్‌.. మయాంక్‌ అగర్వాల్‌ (32) ఔట్‌

హైదరాబాద్‌ తొలి వికెట్‌ కోల్పోయింది.
హర్షిత్‌ రాణా వేసిన 5.3వ బంతికి భారీ షాట్ ఆడిన మాయాంక్‌ రింకూ సింగ్‌ చేతికి చిక్కిపోయాడు
రాహుల్‌ త్రిపాఠి క్రీజులోకి వచ్చాడు

23/03/2024 22:00(IST)

Hyderabad Vs Kolkata: విజృంభిస్తున్న అభిషేక్‌ శర్మ.. ఒకే ఓవర్లో రెండు సిక్సర్లు, ఫోర్‌

హైదరాబాద్‌ ఓపెనర్లు పోటాపోటీగా ఆడుతున్నారు. వరుస బౌండరీలతో మైదానాన్ని హోరెత్తిస్తున్నారు.
చక్రవర్తి వేసిన ఐదో ఓవర్లో అభిషేక్‌ శర్మ రెండు సిక్సర్లు, ఫోర్‌ బాదాడు
దీంతో ఈ ఓవర్లో మొత్తం 18 పరుగులు వచ్చాయి.
అభిషేక్‌ శర్మ (23), మయాంక్‌ అగర్వాల్‌ (30) క్రీజులో ఉన్నారు
5 ఓవర్లకు స్కోరు 58/0

23/03/2024 21:55(IST)

Hyderabad Vs Kolkata: జోరు పెంచిన హైదరాబాద్‌.. మయాంక్‌ సిక్సర్‌.

హైదరాబాద్‌ జట్టు జోరు పెంచింది.
హర్షిత్‌ రాణా వేసిన నాలుగో ఓవర్లో మయాంక్ అగర్వాల్‌ సిక్సర్‌ బాదాడు
నాలుగో బంతిని డీప్‌ బ్యాక్‌ పాయింట్‌ మీదుగా బౌండరీ అవతలికి పంపాడు.
ఇదే ఓవర్‌ చివరి బంతికి మరో ఫోర్‌ బాదాడు
దీంతో ఓవర్లో 13 పరుగులు వచ్చాయి.

23/03/2024 21:51(IST)

Hyderabad Vs Kolkata: క్యాచ్‌ మిస్‌.. అభిషేక్‌ శర్మకు లైఫ్‌

స్టార్క్‌ వేసిన మూడో ఓవర్లో అభిషేక్‌ శర్మకు లైఫ్‌ వచ్చింది.
రెండో బంతిని అభిషేక్‌ ఆఫ్‌ సైడ్‌ కవర్‌ మీదుగా తరలించబోయాడు. అది అవుట్‌ సైడ్‌ ఎడ్జ్‌ తగిలి.. కీపర్‌ చేతికి చిక్కినట్టే చిక్కి జారిపోయి.. బౌండరీకి వెళ్లిపోయింది.
ఈ ఓవర్లో రెండు ఫోర్లు సహా 10 పరుగులు వచ్చాయి.
అగర్వాల్‌ (17), అభిషేక్‌ (5) క్రీజులో ఉన్నారు.

23/03/2024 21:39(IST)

Hyderabad Vs Kolkata: లక్ష్యఛేదనకు దిగిన హైదరాబాద్‌.. టార్గెట్ 209

209 పరుగుల భారీ టార్గెట్‌ని ఛేదించేందుకు హైదరాబాద్‌ బరిలోకి దిగింది.
మిచెల్ స్టార్క్‌ వేసిన తొలి ఓవర్‌లో 12 పరుగులు వచ్చాయి.
మయాంక్‌ అగర్వాల్ (7), అభిషేక్ శర్మ (0) క్రీజులో ఉన్నారు.

