Breaking | Feedback | ePratibha | E-PAPER | Pratibha

Punjab Vs Delhi: పంజాబ్‌, దిల్లీ మ్యాచ్‌.. లైవ్‌ అప్‌డేట్స్

దిల్లీపై పంజాబ్‌ నాలుగు వికెట్ల తేడాతో విజయం సాధించింది. 175 పరుగుల లక్ష్యాన్ని 19.2 ఓవర్లలో 6 వికెట్లు కోల్పోయి ఛేదించింది.

Updated : 23 Mar 2024 19:23 IST

23/03/2024 19:20(IST)

Punjab Vs Delhi: రాణించిన సామ్‌కరన్‌.. దిల్లీపై పంజాబ్‌ విజయం

దిల్లీపై పంజాబ్‌ నాలుగు వికెట్ల తేడాతో విజయం సాధించింది.
తొలుత బ్యాటింగ్ చేసిన దిల్లీ నిర్ణీత 20 ఓవర్లలో 9 వికెట్ల నష్టానికి 174 పరుగులు చేసింది.
ఈ లక్ష్యాన్ని పంజాబ్‌ 19.2 ఓవర్లలో 6 వికెట్లు కోల్పోయి ఛేదించింది.
సామ్‌ కరన్‌ (63; 47 బంతుల్లో 6 ఫోర్లు, 1 సిక్స్‌) అర్ధ శతకం బాది జట్టు విజయంలో కీలకపాత్ర పోషించాడు.
దిల్లీ బౌలర్లలో కుల్‌దీప్‌ యాదవ్‌ 2, ఖలీల్‌ అహ్మద్‌ 2, ఇషాంత్ శర్మ ఒక వికెట్ పడగొట్టారు.

23/03/2024 19:15(IST)

Punjab Vs Delhi: వరుసగా రెండు వికెట్లు కోల్పోయిన పంజాబ్

విజయానికి చేరువైన పంజాబ్ వరుసగా రెండు వికెట్లు కోల్పోయింది.
ఖలీల్ అహ్మద్‌ వేసిన 19 ఓవర్‌లో మూడో బంతికి సామ్ కరన్‌ (63), తర్వాతి బాల్‌కు శశాంక్‌ సింగ్ (0) ఔటయ్యారు.
19 ఓవర్లకు స్కోరు 169/6. హర్‌ప్రీత్‌ బ్రార్‌ (2), లివింగ్‌స్టోన్‌ (32) క్రీజులో ఉన్నారు.

23/03/2024 19:06(IST)

Punjab Vs Delhi: వరుసగా రెండు ఫోర్లు బాదిన లివింగ్‌స్టోన్‌

ఖలీల్ అహ్మద్‌ వేసిన 17 ఓవర్‌లో 11 పరుగులు వచ్చాయి.
నాలుగు, ఐదు బంతులకు లివింగ్‌స్టోన్‌ (24) బౌండరీలు బాదాడు.
17 ఓవర్లకు స్కోరు 147/4. సామ్‌ కరన్‌ (51), లివింగ్‌స్టోన్ (24) పరుగులతో ఉన్నాడు.

23/03/2024 18:50(IST)

Punjab Vs Delhi: నెమ్మదిగా ఆడుతున్న పంజాబ్‌.. పెరిగిపోతున్న రన్‌రేట్

ఓవర్లు ముగుస్తున్నా పంజాబ్‌ బ్యాటర్లు నెమ్మదిగా ఆడుతున్నారు.
దీంతో సాధించాల్సిన రన్‌రేట్ పెరిగిపోతోంది.
గత రెండు ఓవర్లలో ఆ జట్టు బ్యాటర్లు తొమ్మిది పరుగులే రాబట్టారు.
14 ఓవర్లకు స్కోరు 112/4. సామ్‌ కరన్‌ (35), లివింగ్‌స్టోన్‌ (6) పరుగులతో ఉన్నారు.

23/03/2024 18:42(IST)

Punjab Vs Delhi: తడబడుతున్న పంజాబ్‌.. నాలుగో వికెట్ డౌన్‌

175 పరుగుల లక్ష్యఛేదనలో పంజాబ్‌ తడబడుతోంది.
ఆ జట్టు నాలుగో వికెట్ కోల్పోయింది. జితేశ్ శర్మ (9) ఔటయ్యాడు.
కుల్‌దీప్‌ వేసిన 12 ఓవర్‌లో మూడో బంతికి స్టంపౌటయ్యాడు.
12 ఓవర్లకు స్కోరు 103/4. లివింగ్‌ స్టోన్‌ (2), సామ్‌ కరన్‌ (30) పరుగులతో ఉన్నారు.

