Breaking | Feedback | ePratibha | E-PAPER | Pratibha

Rajasthan vs Lucknow: రాజస్థాన్ X లఖ్‌నవూ మ్యాచ్‌ లైవ్‌ అప్‌డేట్స్‌..

లఖ్‌నవూతో జరుగుతున్న మ్యాచ్‌లో రాజస్థాన్‌ భారీ స్కోరు సాధించింది. నిర్ణీత 20 ఓవర్లలో 4 వికెట్ల నష్టానికి 193 పరుగులు చేసింది. మ్యాచ్‌ లైవ్‌ అప్‌డేట్స్‌ మీకోసం..

Updated : 24 Mar 2024 18:03 IST

24/03/2024 19:24(IST)

Rajasthan vs Lucknow: లఖ్‌నవూపై రాజస్థాన్‌ విజయం..

లఖ్‌నవూతో జరిగిన మ్యాచ్‌లో రాజస్థాన్‌ 20 పరుగుల తేడాతో విజయం సాధించింది.
తొలుత బ్యాటింగ్ చేసిన రాజస్థాన్‌ నిర్ణీత 20 ఓవర్లలో 4 వికెట్ల నష్టానికి 193 పరుగులు చేసింది.
194 పరుగుల భారీ లక్ష్యఛేదనలో లఖ్‌నవూ 20 ఓవర్లలో 6 వికెట్ల నష్టానికి 173 పరుగులు చేసింది.
లఖ్‌నవూ బ్యాటర్లలో నికోలస్ పూరన్‌ (64*), కేఎల్ రాహుల్ (58) అర్ధ శతకాలు బాదినా జట్టును గెలిపించలేకపోయారు.
రాజస్థాన్‌ బౌలర్లలో ట్రెంట్ బౌల్ట్ 2, నంద్రీ బర్గర్, అశ్విన్‌, చాహల్, సందీప్ శర్మ ఒక్కో వికెట్ పడగొట్టారు.

24/03/2024 19:11(IST)

Rajasthan vs Lucknow: 30 బంతుల్లో నికోలస్‌ పూరన్ అర్ధ శతకం

నికోలస్ పూరన్ 30 బంతుల్లో అర్ధ శతకం పూర్తి చేసుకున్నాడు.
సందీప్‌ శర్మ వేసిన 17 ఓవర్‌లో చివరి బంతికి బౌండరీ బాది హాఫ్‌ సెంచరీ అందుకున్నాడు.
17 ఓవర్లకు స్కోరు 152/5. స్టాయినిస్‌ (20, పూరన్ (51) క్రీజులో ఉన్నారు.

24/03/2024 19:04(IST)

Rajasthan vs Lucknow: ఉత్కంఠగా మారుతున్న మ్యాచ్‌.. క్రీజులో రాహుల్, పూరన్

లఖ్‌నవూ, రాజస్థాన్‌ మ్యాచ్‌ ఉత్కంఠగా మారుతోంది.
చాహల్ వేసిన 16 ఓవర్‌లో లఖ్‌నవూ 11 పరుగులు రాబట్టింది.
రెండో బంతికి పూరన్ (46) సిక్స్ బాది అర్ధ శతకానికి చేరువయ్యాడు.
16 ఓవర్లకు స్కోరు 145/4. రాహుల్ (58) పరుగులతో ఉన్నాడు.
లఖ్‌నవూ విజయానికి 24 బంతుల్లో 49 పరుగులు అవసరం.

24/03/2024 18:52(IST)

Rajasthan vs Lucknow: అర్ధ శతకం పూర్తి చేసుకున్న కేఎల్ రాహుల్

అశ్విన్‌ వేసిన 14 ఓవర్‌లో ఏడు పరుగులు వచ్చాయి.
ఈ క్రమంలోనే లఖ్‌నవూ కెప్టెన్ కేఎల్ రాహుల్ 35 బంతుల్లో అర్ధ శతకం పూర్తి చేసుకున్నాడు.
14 ఓవర్లకు స్కోరు 129/4. నికోలస్ పూరన్ (35), రాహుల్ (53) పరుగులతో ఉన్నారు.