23/03/2024 21:19(IST)

Hyderabad Vs Kolkata: రస్సెల్ విధ్వంసం.. హైదరాబాద్‌ ముందు భారీ టార్గెట్

హైదరాబాద్‌తో జరుగుతున్న మ్యాచ్‌లో ఆండ్రూ రస్సెల్ (64*; 25 బంతుల్లో 3 ఫోర్లు, 7 సిక్స్‌లు) విధ్వంసం సృష్టించాడు.
ఓపెనర్‌ ఫిలిప్‌ సాల్ట్ (54; 40 బంతుల్లో 3 ఫోర్లు, 3 సిక్స్‌లు) రాణించాడు. దీంతో కోల్‌కతా నిర్ణీత 20 ఓవర్లలో 7 వికెట్ల నష్టానికి 208 పరుగులు చేసింది.
రమణ్‌దీప్‌ సింగ్‌ (35; 17 బంతుల్లో 1 ఫోర్‌, 4 సిక్స్‌లు), రింకు సింగ్ (23; 15 బంతుల్లో 3 సిక్స్‌లు) కూడా దూకుడుగా ఆడారు.
ఒక దశలో 51 పరుగులకే నాలుగు వికెట్లు కోల్పోయిన కోల్‌కతాను ఫిలిప్‌ సాల్ట్, రమణ్‌దీప్‌ సింగ్ ఆదుకున్నారు.
చివర్లో రింకు సింగ్‌తో కలిసి రస్సెల్ ఇన్నింగ్స్‌ గతినే మార్చేశాడు. భారీ సిక్సర్లతో విరుచుకుపడ్డాడు. కోల్‌కతా ఆఖరి ఐదు ఓవర్లలో 103 పరుగులు చేసింది.
హైదరాబాద్‌ బౌలర్లలో నటరాజన్‌ 3, మయాంక్‌ మర్కండే 2, కమిన్స్‌ ఒక వికెట్‌ తీశారు.

23/03/2024 21:12(IST)

Hyderabad Vs Kolkata: రస్సెల్ మేనియా.. 20 బంతుల్లోనే హాఫ్‌ సెంచరీ

ఆండ్రూ రస్సెల్ విధ్వంసం సృష్టిస్తున్నాడు.
20 బంతుల్లోనే అర్ధ శతకం పూర్తి చేసుకున్నాడంటే అతడు ఎలా చెలరేగుతున్నాడో అర్థం చేసుకోవచ్చు.
భువనేశ్వర్‌ వేసిన 19 ఓవర్‌లో రస్సెల్ రెండు సిక్స్‌లు, రెండు ఫోర్లు బాదాడు.
19 ఓవర్లకు కోల్‌కతా 200/6 స్కోరుతో ఉంది. రస్సెల్ (62), రింకు సింగ్ (23) పరుగులతో ఉన్నారు.

23/03/2024 21:01(IST)

Hyderabad Vs Kolkata: రప్ఫాడిస్తున్న రస్సెల్.. భారీ స్కోరు దిశగా కోల్‌కతా

రస్సెల్‌ దూకుడు కొనసాగిస్తున్నాడు.
భువనేశ్వర్ వేసిన 17 ఓవర్‌లో వరుసగా సిక్స్‌, ఫోర్ బాదాడు.
రింకు సింగ్‌ కూడా ఓ బౌండరీ రాబట్టాడు.
17 ఓవర్లకు 159/6. రింకు సింగ్ (17), రస్సెల్ (31) పరుగులతో ఉన్నారు.

23/03/2024 20:55(IST)

Hyderabad Vs Kolkata: మూడు భారీ సిక్స్‌లు బాదిన ఆండ్రూ రస్సెల్

ఆండ్రూ రస్సెల్ దూకుడుగా ఆడుతున్నాడు.
మయాంక్‌ మర్కండే వేసిన 16 ఓవర్‌లో తొలి బంతికి డీప్‌ మిడ్‌వికెట్ మీదుగా 91 మీటర్ల సిక్స్‌, నాలుగో బంతికి 102 మీటర్ల సిక్స్‌, ఐదో బంతిని లాంగాన్‌ మీదుగా (96 మీటర్లు) స్టాండ్స్‌లోకి పంపాడు.
16 ఓవర్లకు స్కోరు 141/6. రస్సెల్ (20), రింకు సింగ్ (10) పరుగులతో ఉన్నారు.