23/03/2024 18:26(IST)

Punjab Vs Delhi: ప్రభ్‌సిమ్రన్‌ (26) ఔట్.. పంజాబ్‌ మూడో వికెట్

పంజాబ్‌ మూడో వికెట్ కోల్పోయింది. ప్రభ్‌సిమ్రన్ సింగ్ (26; 17 బంతుల్లో) ఔటయ్యాడు.
కుల్‌దీప్‌ యాదవ్ వేసిన 9.2 ఓవర్‌కు భారీ షాట్ ఆడి లాంగాన్‌లో వార్నర్‌కు చిక్కాడు.
10 ఓవర్లకు స్కోరు 87/3. జితేశ్ శర్మ (2), సామ్ కరన్‌ (23) పరుగులతో ఉన్నారు.

23/03/2024 18:15(IST)

Punjab Vs Delhi: నిలకడగా ఆడుతున్న పంజాబ్‌ బ్యాటర్లు

175 పరుగుల లక్ష్యఛేదనలో పంజాబ్‌ బ్యాటర్లు నిలకడగా ఆడుతున్నారు.
అక్షర్ పటేల్ వేసిన ఏడో ఓవర్‌లో 7 పరుగులు వచ్చాయి.
7 ఓవర్లకు స్కోరు 67/2. సామ్‌ కరన్‌ (14), ప్రభ్‌సిమ్రన్‌ సింగ్ (18) పరుగులతో ఉన్నాడు.

23/03/2024 18:08(IST)

Punjab Vs Delhi: దిల్లీకి బ్యాడ్ న్యూస్.. గాయపడిన ఫాస్ట్‌బౌలర్‌

దిల్లీ పేసర్‌ ఇషాంత్ శర్మ ఫీల్డింగ్‌ చేస్తూ గాయపడ్డాడు.
మిచెల్ మార్ష్‌ వేసిన ఆరో ఓవర్‌లో మూడో బంతిని ఆపబోయి కాలుజారి కిందపడ్డాడు. ప్రస్తుతం అతడు మైదానాన్ని వీడాడు.
మార్ష్‌ వేసిన ఆరో ఓవర్‌లో ఏడు పరుగులు వచ్చాయి.
పవర్‌ ప్లే ముగిసేసరికి పంజాబ్‌ స్కోరు 60/2.
సామ్‌ కరన్ (9), ప్రభ్‌సిమ్రన్‌ సింగ్ (17) పరుగులతో ఉన్నారు.

23/03/2024 18:01(IST)

Punjab Vs Delhi: దూకుడుగా ఆడుతున్న ప్రభ్‌సిమ్రన్‌ సింగ్

ప్రభ్‌సిమ్రన్‌ సింగ్ దూకుడుగా ఆడుతున్నాడు.
ఖలీల్‌ అహ్మద్‌ వేసిన ఐదో ఓవర్‌లో చివరి రెండు బంతులను బౌండరీకి పంపాడు.
5 ఓవర్లకు స్కోరు 53/2. సామ్‌ కరన్‌ (2), ప్రభ్‌సిమ్రన్ సింగ్ (16) పరుగులతో ఉన్నారు.

23/03/2024 17:58(IST)

Punjab Vs Delhi: పంజాబ్‌కు మరో షాక్‌.. బెయిర్‌ స్టో ఔట్

పంజాబ్‌ ఒకే ఓవర్‌లో రెండో వికెట్ కోల్పోయింది.
ధావన్‌ ఔటైన తర్వాత క్రీజులోకి వచ్చిన ప్రభ్‌సిమ్రన్‌ సింగ్ (8) ఎదుర్కొన్న తొలి రెండు బంతులకు బౌండరీలు బాదాడు.
మూడో బంతికి అవతలిలో ఎండ్‌లో ఉన్న బెయిర్‌ స్టో (9) రనౌటయ్యాడు.
మూడో బంతిని ప్రభ్‌సిమ్రన్‌ నేరుగా ఆడగా బాల్‌ బౌలర్‌ ఇషాంత్‌ శర్మ చేతికి తగిలి వికెట్లను తాకింది.
4 ఓవర్లకు స్కోరు 42/2. ప్రభ్‌సిమ్రన్ (8), సామ్‌ కరన్ (0) క్రీజులో ఉన్నారు.