24/03/2024 18:47(IST)

Rajasthan vs Lucknow: బాదుడు మొదలెట్టిన నికోలస్‌ పూరన్‌

నికోలస్ పూరన్‌ కూడా జోరు పెంచాడు.
ట్రెంట్‌ బౌల్ట్ వేసిన 13 ఓవర్‌లో వరుసగా 6,4,6 బాదేశాడు.
ఈ ఓవర్‌లో మొత్తం 20 రన్స్‌ వచ్చాయి.
13 ఓవర్లకు స్కోరు 122/4. రాహుల్ (47), పూరన్‌ (34) పరుగులతో ఉన్నారు.

24/03/2024 18:43(IST)

Rajasthan vs Lucknow: అర్ధ శతకానికి చేరువగా రాహుల్.. 100 దాటిన లఖ్‌నవూ స్కోరు

అశ్విన్‌ వేసిన 12 ఓవర్‌లో 9 పరుగులు వచ్చాయి.
నాలుగో బంతికి కేఎల్ రాహుల్ (46) ఫోర్ బాది అర్ధ శతకానికి చేరువయ్యాడు.
12 ఓవర్లకు స్కోరు 102/4. నికోలస్‌ పూరన్ (15) పరుగులతో ఉన్నారు.

24/03/2024 18:38(IST)

Rajasthan vs Lucknow: గేర్లు మారుస్తున్న కేఎల్ రాహుల్.. వరుసగా 6,4,4

కేఎల్ రాహుల్ గేర్లు మార్చి ఆడుతున్నాడు.
నంద్రీ బర్గర్ వేసిన 11 ఓవర్‌లో చివరి మూడు బంతులకు వరుసగా 6,4,4 బాదాడు.
11 ఓవర్లకు స్కోరు 93/4. కేఎల్ రాహుల్ (40), నికోలస్ పూరన్ (12) పరుగులతో ఉన్నారు.

24/03/2024 18:32(IST)

Rajasthan vs Lucknow: సగం ఓవర్లు పూర్తి.. లఖ్‌నవూ స్కోరెంతంటే?

194 పరుగుల భారీ లక్ష్యఛేదనలో లఖ్‌నవూ తడబడుతోంది.
అవేశ్‌ ఖాన్‌ వేసిన తొమ్మిదో ఓవర్‌లో 5, చాహల్ వేసిన తర్వాతి ఓవర్‌లో 10 పరుగులు వచ్చాయి.
10 ఓవర్లు ముగిసేసరికి నాలుగు వికెట్ల నష్టానికి 76 పరుగులు చేసింది.
నికోలస్‌ పూరన్‌ (10), కేఎల్ రాహుల్ (25) పరుగులతో ఉన్నారు.
లఖ్‌నవూ విజయానికి 60 బంతుల్లో 118 పరుగులు అవసరం.

24/03/2024 18:22(IST)

Rajasthan vs Lucknow: దీపక్‌ హుడాను బోల్తా కొట్టించిన చాహల్

సాఫీగా సాగిపోతున్న లఖ్‌నవూ ఇన్నింగ్స్‌కు మళ్లీ బ్రేక్‌ పడింది.
దూకుడుగా ఆడుతున్న దీపక్‌ హుడా (26) ఔటయ్యాడు.
యుజువేంద్ర చాహల్ వేసిన ఎనిమిదో ఓవర్‌లో మూడో బంతికి ధ్రువ్‌ జురెల్‌కు క్యాచ్‌ ఇచ్చాడు.
8 ఓవర్లకు స్కోరు 61/4. నికోలస్‌ పూరన్‌ (0), కేఎల్ రాహుల్ (20) క్రీజులో ఉన్నారు.

