Breaking | Feedback | ePratibha | E-PAPER | Pratibha

కోల్‌కతా X బెంగళూరు మ్యాచ్‌ లైవ్‌ అప్‌డేట్స్

ఈడెన్‌ గార్డెన్స్‌ వేదికగా జరుగుతున్న మ్యాచ్‌లో బెంగళూరుకు కోల్‌కతా 223 పరుగులను లక్ష్యంగా నిర్దేశించింది. తొలుత బ్యాటింగ్‌ చేసిన కోల్‌కతా 20 ఓవర్లలో ఆరు వికెట్ల నష్టానికి 222 పరుగులు చేసింది. కెప్టెన్ శ్రేయస్ అయ్యర్ (50) హాఫ్ సెంచరీ సాధించాడు. ఫిలిప్ సాల్ట్ (48), ఆండ్రి రస్సెల్ (27*) రాణించారు. బెంగళూరు బౌలర్లలో యశ్ దయాల్ 2, కామెరూన్ గ్రీన్ 2.. సిరాజ్‌, ఫెర్గూసన్ చెరో వికెట్‌ తీశారు.

Updated : 21 Apr 2024 17:30 IST

21/04/2024 19:39(IST)

Kolkata Vs Bengaluru: పోరాడినా బెంగళూరుకి తప్పని ఓటమి

థ్రిల్లింగ్‌ మ్యాచ్‌లో బెంగళూరుపై కోల్‌కతా 1 పరుగు తేడాతో విజయం సాధించింది
కోల్‌కతా నిర్దేశించిన 223 పరుగుల లక్ష్యాన్ని ఛేదించడంలో విఫలమైంది
నిర్ణీత 20 ఓవర్లలో 221 పరుగులకు ఆలౌటైంది
జాక్స్‌(55), రజత్‌(52) అర్ధశతకాలతో రాణించారు
కోహ్లీ(18), డుప్లెసిస్‌(7), గ్రీన్‌(6), లమ్రార్‌(4) నిరాశపర్చారు
చివర్లో దినేశ్‌(25), కర్ణ్‌శర్మ(20) పరుగులు చేశారు
కోల్‌కతా బౌలర్లలో రసెల్‌ 3, హర్షిత్‌, నరైన్‌ 2 చొప్పున వికెట్లు తీశారు
స్టార్క్‌, వరుణ్‌ చెరో వికెట్‌ పడగొట్టారు

21/04/2024 19:30(IST)

Kolkata Vs Bengaluru: కష్టాల్లో బెంగళూరు.. దినేశ్‌ ఔట్‌

రసెల్‌ వేసిన 19వ ఓవర్లో 10 పరుగులు వచ్చాయి
తొలి రెండు బంతులకు పరుగులేమి రాలేవు
దినేశ్‌ మూడో బంతికి సిక్స్‌, ఐదో బంతికి ఫోర్‌ కొట్టాడు
చివరి బంతికి సాల్ట్‌కి క్యాచ్‌ ఇచ్చి దినేశ్‌(25) ఔటయ్యాడు
19 ఓవర్లకు బెంగళూరు స్కోర్‌ 202/8

21/04/2024 19:24(IST)

Kolkata Vs Bengaluru: పరుగుల కోసం శ్రమిస్తున్న బెంగళూరు బ్యాటర్లు

హర్షిత్‌ వేసిన 18వ ఓవర్లో ప్రభుదేశాయ్‌(24) ఔటయ్యాడు
భారీ షాట్‌కు యత్నించి రఘువంశీకి క్యాచ్‌ ఇచ్చాడు
క్రీజులోకి కర్ణ్ శర్మ(2) వచ్చాడు. మరో ఎండ్‌లో దినేశ్‌(15) ఉన్నాడు
18 ఓవర్లకు బెంగళూరు స్కోర్‌ 192/7
బెంగళూరు విజయం సాధించాలంటే 2 ఓవర్లలో 31 పరుగులు చేయాలి

21/04/2024 19:18(IST)

Kolkata Vs Bengaluru: ఎట్టకేలకు మళ్లీ ఒక సిక్స్‌.. బెంగళూరు స్కోర్‌ 186/6

స్ట్రాటజిక్‌ టైంఔట్‌ తర్వాత 17వ ఓవర్‌ను వరుణ్‌ చక్రవర్తి వేశాడు
మూడో బంతిని ప్రభుదేశాయ్‌ ఎదుర్కొగా.. ఔట్‌గా భావించి కోల్‌కతా రివ్యూకి వెళ్లింది
ఫలితం ప్రతికూలంగా వచ్చింది
ఆ తర్వాత ఐదో బంతిని ప్రభుదేశాయ్‌ ఫోర్‌గా మలిచాడు
క్రీజులో ప్రభుదేశాయ్‌(24), దినేశ్‌ (12) ఉన్నారు
17 ఓవర్లకు బెంగళూరు స్కోర్‌ 186/6
విజయానికి మూడు ఓవర్లలో 37 పరుగులు చేయాలి

21/04/2024 19:09(IST)