23/03/2024 17:45(IST)

Punjab Vs Delhi: నిలకడగా ఆడుతున్న పంజాబ్‌ ఓపెనర్లు

పంజాబ్ ఓపెనర్లు నిలకడగా ఆడుతున్నారు.
ఇషాంత్‌ శర్మ వేసిన రెండో ఓవర్‌లో ఎనిమిది పరుగులు రాగా.. ఇందులో మూడు వైడ్లు ఉన్నాయి.
2 ఓవర్లకు స్కోరు 25/0. బెయిర్‌ స్టో (8), ధావన్ (14) పరుగులతో ఉన్నారు.

23/03/2024 17:38(IST)

Punjab Vs Delhi: తొలి ఓవర్‌లోనే దంచికొట్టిన పంజాబ్‌ ఓపెనర్లు

175 పరుగుల లక్ష్యఛేదనలో పంజాబ్‌కు అదిరే ఆరంభం.
ఖలీల్‌ అహ్మద్‌ వేసిన తొలి ఓవర్‌లో పంజాబ్‌ ఓపెనర్లు 17 పరుగులు రాబట్టారు.
శిఖర్ ధావన్‌ (9), బెయిర్‌ స్టో (8) రెండేసి బౌండరీలు బాదారు.

23/03/2024 17:16(IST)

Punjab Vs Delhi: చివర్లో చెలరేగిన అభిషేక్‌ పొరెల్.. పంజాబ్‌ టార్గెట్ 175

పంజాబ్‌తో జరుగుతున్న మ్యాచ్‌లో దిల్లీ పోరాడే స్కోరు సాధించింది.
నిర్ణీత 20 ఓవర్లలో 9 వికెట్ల నష్టానికి 174 పరుగులు చేసింది.
ఇన్నింగ్స్‌ చివరి ఓవర్‌లో అభిషేక్ పొరెల్ (32; 10 బంతుల్లో) చెలరేగి ఆడాడు. అతడు వరుసగా 4,6,4,4,6 బాదాడు.
ఓపెనర్లు డేవిడ్ వార్నర్‌ (29), మిచెల్ మార్ష్ (20) శుభారంభం అందించారు.
వన్‌డౌన్‌ బ్యాటర్ షై హోప్‌ (33) రాణించాడు. 15 నెలల తర్వాత బ్యాట్ పట్టిన రిషభ్‌ పంత్‌ (18) పరుగులు చేశాడు.
పంజాబ్‌ బౌలర్లలో అర్ష్‌దీప్ సింగ్ 2, హర్షల్‌ పటేల్ 2, రబాడ, హర్‌ప్రీత్‌ బ్రార్‌, రాహుల్ చాహర్‌ ఒక్కో వికెట్ పడగొట్టారు.

23/03/2024 17:06(IST)

Punjab Vs Delhi: ఎనిమిదో వికెట్ కోల్పోయిన దిల్లీ

దిల్లీ ఎనిమిదో వికెట్ కోల్పోయింది. సుమిత్ (2) ఔటయ్యాడు.
అతడు అర్ష్‌దీప్‌ వేసిన 18.3 ఓవర్‌కు వికెట్‌కీపర్‌ జితేశ్ శర్మకు చిక్కాడు.
19 ఓవర్లకు స్కోరు 149/8. కుల్‌దీప్‌ యాదవ్ (1), అభిషేక్ పొరెల్ (7) పరుగులతో ఉన్నారు.

23/03/2024 16:57(IST)

Punjab Vs Delhi: రనౌటైపోయిన అక్షర్‌ పటేల్.. దిల్లీ ఏడో వికెట్

దిల్లీ కష్టాలు మరింత ఎక్కువయ్యాయి. నిలకడగా ఆడుతున్న అక్షర్‌ పటేల్ (21) కూడా ఔటయ్యాడు.
హర్షల్‌ పటేల్ వేసిన 18 ఓవర్‌లో తొలి బంతికి రెండో పరుగు కోసం యత్నించి రనౌటయ్యాడు.
ఇంపాక్ట్ ప్లేయర్‌గా క్రీజులోకి వచ్చిన అభిషేక్ పొరెల్ చివరి బంతికి ఫోర్‌ బాదాడు.
18 ఓవర్లకు స్కోరు 146/7. సుమిత్ (2), అభిషేక్ (6) పరుగులతో ఉన్నారు.