23/03/2024 20:44(IST)

Hyderabad Vs Kolkata: అర్ధ శతకం పూర్తి చేసుకుని ఔటైన ఫిలిప్‌ సాల్ట్

కోల్‌కతా ఓపెనర్‌ ఫిలిప్‌ సాల్ట్ (54; 40 బంతుల్లో) అర్ధ శతకం పూర్తి చేసుకుని ఔటయ్యాడు.
మయాంక్‌ మర్కండే వేసిన 14 ఓవర్‌లో రెండో బంతికి బౌండరీ హాఫ్‌ సెంచరీ మార్క్‌ను అందుకున్న అతడు.. ఇదే ఓవర్‌లో ఐదో బంతికి మార్కో జాన్సెన్‌కు చిక్కాడు.
14 ఓవర్లకు స్కోరు 119/6. రస్సెల్ (0), రింకు సింగ్ (8) క్రీజులో ఉన్నారు.

23/03/2024 20:37(IST)

Hyderabad Vs Kolkata: సగం వికెట్లు కోల్పోయిన కోల్‌కతా

కోల్‌కతా ఐదో వికెట్ కోల్పోయింది. దూకుడుగా ఆడుతున్న రమణ్‌దీప్‌ సింగ్ (35; 17 బంతుల్లో) ఔటయ్యాడు.
కమిన్స్‌ వేసిన 12.1 ఓవర్‌కు మయాంక్‌ మార్కండేకు చిక్కాడు.
తర్వాత వచ్చిన రింకు సింగ్ (7) ఎదుర్కొన్న తొలి బంతినే బౌండరీకి పంపాడు.
13 ఓవర్లకు స్కోరు 113/5. ఫిలిప్‌ సాల్ట్ (49) పరుగులతో ఉన్నాడు.

23/03/2024 20:35(IST)

Hyderabad Vs Kolkata: అర్ధ శతకానికి చేరువలో ఫిలిప్‌.. 100 దాటిన కోల్‌కతా స్కోరు

ఫిలిప్‌ సాల్ట్ (48) అర్ధ శతకానికి చేరువయ్యాడు.
షాబాజ్‌ అహ్మద్‌ వేసిన 12 ఓవర్‌లో 14 పరుగులు వచ్చాయి.
తొలి బంతి నో బాల్‌ కాగా రమణ్‌దీప్‌ (35) సిక్స్‌ బాదాడు.
12 ఓవర్లకు స్కోరు 105/4.

23/03/2024 20:30(IST)

Hyderabad Vs Kolkata: జోరు పెంచిన కోల్‌కతా బ్యాటర్లు

కోల్‌కతా బ్యాటర్లు దూకుడు పెంచారు. మార్కో జాన్సెన్ వేసిన 11 ఓవర్‌లో 14 పరుగులు రాబట్టారు.
తొలి బంతికి ఫిలిప్‌ సాల్ట్ (43) బౌండరీ బాదగా.. నాలుగో బంతికి రమణ్‌దీప్‌ సింగ్ (27) సిక్స్‌ కొట్టాడు.
11 ఓవర్లకు స్కోరు 91/4.

23/03/2024 20:26(IST)

Hyderabad Vs Kolkata: 10 ఓవర్లు పూర్తి.. పుంజుకుంటున్న కోల్‌కతా

వరుసగా వికెట్లు కోల్పోయి కష్టాల్లో పడిన కోల్‌కతా పుంజుకుంటోంది.
మయాంక్‌ మర్కండే వేసిన 10 ఓవర్‌లో 11 పరుగులు వచ్చాయి.
నాలుగో బంతికి రమణ్‌దీప్ సింగ్ (20) సిక్స్‌ బాదాడు.
10 ఓవర్లకు స్కోరు 77/4. ఫిలిప్‌ సాల్ట్ (36) పరుగులతో ఉన్నాడు.