Kolkata Vs Bengaluru: పుంజుకుంటున్న బ్యాటర్లు.. స్కోర్‌ 181/6

హర్షత్‌ వేసిన 16వ ఓవర్లో రెండో బంతిని దినేశ్‌ బ్యాక్‌వార్డ్‌ పాయింట్‌ మీదుగా బౌండరీ కొట్టాడు
ఈ ఓవర్లో మొత్తం 7 పరుగులు వచ్చాయి
క్రీజులో దినేశ్‌(11), ప్రభుదేశాయ్‌(20) ఉన్నారు
16 ఓవర్లకు బెంగళూరు స్కోర్‌ 181/6

21/04/2024 19:03(IST)

Kolkata Vs Bengaluru: 15 ఓవర్లు పూర్తయ్యే సరికి బెంగళూరు స్కోర్‌ 174/6

వరుణ్‌ వేసిన 15వ ఓవర్లో తొలి బంతికే ప్రభుదేశాయ్‌ ఫోర్‌ కొట్టాడు
ఆ తర్వాత రెండు బంతులకు రెండేసి పరుగులు వచ్చాయి
చివరి బంతికీ 2 పరుగులు వచ్చాయి
క్రీజులో ప్రభుదేశాయ్‌(19), దినేశ్‌(5) ఉన్నారు
15 ఓవర్లు పూర్తయ్యే సరికి బెంగళూరు స్కోర్‌ 174/6

21/04/2024 18:58(IST)

Kolkata Vs Bengaluru: క్రీజులోకి వచ్చిన దినేశ్‌ కార్తిక్‌.. బెంగళూరు స్కోర్‌ 164/6

14వ ఓవర్‌ను రసెల్‌ వేశాడు
చివరి బంతిని దినేశ్‌ ఫోర్‌గా మలిచాడు
ఈ ఓవర్లో మొత్తం 9 పరుగులు వచ్చాయి
క్రీజులో దినేశ్‌ కార్తిక్‌(5), ప్రభుదేశాయ్‌(9) ఉన్నారు
దినేశ్‌ కార్తిక్‌కు ఇది 250వ మ్యాచ్‌ కావడం విశేషం
బెంగళూరు స్కోర్‌ 164/6

21/04/2024 18:53(IST)

Kolkata Vs Bengaluru: పెవిలియన్‌కి క్యూ కట్టిన బెంగళూరు బ్యాటర్లు.. లామ్రార్‌(4) ఔట్‌

బెంగళూరు.. ఒకవైపు పరుగులు కోసం శ్రమిస్తున్నా.. మరోవైపు వికెట్లు పడుతున్నాయి
నరైన్‌ వేసిన 13వ ఓవర్లో గ్రీన్‌(6), లామ్రార్‌(4) ఔటయ్యారు
క్రీజులోకి దినేశ్‌ కార్తిక్‌ వచ్చాడు. మరో ఎండ్‌లో ప్రభుదేశాయ్‌(6) ఉన్నాడు.
13 ఓవర్లకు బెంగళూరు స్కోర్‌ 155/6

21/04/2024 18:45(IST)

Kolkata Vs Bengaluru: రసెల్‌ బౌలింగ్‌లో రెండు వికెట్లు.. రజత్‌ కూడా ఔట్‌

రసెల్‌ వేసిన 12వ ఓవర్లో రెండు వికెట్లు పడ్డాయి
తొలి బంతిని ఎదుర్కొన్న జాక్స్‌(55) బౌండరీ వద్ద రఘువంశీ చేతికి చిక్కాడు
నాలుగో బంతిని ఎదుర్కొని రజత్‌(52).. హర్షత్‌కి క్యాచ్‌ ఇచ్చాడు

21/04/2024 18:42(IST)

Kolkata Vs Bengaluru: రజత్‌ పాటిదార్‌ హాఫ్ సెంచరీ.. బెంగళూరు స్కోర్‌ 137/2

ఓపెనర్లు తొందరగా ఔటైనా.. తర్వాత వచ్చిన బ్యాటర్లు ఇద్దరు క్రీజులో నిలదొక్కుకున్నారు
నరైన్‌ వేసిన 11వ ఓవర్లో 15 పరుగులు వచ్చాయి
రజత్‌ రెండు సిక్స్‌లు బాదాడు
ఈ ఓవర్లోనే రజత్‌(52) 21 బంతుల్లో అర్ధశతకం పూర్తి చేసుకున్నాడు.
ప్రస్తుతం బెంగళూరు స్కోర్‌ 137/2

21/04/2024 18:37(IST)

Kolkata Vs Bengaluru: రజత్‌ దూకుడు.. 10 ఓవర్లకు బెంగళూరు స్కోర్‌ 122/2

సుయాశ్‌ వేసిన పదో ఓవర్లో రజత్‌ దూకుడుగా ఆడాడు
తొలి బంతిని బౌండరీకి పంపించాడు
రెండో బంతిని డీప్‌ మిడ్‌ వికెట్‌ మీదుగా భారీ సిక్స్‌ కొట్టాడు
మూడో బంతికి పరుగులు రాలేదు.. నాలుగో బంతిని మళ్లీ సిక్స్‌గా మలిచాడు
చివరి బంతికి మరో ఫోర్‌ కొట్టాడు
క్రీజులో రజత్‌(39), జాక్స్‌(53) ఉన్నారు
10 ఓవర్లు పూర్తయ్యే సరికి బెంగళూరు స్కోర్‌ 122/2

21/04/2024 18:29(IST)