23/03/2024 16:46(IST)

Punjab Vs Delhi: కొనసాగుతున్న దిల్లీ వికెట్ల పతనం

దిల్లీ వికెట్ల పతనం కొనసాగుతూనే ఉంది.
రాహుల్ చాహర్‌ వేసిన 15.4 ఓవర్‌కు స్టబ్స్‌ (5) శశాంక్‌ సింగ్‌కు క్యాచ్ ఇచ్చాడు.
దీంతో 128 పరుగుల వద్ద దిల్లీ ఆరో వికెట్ కోల్పోయింది.
16 ఓవర్లకు స్కోరు 128/6. సుమిత్ కుమార్‌ (0), అక్షర్ పటేల్ (12) పరుగులతో ఉన్నారు.

23/03/2024 16:36(IST)

Punjab Vs Delhi: వరుసగా వికెట్లు కోల్పోతున్న దిల్లీ

దిల్లీ క్యాపిటల్స్‌ వరుసగా వికెట్లు కోల్పోతోంది. రికీ భుయ్‌ (3) ఔటయ్యాడు.
హర్‌ప్రీత్‌ బ్రార్‌ వేసిన 14 ఓవర్‌లో రెండో బంతికి వికెట్ కీపర్‌ జితేశ్ శర్మకు క్యాచ్‌ ఇచ్చాడు.
14 ఓవర్లకు స్కోరు 117/5. అక్షర్ పటేల్ (5), ట్రిస్టన్‌ స్టబ్స్‌ (1) పరుగులతో ఉన్నారు.

23/03/2024 16:33(IST)

Punjab Vs Delhi: ప్చ్.. పంత్ ఔటయ్యాడు

భారీ ఇన్నింగ్స్‌ ఆడతాడనుకున్న రిషభ్‌ పంత్ (18; 13 బంతుల్లో) తక్కువ స్కోరుకే వెనుదిరిగాడు.
హర్షల్‌ పటేల్ వేసిన 12.4 ఓవర్‌కు (షార్ట్‌బాల్‌) బ్యాక్‌వర్డ్ పాయింట్‌లో బెయిర్‌స్టోకు చిక్కాడు.
దీంతో దిల్లీ నాలుగో వికెట్ కోల్పోయింది. 13 ఓవర్లకు స్కోరు 111/4. రికీ భుయ్‌ (3), ట్రిస్టన్‌ స్టబ్స్‌ (0) క్రీజులో ఉన్నారు.

23/03/2024 16:27(IST)

Punjab Vs Delhi: ఈ ఐపీఎల్‌లో మొదటి బౌండరీ బాదిన రిషభ్ పంత్

ఈ ఐపీఎల్‌లో రిషభ్ పంత్‌ మొదటి బౌండరీ బాదాడు.
రాహుల్ చాహర్‌ వేసిన 12 ఓవర్‌లో రెండో బంతిని బౌండరీకి పంపాడు.
12 ఓవర్లకు స్కోరు 103/3. పంత్‌ (10), రికీ భుయ్ (3) పరుగులతో ఉన్నాడు.

23/03/2024 16:23(IST)

Punjab Vs Delhi: హోప్‌ (33) ఔట్.. దిల్లీ మూడో వికెట్

దిల్లీ మూడో వికెట్ కోల్పోయింది. షై హోప్‌ (33) ఔటయ్యాడు.
రబాడ వేసిన 11 ఓవర్‌లో మూడో బంతికి సిక్స్‌ బాదిన నాలుగో బంతికి హర్‌ప్రీత్‌ బ్రార్‌కు చిక్కాడు.
11 ఓవర్లకు స్కోరు 95/3. రికీ భుయ్‌ (1), రిషభ్ పంత్‌ (4) క్రీజులో ఉన్నారు.

23/03/2024 16:19(IST)

Punjab Vs Delhi: సగం ఓవర్లు పూర్తి.. నిలకడగా దిల్లీ బ్యాటింగ్

పంజాబ్‌తో జరుగుతున్న మ్యాచ్‌లో దిల్లీ బ్యాటర్లు నిలకడగా ఆడుతున్నారు.
రబాడ వేసిన 10 ఓవర్‌లో ఏడు పరుగులు వచ్చాయి.
10 ఓవర్లకు స్కోరు 86/2. హోప్‌ (26), రిషభ్‌ పంత్ (3) పరుగులతో ఉన్నారు.