23/03/2024 20:21(IST)

Hyderabad Vs Kolkata: ధాటిగా ఆడుతున్న రమణ్‌దీప్ సింగ్

కోల్‌కతా బ్యాటర్ రమణ్‌దీప్‌ సింగ్ ధాటిగా ఆడుతున్నాడు.
కమిన్స్‌ వేసిన తొమ్మిదో ఓవర్‌లో ఓ ఫోర్, సిక్స్‌ బాదాడు.
9 ఓవర్లకు స్కోరు 66/4. రమణ్‌దీప్‌ (12), ఫిలిప్‌ సాల్ట్ (33) పరుగులతో ఉన్నారు.

23/03/2024 20:16(IST)

Hyderabad Vs Kolkata: విజృంభిస్తున్న హైదరాబాద్‌ బౌలర్లు.. కోల్‌కతా నాలుగు వికెట్లు

హైదరాబాద్‌ బౌలర్లు విజృంభిస్తున్నారు.
స్పిన్నర్‌ మయాంక్‌ మర్కండే వేసిన ఎనిమిదో ఓవర్‌లో మూడో బంతికి నితీష్ రాణా (9) ఔటయ్యాడు. అతడు రాహుల్‌ త్రిపాఠికి క్యాచ్‌ ఇచ్చాడు.
దీంతో కోల్‌కతా 8 ఓవర్లలో 4 వికెట్లు కోల్పోయి 53 పరుగులే చేసింది.
ఫిలిప్‌ సాల్ట్ (31), రమణ్‌దీప్‌ సింగ్ (1) క్రీజులో ఉన్నారు.

23/03/2024 20:05(IST)

Hyderabad Vs Kolkata: ముగిసిన పవర్‌ ప్లే.. కోల్‌కతా స్కోరెంతంటే?

నటరాజన్‌ కట్టుదిట్టమైన బౌలింగ్ కొనసాగిస్తున్నాడు. అతడు వేసిన ఆరో ఓవర్‌లో నాలుగు పరుగులు వచ్చాయి.
పవర్‌ ప్లే ముగిసేసరికి కోల్‌కతా స్కోరు 43/3. ఫిలిప్‌ సాల్ట్ (24), నితీష్‌ రాణా (7) క్రీజులో ఉన్నారు.

23/03/2024 19:54(IST)

Hyderabad Vs Kolkata: కోల్‌కతాకు గట్టి షాక్‌.. ఒకే ఓవర్‌లో రెండు వికెట్లు డౌన్

హైదరాబాద్‌ పేసర్ నటరాజన్‌ ఒకే ఓవర్‌లో రెండు వికెట్లు పడగొట్టి కోల్‌కతాకు గట్టి షాక్‌ ఇచ్చాడు.
అతడు వేసిన 3.3 ఓవర్‌కు వెంకటేశ్ అయ్యర్ (3) మార్కో జాన్సెన్‌కు క్యాచ్‌ ఇచ్చాడు.
3.5 ఓవర్‌కు మిడాఫ్‌లో కమిన్స్‌ గాల్లోకి ఎగిరి సూపర్‌ క్యాచ్‌ అందుకోవడంతో శ్రేయస్ అయ్యర్ (0) వెనుదిరిగాడు.
4 ఓవర్లకు స్కోరు 32/3. నితీష్ రాణా (0), ఫిలిప్ సాల్ట్ (21) క్రీజులో ఉన్నారు.