Kolkata Vs Bengaluru: నిలకడగా ఆడుతోన్న బెంగళూరు బ్యాటర్లు.. స్కోర్‌ 89/2

సుయాశ్‌ శర్మ ఎనిమిదో ఓవర్‌ వేశాడు
ఈ ఓవర్లో తొలి 3 బంతులకు సింగిల్స్‌ లభించాయి
నాలుగో బంతిని రజత్‌ సిక్స్‌గా మలిచాడు
ఈ ఓవర్లో మొత్తం 11 పరుగులు వచ్చాయి
క్రీజులో జాక్స్‌(43), రజత్‌(16) ఉన్నారు
8 ఓవర్లకు బెంగళూరు స్కోర్‌ 89/2

21/04/2024 18:18(IST)

Kolkata Vs Bengaluru: జాక్స్‌ జోరు.. ఆరో ఓవర్లో 3 సిక్స్‌లు, 1 ఫోర్‌

స్టార్క్‌ వేసిన ఆరో ఓవర్లో జాక్స్‌ బ్యాట్‌ ఝళిపించాడు
తొలి రెండు బంతుల్ని జాక్స్‌ సిక్స్‌లుగా మలిచాడు
ఆ తర్వాత రెండు బంతులకు పరుగులు రాలేదు
చివరి రెండు బంతులకు వరుసగా సిక్స్‌, ఫోర్‌ లభించాయి
క్రీజులో జాక్స్‌(40), రజత్‌(6) ఉన్నారు
6 ఓవర్లకు బెంగళూరు స్కోర్‌ 74/2

21/04/2024 18:13(IST)

Kolkata Vs Bengaluru: 5 ఓవర్లు పూర్తయ్యే సరికి బెంగళూరు స్కోర్‌ 52/2

నరైన్‌ వేసిన ఐదో ఓవర్లో తొలి రెండు బంతులకు పరుగులేమీ రాలేదు
మూడో బంతికి జాక్స్‌ బ్యాట్‌ నుంచి ఒక బౌండరీ లభించింది
ఆ తర్వాత మూడు బంతులకు సింగిల్స్‌ లభించాయి.
క్రీజులో జాక్స్‌(18), రజత్‌6) ఉన్నారు
5 ఓవర్లు పూర్తయ్యే సరికి బెంగళూరు స్కోర్‌ 52/2

21/04/2024 18:10(IST)

Kolkata Vs Bengaluru: నిరాశపర్చిన కెప్టెన్‌ డుప్లెసిస్‌.. 4 ఓవర్లకు స్కోర్‌ 45/2

నాలుగో ఓవర్లో బెంగళూరు కెప్టెన్‌ డుప్లెసిస్‌(7) ఔటయ్యాడు
వరుణ్‌ చక్రవర్తి వేసిన తొలి బంతిని ఎదుర్కొని వెంకటేశ్‌ అయ్యర్‌కి చిక్కాడు
డుప్లెసిస్‌ స్థానంలో క్రీజులోకి రజత్‌ పాటిదార్‌ వచ్చాడు
ఈ ఓవర్లో 2 ఫోర్లు లభించాయి
క్రీజులో రజత్‌(5), జాక్స్‌(13) ఉన్నారు
4 ఓవర్లకు స్కోర్‌ 45/2

21/04/2024 18:05(IST)

Kolkata Vs Bengaluru: క్రీజులోకి విల్‌ జాక్స్‌.. 3 ఓవర్లకు బెంగళూరు స్కోర్‌ 35/1

మూడో ఓవర్లో 8 పరుగులు వచ్చాయి
తొలి బంతికి కోహ్లీ ఔట్‌ కావడంతో క్రీజులోకి విల్‌ జాక్స్‌ వచ్చాడు
నాలుగో బంతిని జాక్స్‌.. డీప్‌ బ్యాక్‌వర్డ్‌ పాయింట్‌ మీదుగా సిక్స్‌ బాదాడు
క్రీజులో జాక్స్‌(8), డుప్లెసిస్‌(7) ఉన్నారు
3 ఓవర్లకు బెంగళూరు స్కోర్‌ 35/1

21/04/2024 17:58(IST)

Kolkata Vs Bengaluru: బెంగళూరుకి షాక్‌.. కోహ్లీ ఔట్‌

హర్షిత్‌ వేసిన మూడో ఓవర్‌లో కోహ్లీ(18) ఔటయ్యాడు
తొలి బంతిని ఎదుర్కొని బౌలర్‌ హర్షిత్‌కే క్యాచ్‌ ఇచ్చాడు
కోహ్లీ రివ్యూ తీసుకున్నప్పటికీ ఫలితం ఔట్‌గానే తేలింది
దీంతో కోహ్లీ అసహనంతో పెవిలియన్‌కు వెళ్లాడు

21/04/2024 17:55(IST)

Kolkata Vs Bengaluru: దూకుడుగా ఆడుతోన్న ఓపెనర్లు.. 2 ఓవర్లకు బెంగళూరు స్కోర్‌ 27/0