23/03/2024 16:13(IST)

Punjab Vs Delhi: నిలకడగా ఆడుతున్న రిషభ్ పంత్

రోడ్డు ప్రమాదంలో గాయపడి కోలుకున్న తర్వాత తొలి మ్యాచ్‌ ఆడుతున్న రిషభ్‌ పంత్‌ క్రీజులోకి స్వేచ్ఛగా కదులుతున్నాడు.
ఈ ఓవర్‌లో మూడు బంతులు ఎదుర్కొని రెండు సింగిల్స్‌ తీశాడు.
9 ఓవర్లకు స్కోరు 79/2. పంత్ (2), హోప్ (20) పరుగులతో ఉన్నారు.

23/03/2024 16:08(IST)

Punjab Vs Delhi: వార్నర్‌ (29) ఔట్.. క్రీజులోకి వచ్చిన పంత్

డేవిడ్ వార్నర్‌ (29) ఔటయ్యాడు. హర్షల్ పటేల్ వేసిన ఎనిమిదో ఓవర్‌లో చివరి బంతికి వికెట్ కీపర్‌ జితేశ్‌కు చిక్కాడు.
తొలుత అంపైర్‌ నాటౌట్‌గా ప్రకటించిన పంజాబ్ డీఆర్‌ఎస్‌కు వెళ్లి ఫలితం రాబట్టింది. 8 ఓవర్లకు స్కోరు 74/2. హోప్‌ (17) పరుగులతో ఉన్నాడు.
రిషభ్ పంత్ క్రీజులోకి వచ్చాడు. 15 నెలల తర్వాత మళ్లీ బ్యాట్‌ పట్టిన అతడు రాణించాలని ఫ్యాన్స్‌ కోరుకుంటున్నారు.

23/03/2024 15:56(IST)

Punjab Vs Delhi: దూకుడుగా ఆడుతున్న డేవిడ్ వార్నర్‌

దిల్లీ ఓపెనర్‌ డేవిడ్ వార్నర్‌ దూకుడుగా ఆడుతున్నాడు.
రబాడ వేసిన ఐదో ఓవర్‌లో నాలుగో బంతికి ఫోర్, ఐదో బంతికి సిక్స్‌ బాదాడు.
5 ఓవర్లకు స్కోరు 51/1. వార్నర్‌ (21), హోప్ (2) పరుగులతో ఉన్నారు.

23/03/2024 15:48(IST)

Punjab Vs Delhi: మార్ష్‌ (20) ఔట్.. దిల్లీ ఫస్ట్ వికెట్ డౌన్

దిల్లీ మొదటి వికెట్ కోల్పోయింది. మిచెల్ మార్ష్‌ (20; 12 బంతులలో) ఔటయ్యాడు.
అర్ష్‌దీప్ వేసిన 3.2 ఓవర్‌కు కవర్‌ పాయింట్‌లో రాహుల్‌ చాహర్‌కు చిక్కాడు.
4 ఓవర్లకు స్కోరు 40/1. షై హోప్‌ (1), వార్నర్‌ (21) పరుగులతో ఉన్నారు.

23/03/2024 15:46(IST)

Punjab Vs Delhi: దూకుడుగా ఆడుతున్న దిల్లీ బ్యాటర్లు

దిల్లీ ఓపెనర్లు దూకుడుగా ఆడుతున్నారు.
రబాడ వేసిన మూడో ఓవర్‌లో 12 పరుగులు వచ్చాయి.
తొలి బంతికి మిచెల్ మార్ష్‌ (14) సిక్స్‌ బాదాడు.
3 ఓవర్లకు స్కోరు 33-0. వార్నర్‌ (11) పరుగులతో ఉన్నాడు.

23/03/2024 15:40(IST)

Punjab Vs Delhi: వార్నర్‌ దూకుడు.. వరుసగా సిక్స్‌, ఫోర్‌

ఓపెనర్‌ వార్నర్ దూకుడుగా ఆడుతున్నాడు.
అర్ష్‌దీప్‌ సింగ్‌ వేసిన మూడు, నాలుగు బంతులకు వరుసగా సిక్సర్‌, ఫోర్‌ బాదాడు.
ఈ ఓవర్లో మొత్తం 11 పరుగులు వచ్చాయి.
వార్నర్‌ (11), మార్ష్‌ (8) కొనసాగుతున్నారు.