23/03/2024 19:49(IST)

Hyderabad Vs Kolkata: కట్టుదిట్టంగా బౌలింగ్‌ చేస్తున్న భువనేశ్వర్‌

సీనియర్‌ పేసర్‌ భువనేశ్వర్‌ కుమార్‌ కట్టుదిట్టంగా బౌలింగ్ చేస్తున్నాడు.
తన తొలి ఓవర్‌లో మూడు పరుగులు ఇచ్చిన భువీ.. ఈ ఓవర్‌లో నాలుగు రన్స్‌ ఇచ్చాడు.
3 ఓవర్లకు కోల్‌కతా స్కోరు 27/1. వెంకటేశ్ అయ్యర్ (3), ఫిలిప్‌ సాల్ట్ (3) క్రీజులో ఉన్నారు.

23/03/2024 19:43(IST)

Hyderabad Vs Kolkata: ఫిలిప్‌ హ్యాట్రిక్‌ సిక్స్‌లు.. నరైన్‌ రనౌట్

మార్కో జాన్సెన్‌ వేసిన రెండో ఓవర్‌ థ్రిల్లింగ్‌గా సాగింది.
మూడు, నాలుగు, ఐదు బంతులను ఫిలిప్‌ సాల్ట్ (19) స్టాండ్స్‌లోకి పంపి హ్యాట్రిక్‌ సిక్స్‌లు సాధించాడు.
చివరి బంతికి సునీల్ నరైన్‌ (2) రనౌట్‌గా వెనుదిరిగాడు.
2 ఓవర్లకు కోల్‌కతా స్కోరు 23/1.

23/03/2024 19:37(IST)

Hyderabad Vs Kolkata: ఓపెనర్లుగా వచ్చిన సునీల్ నరైన్‌, ఫిలిప్‌ సాల్ట్

కోల్‌కతా, హైదరాబాద్‌ మధ్య మ్యాచ్‌ ప్రారంభమైంది.
టాస్‌ ఓడి బ్యాటింగ్‌కు దిగిన కోల్‌కతా సునీల్ నరైన్‌, ఫిలిప్‌ సాల్ట్‌ను ఓపెనర్లుగా బరిలోకి దింపింది.
భువనేశ్వర్‌ వేసిన తొలి ఓవర్‌లో మూడు పరుగులు వచ్చాయి.

23/03/2024 19:32(IST)

హైదరాబాద్‌తో మ్యాచ్‌.. కోల్‌కతా నైట్ రైడర్స్ తుదిజట్టు ఇదే

శ్రేయస్ అయ్యర్ (కెప్టెన్‌), ఫిలిప్ సాల్ట్, వెంకటేష్ అయ్యర్, నితీష్ రాణా, రింకూ సింగ్, రమణదీప్ సింగ్, ఆండ్రీ రస్సెల్, సునీల్ నరైన్, మిచెల్ స్టార్క్, హర్షిత్ రాణా, వరుణ్ చక్రవర్తి.

తాజా వార్తలు (Latest News)

మరిన్ని

సుఖీభవ

మరిన్ని

చదువు

మరిన్ని

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి కథామృతం దేవతార్చన

App

Hyderabad vs Kolkata: కోల్‌కతా, హైదరాబాద్‌ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

‘ఆయుధాలు అప్పగించేదే లేదు..!’ ఆర్మీని అడ్డుకున్న మహిళలు

ఈనాడు.నెట్‌లో టాప్‌ 10 వార్తలు @ 9PM

విడాకులు తీసుకున్న కుమార్తెను ఘనంగా ఇంటికి ఆహ్వానించిన తండ్రి

ఓటీటీలో సిద్ధార్థ్‌ రాయ్‌.. స్ట్రీమింగ్‌ ఎక్కడంటే?

వరుణుడి అడ్డంకి.. బంగ్లాదేశ్‌పై భారత్‌ విజయం

ఫ్లిప్‌కార్ట్ బిగ్‌ సేవింగ్‌ డేస్‌ సేల్‌.. గెలాక్సీ ఎస్‌23పై ₹20వేలు డిస్కౌంట్‌

సుఖీభవ

చదువు