రెండో ఓవర్‌లో స్టార్క్‌ వేసిన తొలి బంతి వైడ్‌గా వెళ్లింది
మూడో బంతిని కోహ్లీ స్టాండ్స్‌లోకి పంపించి సిక్స్‌గా మలిచాడు
చివరి బంతిని డుప్లెసిస్‌ బౌండరీకి పంపించాడు
ఈ ఓవర్లో మొత్తం 15 పరుగులు వచ్చాయి
స్టార్క్‌ వేలికి గాయం కావడంతో స్వల్ప చికిత్స అవసరమైంది
క్రీజులో కోహ్లీ(18), డుప్లెసిస్‌(7) ఉన్నారు
2 ఓవర్లకు బెంగళూరు స్కోర్‌ 27/0

21/04/2024 17:46(IST)

Kolkata Vs Bengaluru: తొలి ఓవర్‌లో ఫోర్‌, సిక్స్‌ బాదిన కోహ్లీ

హర్షిత్‌ రాణా వేసిన తొలి ఓవర్లో 12 పరుగులు వచ్చాయి
తొలి బంతికే కోహ్లీ మిడ్‌వికెట్‌ మీదుగా ఫోర్‌ కొట్టాడు
చివరి బంతికి సిక్స్‌ బాదాడు
క్రీజులో కోహ్లీ(11), డుప్లెసిస్‌(1) ఉన్నారు
తొలి ఓవర్‌కు బెంగళూరు స్కోర్‌ 12/0

21/04/2024 17:27(IST)

Kolkata Vs Bengaluru: శ్రేయస్ 50.. సాల్ట్, రస్సెల్ దూకుడు.. కోల్‌కతా 222/6

కోల్‌కతా ఇన్నింగ్స్‌ ముగిసింది.
నిర్ణీత 20 ఓవర్లలో ఆరు వికెట్ల నష్టానికి 222 పరుగులు చేసింది.
శ్రేయస్ అయ్యర్ (50) హాఫ్‌ సెంచరీ సాధించాడు.
ఫిలిప్ సాల్ట్ (48), ఆండ్రి రస్సెల్ (27*), రమణ్‌దీప్ (24*), రింకు సింగ్ (24) రాణించారు.
సునీల్ నరైన్ (15), రఘువంశి (3), వెంకటేశ్ అయ్యర్ (16) పెద్దగా ప్రభావం చూపలేదు.
చివరి ఓవర్‌లో యశ్‌ దయాల్ మూడు ఫోర్లు సహా 16 పరుగులు ఇచ్చాడు.

21/04/2024 17:20(IST)

Kolkata Vs Bengaluru: కోల్‌కతా 200+.. సిరాజ్‌ బౌలింగ్‌లో సిక్స్‌లు

కోల్‌కతా మళ్లీ దూకుడుగా ఆడుతోంది.
రమణ్‌దీప్‌ సింగ్ (19*) బౌండరీలతో విరుచుకుపడ్డాడు.
సిరాజ్‌ వేసిన 19వ ఓవర్‌లో రెండు సిక్స్‌లు, ఒక ఫోర్ బాదాడు.
మొత్తం 20 పరుగులు వచ్చాయి. దీంతో కోల్‌కతా స్కోరు 206/6.
క్రీజ్‌లో రమణ్‌తోపాటు ఆండ్రి రస్సెల్ (17*) ఉన్నాడు.

21/04/2024 17:11(IST)

Kolkata Vs Bengaluru: డుప్లెసిస్ సూపర్ క్యాచ్.. శ్రేయస్ ఔట్

కెప్టెన్ శ్రేయస్‌ (50) ఔటయ్యాడు.
గ్రీన్‌ బౌలింగ్‌లో (17.2వ ఓవర్‌) శ్రేయస్ లాఫ్ట్‌ షాట్ కొట్టాడు.
డుప్లెసిస్‌ లాంగాన్‌ నుంచి పరుగెత్తుకొచ్చి క్యాచ్‌ను అందుకొన్నాడు.
దీంతో 179 పరుగుల వద్ద కోల్‌కతా ఆరో వికెట్‌ను కోల్పోయింది.
అనంతరం క్రీజ్‌లోకి రమణ్‌దీప్‌ సింగ్ (2*) వచ్చాడు.
ఈ ఓవర్‌లో గ్రీన్ 8 పరుగులు ఇచ్చాడు.
ప్రస్తుతం కోల్‌కతా స్కోరు 18 ఓవర్లకు 186/6.
ఆండ్రి రస్సెల్ (16*) ఫోర్ కొట్టాడు.

21/04/2024 17:07(IST)

Kolkata Vs Bengaluru: కెప్టెన్ శ్రేయస్‌ అయ్యర్ హాఫ్ సెంచరీ..

కోల్‌కతా కెప్టెన్ శ్రేయస్ అయ్యర్ (50*) హాఫ్ సెంచరీ పూర్తి చేశాడు.
యశ్ దయాల్ వేసిన 17వ ఓవర్‌లో 23 పరుగులు వచ్చాయి.
ఇందులో సిక్స్‌, రెండు ఫోర్లు, ఐదు నోబాల్స్‌, రెండు వైడ్లు ఉన్నాయి.
దీంతో కోల్‌కతా స్కోరు 177/5కి చేరింది.