23/03/2024 15:28(IST)

ఇంపాక్ట్‌ ప్లేయర్స్‌ వీళ్లే..

దిల్లీ: అభిషేక్‌ పోరెల్‌, ముకేశ్‌ కుమార్‌, జేక్‌ ప్రాజర్‌, వికీ ఓట్స్‌వల్‌, ప్రవీన్‌ దుబే
పంజాబ్‌: రొసోవ్‌, ప్రభ్‌సిమ్రన్‌ సింగ్‌, తనయ్‌ త్యాగరాజన్‌, హర్‌ప్రీత్‌ సింగ్‌ భాటియా, విధ్వత్‌ కవెరప్ప

23/03/2024 15:03(IST)

Punjab Vs Delhi: దిల్లీతో మ్యాచ్‌.. టాస్‌ నెగ్గిన పంజాబ్

దిల్లీతో మ్యాచ్‌లో పంజాబ్‌ టాస్‌ నెగ్గింది. కెప్టెన్ శిఖర్ ధావన్‌ బౌలింగ్‌ ఎంచుకున్నాడు. ‘‘కొత్త పిచ్‌ కావడంతో ఎలా స్పందిస్తుందో తెలియదు. కొత్త వ్యూహాలతో వచ్చాం. మా జట్టులో కొన్ని మార్పులు ఉన్నాయి. అయితే, ప్రాక్టీస్‌ మ్యాచ్‌ ఆడాం కాబట్టి కాస్త అవగాహన ఉంది’’ అని ధావన్‌ వెల్లడించాడు.

23/03/2024 14:14(IST)

విజేతగా నిలిచేందుకు దిల్లీకి ఛాన్సుంది.. కానీ

ఐపీఎల్ ఆరంభం నుంచి దిల్లీ ప్రదర్శన పర్వాలేదనే చెప్పాలి. 16 సీజన్లలో ఆరుసార్లు సెమీస్/ప్లేఆఫ్స్ చేరింది. 2020లో ఒక్కసారి మాత్రమే ఫైనల్ ఆడింది. కానీ కప్పు గెలవలేకపోయింది. మొదట దిల్లీ డేర్ డెవిల్స్‌గా ఉన్న ఆ జట్టు 2018లో దిల్లీ క్యాపిటల్స్‌గా మారింది. అప్పుడే జట్టు స్వరూపం కూడా చాలా వరకు మారింది. 2020లో శ్రేయస్ అయ్యర్ జట్టును ఫైనల్ తీసుకెళ్లాడు. కానీ కప్పు అందించలేకపోయాడు. తర్వాతి సీజన్‌కు అతను పూర్తి స్థాయిలో అందుబాటులో లేకపోవడంతో పంత్ కెప్టెన్ అయ్యాడు. అతడి సారథ్యంలో ప్లేఆఫ్స్ చేరుకుంది కానీ.. అంతకుమించి ముందంజ వేయలేకపోయింది. 2022లో లీగ్ దశ దాటలేదు. నిరుడు రోడ్డు ప్రమాదం కారణంగా పంత్ ఐపీఎల్ ఆడలేదు. వార్నర్ తాత్కాలిక కెప్టెన్‌గా వ్యవహరించాడు. కానీ జట్టు లీగ్ దశలోనే నిష్క్రమించింది. ఈ ఏడాది పంత్ పునరాగమనం చేస్తున్నాడు. అతడితో పాటు డేవిడ్ వార్నర్, పృథ్వీ షా, మిచెల్ మార్ష్‌లతో దిల్లీ బ్యాటింగ్ మెరుగ్గా కనిపిస్తోంది. ఆస్ట్రేలియా పేసర్ జే రిచర్డ్‌సన్‌కు తోడు అక్షర్ పటేల్, కుల్‌దీప్ యాదవ్, ఖలీల్ అహ్మద్‌లతో బౌలింగ్ పర్వాలేదనిపిస్తోంది. దిల్లీ జట్టును తీసిపడేయలేం. అలా అని మరీ గొప్పగానూ కనిపించడం లేదు. సమష్టిగా ఆడడం ఆ జట్టు బలం. అలాగే ఆడి అన్నీ కలిసి వస్తే ఛాంపియన్ కాగలదు. చూద్దాం ఏమవుతుందో?