21/04/2024 16:59(IST)

Kolkata Vs Bengaluru: ఆరు బంతులు.. ఆరు సింగిల్స్‌

కీలక సమయంలో బెంగళూరు బౌలర్లు రాణిస్తున్నారు.
16వ ఓవర్‌లో లాకీ ఫెర్గూసన్ 6 పరుగులు ఇచ్చాడు.
అన్నీ సింగిల్స్‌ మాత్రమే కావడం గమనార్హం.
దీంతో కోల్‌కతా స్కోరు 155/5.
శ్రేయస్ అయ్యర్ (40*) హాఫ్ సెంచరీ దిశగా సాగుతున్నాడు.
ఆండ్రి రస్సెల్ (6*) ఇబ్బంది పడుతూనే ఉన్నాడు.

21/04/2024 16:55(IST)

Kolkata Vs Bengaluru: పరుగుల కోసం ఆండ్రి రస్సెల్ ఇబ్బందులు

డేంజరస్‌ బ్యాటర్ ఆండ్రి రస్సెల్ (3)ను బెంగళూరు బౌలింగ్‌ ఇబ్బందిపెడుతోంది.
కర్ణ్‌ శర్మ వేసిన 15 ఓవర్‌లో కేవలం ఏడు పరుగులే వచ్చాయి.
శ్రేయస్ అయ్యర్ (37*) రివర్స్‌ స్వీప్‌తో ఫోర్‌ కొట్టాడు.
ప్రస్తుతం కోల్‌కతా స్కోరు 149/5.

21/04/2024 16:44(IST)

Kolkata Vs Bengaluru: రింకు సింగ్‌ ఔట్.. క్రీజ్‌లోకి ఆండ్రి రస్సెల్

కోల్‌కతా ఐదో వికెట్‌ను కోల్పోయింది.
ఫెర్గూసన్ వేసిన (13.1వ ఓవర్) స్లో బంతిని ఆడే క్రమంలో రింకు సింగ్‌ (24) ఔటయ్యాడు.
షార్ట్‌ ఫైన్‌లెగ్‌లో యశ్‌ దయాల్‌కు క్యాచ్‌ ఇచ్చాడు.
దీంతో 137 పరుగుల వద్ద కోల్‌కతా ఐదో వికెట్‌ను నష్టపోయింది.
అనంతరం క్రీజ్‌లోకి ఆండ్రి రస్సెల్‌ వచ్చాడు.
ఈ ఓవర్‌లో ఫెర్గూసన్ ఐదు పరుగులే ఇచ్చాడు.
ప్రస్తుతం కోల్‌కతా స్కోరు 14 ఓవర్లకు 142/5.

21/04/2024 16:41(IST)

Kolkata Vs Bengaluru: భారీ స్కోరు దిశగా కోల్‌కతా పయనం

కోల్‌కతా బ్యాటర్లు దూకుడు ప్రదర్శిస్తున్నారు.
ప్రతి ఓవర్‌లోనూ సగటుగా 10 పరుగులు రాబడుతున్నారు.
కామెరూన్ గ్రీన్ వేసిన 13 ఓవర్‌లో 11 పరుగులు వచ్చాయి.
ఇందులో శ్రేయస్ (29*), రింకు సింగ్ (24*) చెరో బౌండరీ బాదారు.
ప్రస్తుతం కోల్‌కతా స్కోరు 137/4.

21/04/2024 16:37(IST)

Kolkata Vs Bengaluru: డైరెక్ట్‌ హిట్‌ అయితే కష్టమే.. తప్పించుకున్న శ్రేయస్

కామెరూన్‌ గ్రీన్ వేసిన 11 ఓవర్‌లో 7 పరుగులు వచ్చాయి.
శ్రేయస్‌ అయ్యర్ (23*) బౌండరీ కొట్టాడు.
ఈ ఓవర్‌ చివరి బంతికి రనౌట్ అయ్యే ప్రమాదం నుంచి బయటపడ్డాడు.
డైరెక్ట్‌గా వికెట్లను తాకి ఉంటే శ్రేయస్ ఔటయ్యేవాడే.
కర్ణ్‌ శర్మ వేసిన 12వ ఓవర్‌లో సిక్స్‌ సహా 12 పరుగులు వచ్చాయి.
రింకు సింగ్ (18*) సిక్స్‌ బాదేశాడు.
దీంతో కోల్‌కతా స్కోరు 126/4.

21/04/2024 16:30(IST)

Kolkata Vs Bengaluru: కట్టుదిట్టంగా బెంగళూరు బౌలింగ్‌

ఈ సీజన్‌లో తొలిసారి బెంగళూరు బౌలర్లు ఫర్వాలేదనిపిస్తున్నారు.
కోల్‌కతా 10 ఓవర్లకు 100 పరుగులు చేసినా నాలుగు వికెట్లను కోల్పోయింది.
పదో ఓవర్‌ వేసిన కర్ణ్‌ శర్మ కేవలం ఐదు పరుగులే ఇచ్చాడు.
దీంతో కోల్‌కతా స్కోరు 107/4కి చేరింది.

21/04/2024 16:21(IST)

Kolkata Vs Bengaluru: కోల్‌కతా వికెట్‌ డౌన్.. వెంకటేశ్‌ అయ్యర్ ఔట్

దూకుడుగా ఆడుతున్న వెంకటేశ్ అయ్యర్ (16) ఔటయ్యాడు.
గ్రీన్‌ బౌలింగ్‌లో తొలి బంతిని బౌండరీగా మలిచాడు.
ఆ తర్వాత బాల్‌ను కూడా షాట్‌ కోసం యత్నించి క్యాచ్‌ ఇచ్చాడు.
లామ్రోర్ అద్భుతంగా ఒడిసిపట్టాడు.
దీంతో 97 పరుగుల వద్ద కోల్‌కతా నాలుగో వికెట్‌ను కోల్పోయింది.
గ్రీన్‌ వేసిన ఈ ఓవర్‌లో 9 పరుగులు వచ్చాయి.
దీంతో కోల్‌కతా స్కోరు తొమ్మిది ఓవర్లకు 102/4.
క్రీజ్‌లో రింకు సింగ్‌ (5*), శ్రేయస్‌ (15*) ఉన్నారు.

21/04/2024 16:20(IST)

Kolkata Vs Bengaluru: మళ్లీ దూకుడు పెంచిన కోల్‌కతా బ్యాటర్లు

స్వల్ప వ్యవధిలో వికెట్లను కోల్పోయిన కోల్‌కతా మళ్లీ పుంజుకుంటోంది.
లాకీ ఫెర్గూసన్ వేసిన ఇన్నింగ్స్‌ 7వ ఓవర్‌లో 8 పరుగులు..
కర్ణ్ శర్మ వేసిన 8వ ఓవర్‌లో 10 పరుగులు వచ్చాయి.
దీంతో కోల్‌కతా స్కోరు ఎనిమిది ఓవర్లకు 93/3కి చేరింది.
క్రీజ్‌లో వెంకటేశ్‌ అయ్యర్ (12*), శ్రేయస్‌ అయ్యర్ (15*) ఉన్నారు.

21/04/2024 16:07(IST)

Kolkata Vs Bengaluru: గ్రీన్ సూపర్ క్యాచ్.. కోల్‌కతాకు మళ్లీ షాక్

కోల్‌కతాకు మళ్లీ షాక్ తగిలింది.
స్వల్ప వ్యవధిలో మూడో వికెట్‌ను కోల్పోయింది.
యశ్‌ బౌలింగ్‌లో రఘువంశి (3) ఇచ్చిన క్యాచ్‌ను కామెరూన్‌ గ్రీన్ ఒంటిచేత్తో అద్భుతంగా పట్టాడు.
దీంతో 75 పరుగుల వద్ద కోల్‌కతా మూడో వికెట్‌ను నష్టపోయింది.
క్రీజ్‌లో కెప్టెన్ శ్రేయ్యస్ అయ్యర్ వచ్చాడు.
అంతకుముందు నరైన్ ఔటైన తర్వాత వచ్చిన వెంకటేశ్‌ అయ్యర్ (9*) వరుసగా రెండు బౌండరీలు బాదాడు.
యశ్‌ వేసిన 6వ ఓవర్‌లో రెండు వికెట్లు పడ్డాయి. 12 పరుగులు వచ్చాయి.
ప్రస్తుతం కోల్‌కతా స్కోరు 75/3.

21/04/2024 16:03(IST)

Kolkata Vs Bengaluru: పెవిలియన్‌కు చేరిన సునీల్ నరైన్

కోల్‌కతా 66 పరుగుల వద్ద రెండో వికెట్‌ను కోల్పోయింది.
సునీల్ నరైన్ (10)ను యశ్‌ ఔట్ చేశాడు.
అతడు వేసిన బంతిని బౌండరీగా మలిచేందుకు ప్రయత్నించిన నరైన్‌ లాంగాఫ్‌లో కోహ్లీకి క్యాచ్ ఇచ్చాడు.
అనంతరం క్రీజ్‌లోకి వెంకటేశ్‌ అయ్యర్ వచ్చాడు.

21/04/2024 15:56(IST)

Kolkata Vs Bengaluru: డేంజరస్‌ బ్యాటర్ సాల్ట్‌ ఔట్.. రికార్డు మిస్‌

ఫిలిప్ సాల్ట్‌ (48: 14 బంతుల్లో 7 ఫోర్లు, 3 సిక్స్‌లు) ఔటయ్యాడు.
సిరాజ్‌ వేసిన బంతిని (4.2వ ఓవర్) భారీ షాట్‌కు యత్నించి పటీదార్‌ చేతికి చిక్కాడు.
దీంతో 56 పరుగుల వద్ద కోల్‌కతా తొలి వికెట్‌ను కోల్పోయింది.
ఈ క్రమంలో వేగవంతమైన హాఫ్ సెంచరీ సాధించే అవకాశం సాల్ట్‌కు చేజారింది.
క్రీజ్‌లోకి రఘువంశి వచ్చాడు.
సిరాజ్‌ వేసిన ఈ ఓవర్‌లో 8 పరుగులు వచ్చాయి.
ప్రస్తుతం కోల్‌కతా స్కోరు 5 ఓవర్లకు 63/1.

21/04/2024 15:44(IST)

Kolkata Vs Bengaluru: పరుగుల కోసం నరైన్‌ ఇబ్బంది.. దూకుడుగా సాల్ట్

గత మ్యాచ్‌లో సెంచరీతో అలరించిన సునీల్ నరైన్ ఇంకా పరుగుల ఖాతా తెరవలేదు.
ఐదు బంతులు ఆడినా ఒక్క పరుగు చేయలేదు.
మరోవైపు సాల్ట్ (20*) మాత్రం దూకుడుతో ఆడుతున్నాడు.
యశ్‌ బౌలింగ్‌లో రెండు ఫోర్లు బాదాడు. 11 పరుగులు వచ్చాయి.
కోల్‌కతా స్కోరు 2 ఓవర్లకు 23/0.