23/03/2024 14:13(IST)

టైటిల్‌ నెగ్గాలంటే.. పంజాబ్‌.. అద్భుతం జరగాలి

ఐపీఎల్‌లో ఆట పరంగా, ఆకర్షణ పరంగా దిగువన ఉండే జట్టు పంజాబ్. ఒకప్పుడు కింగ్స్ ఎలెవన్ పంజాబ్‌గా ఉన్న ఆ జట్టు.. దిల్లీ తరహాలోనే పేరు మార్చుకుంది. కానీ అదేమీ పెద్దగా కలిసి రాలేదు. ఇన్నేళ్లలో పంజాబ్ ఒక్కసారి మాత్రమే ఫైనల్ ఆడింది. 2014లో జార్జ్ బెయిలీ ఆ జట్టును ఫైనల్ చేర్చాడు. గ్లెన్ మ్యాక్స్‌వెల్ ఆ సీజన్లలో మెరుపులు మెరిపించి జట్టు ఫైనల్ చేరడంలో కీలక పాత్ర పోషించాడు. కానీ ఫైనల్లో నిరాశ తప్పలేదు. ఆ తర్వాత తొమ్మిది సీజన్లలో ఒక్కటంటే ఒక్కసారి కూడా గ్రూప్ దశ దాటలేదు పంజాబ్. ఈ తొమ్మిదేళ్లలో చాలామంది కెప్టెన్లు మారారు. జట్టులో ఎన్నో మార్పులు జరిగాయి. అలాగే పేరూ మారింది. కానీ ఫలితం మాత్రం మారలేదు. ప్రస్తుతం ఆ జట్టు శిఖర్ ధావన్ నేతృత్వంలో ఆడుతోంది. ఆ జట్టు ప్రధానంగా విదేశీ ఆల్‌రౌండర్లను నమ్ముకుంది. కొన్నేళ్లుగా పంజాబ్‌కు ఆడుతున్న లివింగ్‌స్టన్‌కు తోడు సామ్ కరన్, సికందర్ రజా, క్రిస్ వోక్స్ ఆ జట్టు ఆల్‌రౌండ్ బలాన్ని పెంచుతున్నారు. వీరికి తోడు రబాడ, అర్ష్‌దీప్, ఎలిస్‌లతో పేస్ బౌలింగ్ కూడా బాగుంది. కానీ చాలా ఏళ్ల నుంచి పంజాబ్ సమస్య ఏంటంటే.. జట్టుతత్వం కొరవడడం, సమష్టిగా రాణించలేకపోవడం. పదే పదే కెప్టెన్లను మార్చడం కూడా ఆ జట్టుకు సమస్యగా మారింది. ప్రస్తుత కెప్టెన్ ధావన్ కూడా కెరీర్ చరమాంకంలో ఉన్నాడు. మరి అతడి సారథ్యంలో పంజాబ్ పుంజుకుని.. మిగతా జట్ల పోటీని తట్టుకుని కప్పు గెలవాలంటే అద్భుతమే జరగాలి. కానీ ఎప్పుడూ ఎవరి అవకాశాలనూ కొట్టిపారేయలేం కాబట్టి పంజాబ్ అద్భుతమే చేసి కప్పు గెలుస్తుందేమో చూడాలి.

App

Punjab Vs Delhi: పంజాబ్‌, దిల్లీ మ్యాచ్‌.. లైవ్‌ అప్‌డేట్స్

తాజా వార్తలు (Latest News)

తాత, నానమ్మల పెళ్లంట.. మనవలే పెద్దలంట!

అరగంట కరెంట్‌ కట్‌.. కీసర డీఈపై సస్పెన్షన్‌ వేటు

‘దేవర’లో కీలక పాత్ర.. అల్లరి నరేశ్‌ ఏమన్నారంటే?

తెదేపా ఎన్నికల ప్రచార రథంపై వైకాపా మూకల రాళ్ల దాడి

నేనెందుకు సమాధానం చెప్పాలి?: వరలక్ష్మీ శరత్‌కుమార్‌

అతిపెద్ద ఎయిర్‌పోర్టు.. 400 గేట్లు.. రూ.2.9 లక్షల కోట్ల ఖర్చు!

సుఖీభవ

చదువు