21/04/2024 15:15(IST)

Kolkata Vs Bengaluru: ఇంపాక్ట్‌ ప్లేయర్లు జాబితా ఇదే..

కోల్‌కతా: సుయాశ్‌ శర్మ, అనుకుల్ రాయ్, మనీశ్‌ పాండే, వైభవ్‌ అరోరా, రహ్మానుల్లా గుర్బాజ్

బెంగళూరు: సుయాశ్ ప్రభుదేశాయ్‌, అనుజ్ రావత్, హిమాన్షు శర్మ, విజయ్‌కుమార్ వైశాక్, స్వప్పిల్ సింగ్

21/04/2024 14:31(IST)

నరైన్‌ దిగ్గజం అవుతాడనుకున్నా: గంభీర్‌

వెస్టిండీస్‌ స్పిన్నర్‌ సునీల్‌ నరైన్‌ టీ20ల్లో దిగ్గజ ఆటగాడు అవుతాడని ముందే అనుకున్నానని భారత క్రికెట్‌ మాజీ ఆటగాడు గౌతమ్‌ గంభీర్‌ అన్నాడు. ‘‘2011 వెస్టిండీస్‌ సిరీస్‌లో నరైన్‌ వేసిన ఏడెనిమిది బంతులను ఎదుర్కొన్నాక అతడు కచ్చితంగా గొప్ప బౌలర్‌ అవుతాడని ఊహించా. ముఖ్యంగా టీ20ల్లో దిగ్గజంగా మారతాడని అనుకున్నా. ఇన్నాళ్ల తర్వాత చూస్తే ఐపీఎల్‌ చరిత్రలోనే నరైన్‌ ఉత్తమ బౌలర్‌గా నిలిచాడు’’ అని గౌతి గుర్తు చేసుకున్నాడు. 2011లో భారత్‌పైనే వన్డేల్లో నరైన్‌ అరంగ్రేటం చేశాడు. ఇండోర్‌లో జరిగిన నాలుగో వన్డేలో తొలిసారి నరైన్‌ను గంభీర్‌ ఎదుర్కొన్నాడు. 2012 ఐపీఎల్‌లో కోల్‌కతా తరఫున నరైన్‌ అడుగుపెట్టాడు.

21/04/2024 14:28(IST)

పొట్టి కప్పుకి నేను రెడీ: దినేశ్‌ కార్తీక్‌

ఈ ఐపీఎల్‌ ఆరంభం ముందు వరకు టీ20 ప్రపంచకప్‌లో టీమ్‌ఇండియాకు ప్రాతినిధ్యం వహించే వికెట్‌ కీపర్‌ బ్యాటర్‌ ఎవరంటే.. రిషబ్‌ పంత్‌, ఇషాన్‌ కిషన్‌, జితేశ్‌ శర్మల పేర్లు వినిపించేవి. కానీ ఇప్పుడు వీరితో పాటు దినేశ్‌ కార్తీక్‌ పేరు కూడా గట్టిగా వినిపిస్తోంది. పునరాగమనంలో చక్కటి ప్రదర్శనతో పంత్‌ రేసులో ముందుండగా, అతడితో పాటు కార్తీక్‌ను ప్రత్యామ్నాయ వికెట్‌ కీపర్‌గా ఎంపిక చేయాలన్న డిమాండ్‌ బలపడుతోంది. ఈ సీజన్లో అంతగా రెచ్చిపోయి బ్యాటింగ్‌ చేస్తున్నాడీ బెంగళూరు బ్యాటర్‌. సీజన్‌ ఆరంభంలో చెన్నై, పంజాబ్‌లపై వరుసగా 38, 28 పరుగులతో అజేయంగా నిలిచిన కార్తీక్‌.. ఇటీవల ముంబయిపై 23 బంతుల్లోనే 53, హైదరాబాద్‌పై 35 బంతుల్లోనే 83 పరుగులతో ఆశ్చర్యపరిచాడు. ముఖ్యంగా సన్‌రైజర్‌పై మెరుపు ఇన్నింగ్స్‌ తర్వాత ప్రపంచకప్‌ జట్టులోకి కార్తీక్‌ను ఎంపిక చేయాలన్న అభిప్రాయాలు బలంగా వినిపిస్తున్నాయి.

21/04/2024 14:24(IST)

బెంగళూరుకు ప్లేఆఫ్స్‌ అవకాశాలు ఉన్నాయా..?

ఈ సీజన్‌లో ఇప్పటికే సగం మ్యాచ్‌లు ఆడేసింది ఆర్సీబీ. పంజాబ్‌పై మాత్రమే విజయం సాధించి రెండు పాయింట్లతో ఉన్న ఆ జట్టుకు ప్లేఆఫ్స్‌ అవకాశాలు దాదాపు లేవనే చెప్పాలి. ఈ రేసులో నిలవాలంటే.. మిగతా ఏడు మ్యాచ్‌ల్లో తప్పక గెలవాలి. అదీనూ భారీ రన్‌రేట్‌తో. అప్పుడు 16 పాయింట్లతో ఇతర జట్లతో పోటీపడే అవకాశాలు ఉంటాయి. వచ్చే మ్యాచ్‌ల్లో కోల్‌కతా, హైదరాబాద్‌, చెన్నైలాంటి పెద్ద జట్లతో తలపడాల్సి ఉండటంతో.. ఆ జట్టు ఎలా నెగ్గుకు వస్తుందో చూడాలి మరి. కోహ్లీ, డీకేలతోపాటు ఇతర బ్యాటర్లు రాణించడం.. బౌలింగ్‌లో తగిన మార్పులు చేసుకుంటేనే ఆ జట్టుకు విజయావకాశాలు ఉంటాయి.

2009వ సీజన్‌లో బెంగళూరు ఆడిన తొలి ఐదు మ్యాచ్‌ల్లో నాలుగు ఓడిపోయింది. ఆ తర్వాత ఏడు మ్యాచ్‌ల్లో నెగ్గి ఫైనల్‌ చేరింది. టైటిల్‌ను మాత్రం గెలవలేకపోయింది. ఇప్పుడు కూడా అలాగే పుంజుకోవాలని ఆ జట్టు అభిమానులు ఆశిస్తున్నారు.

21/04/2024 14:23(IST)

బెంగళూరు.. బౌలింగ్‌లో తేలిపోతోంది

ఆర్సీబీకి అతిపెద్ద సమస్య బౌలింగ్ యూనిట్‌. ప్రత్యర్థిని నియంత్రించలేక ఆ జట్టు బౌలర్లు అత్యంత సాధారణంగా కనిపిస్తున్నారు. స్టార్‌ బౌలర్‌గా పేరుతెచ్చుకున్న సిరాజ్‌ పూర్తిగా నిరాశపరిచాడు.. జట్టులో నాణ్యమైన స్పిన్నర్‌ లేకపోవడం ప్రతికూలాంశం. దీంతో బెంగళూరుతో మ్యాచ్‌ అంటే చాలు.. ప్రత్యర్థి బ్యాటర్లు చెలరేగిపోతున్నారు. ఫామ్‌లో లేని బ్యాటర్లు తిరిగి విజృంభించాలంటే ఒక్కసారి ఆర్సీబీతో ఆడితే చాలు అన్న కామెంట్లు వస్తున్నాయంటే.. ఆ జట్టు బౌలింగ్‌ దాడి ఎలా ఉందో అర్థం చేసుకోవచ్చు.

21/04/2024 14:23(IST)

జట్టు నిండా స్టార్‌ బ్యాటర్లే..

పేపర్‌ మీద చూస్తే ఎంతో బలంగా కనిపించే బెంగళూరు జట్టు.. మైదానంలోకి వచ్చేసరికి పూర్తిగా తేలిపోతోంది. సార్ట్‌ బ్యాటర్లు ఉన్నప్పటికీ ఒక్కరంటే ఒక్కరు.. నిలకడైన ఆటతీరును కొనసాగించలేకపోతున్నారు. తమ జట్టులో ‘కేజీఎఫ్‌’ ఉన్నారని గొప్పగా చెప్పుకోవడం తప్పితే.. అందులో కోహ్లీ మినహా మిగతా ఇద్దరు రాణించిందేం లేదు. ఇక మ్యాక్స్‌వెల్‌ గురించి ఎంత తక్కువగా చెబితే అంత మంచిది. గత వన్డే ప్రపంచకప్‌లో చెలరేగిపోయిన ఈ ఆల్‌రౌండర్‌.. ఈ సీజన్‌లో తీవ్రంగా నిరాశపరిచాడు. మూడు సార్లు డకౌట్‌ అయ్యాడు. తన ఆటతీరు కారణంగా మానసిక ఒత్తిడికి గురై ఈ సీజన్‌ నుంచి బ్రేక్‌ తీసుకున్నాడు. ఆరంభంలో కోహ్లీ.. ఫినిషర్‌గా పేరున్న డీకే చివర్లో చెలరేగుతుండటంతో జట్టు పరువు కాస్తయినా దక్కుతోంది.

21/04/2024 14:21(IST)

బెంగళూరు గెలిచేనా?

‘ఈ సాలా కప్‌ నమదే’ అంటూ ప్రతిసారి రావడం.. అభిమానులను తీవ్రంగా నిరాశపర్చడం బెంగళూరుకు అలవాటుగా మారింది. ఈ సీజన్‌లో కొన్ని మ్యాచ్‌ల్లో కనీస పోరాటం చేయలేకపోవడం ఆ జట్టు దయనీయ పరిస్థితికి అద్దం పడుతోంది. ఇప్పటికే ఏడు మ్యాచ్‌లు ఆడి ఆరు ఓటములతో పాయింట్ల పట్టికలో చిట్ట చివర్లో కొనసాగుతున్న ఆ జట్టు.. ప్లేఆఫ్స్‌ చేరుకోవడం దాదాపు కష్టమే. ఇవాళ కోల్‌కతాతో ఈడెన్‌ గార్డెన్స్‌ వేదికగా బెంగళూరు తలపడనుంది. ఈ మ్యాచ్‌లోనైనా విజయం సాధించి.. వరుస ఓటములకు బ్రేక్‌ వేస్తుందా.. చూడాలి.