24/03/2024 18:16(IST)

Rajasthan vs Lucknow: దూకుడుగా ఆడుతున్న దీపక్‌ హుడా

ఇంపాక్ట్ ప్లేయర్‌గా వచ్చిన దీపక్‌ హుడా దూకుడుగా ఆడుతున్నాడు.
అవేశ్ ఖాన్‌ వేసిన ఏడో ఓవర్‌లో 10 పరుగులు రాగా.. మూడో బంతికి దీపక్‌ హుడా (26) సిక్స్‌ బాదాడు.
7 ఓవర్లకు స్కోరు 57/3. కేఎల్ రాహుల్ (17) పరుగులతో ఉన్నారు.

24/03/2024 18:11(IST)

Rajasthan vs Lucknow: లఖ్‌నవూను ఆదుకుంటున్న రాహుల్, దీపక్‌ హుడా

11 పరుగులకే 3 వికెట్లు కోల్పోయిన లఖ్‌నవూను కేఎల్ రాహుల్, దీపక్ హుడా ఆదుకుంటున్నారు.
అశ్విన్‌ వేసిన ఆరో ఓవర్‌లో 15 పరుగులు రాగా.. రాహుల్ (15) సిక్సర్ బాదాడు.
6 ఓవర్లకు స్కోరు 47/3. దీపక్‌ హుడా (18) పరుగులతో ఉన్నారు.

24/03/2024 17:58(IST)

Rajasthan vs Lucknow: 11 పరుగులకే 3 వికెట్లు.. పీకల్లోతు కష్టాల్లో లఖ్‌నవూ

లఖ్‌నవూకు వరుస షాక్‌లు తగులుతున్నాయి.
నంద్రీ బర్గర్‌ వేసిన నాలుగో ఓవర్‌లో మొదటి బంతికి ఆయుష్ బదోని (1) ఔటయ్యాడు.
దీంతో 11 పరుగులకే ఆ జట్టు మూడో వికెట్ కోల్పోయి పీకల్లోతు కష్టాల్లో పడింది.
ఇంపాక్ట్ ప్లేయర్‌గా వచ్చిన దీపక్ హుడా (11) వరుసగా సిక్స్‌, ఫోర్ బాదాడు.
4 ఓవర్లకు స్కోరు 22/3. కేఎల్ రాహుల్ (2) పరుగులతో ఉన్నాడు.

24/03/2024 17:52(IST)

Rajasthan vs Lucknow: లఖ్‌నవూకు మరో షాక్‌.. పడిక్కల్ క్లీన్‌బౌల్డ్

లఖ్‌నవూకు మరో షాక్ తగిలింది. దేవదత్‌ పడిక్కల్ (0) ఔటయ్యాడు.
ట్రెంట్ బౌల్ట్ వేసిన మూడో ఓవర్‌లో రెండో బంతికి అతడు క్లీన్‌బౌల్డ్ అయ్యాడు.
3 ఓవర్లకు లఖ్‌నవూ స్కోరు 11/2. ఆయుష్ బదోని (1), కేఎల్ రాహుల్ (2) పరుగులతో ఉన్నారు.

24/03/2024 17:41(IST)

లఖ్‌నవూకు తొలి ఓవర్‌లోనే షాక్‌... డికాక్‌ ఔట్‌

తొలి ఓవర్‌లోనే లఖ్‌నవూకు షాక్‌ తగలింది. ఓపెనర్‌ క్వింటన్‌ డికాక్‌ (4) ఔటయ్యాడు.
ఇన్నింగ్స్‌ రెండో బంతికే బౌండరీ బాది ఊపు మీద కనిపించిన డికాక్‌ ఐదో బంతికి పెవిలియన్‌కి చేరాడు.
ట్రెంట్‌ బౌల్ట్‌ బౌలింగ్‌లో బౌండరీ దగ్గర నాండ్రీ బర్గర్‌కు క్యాచ్‌ ఇచ్చి వెనుదిరిగాడు.

24/03/2024 17:37(IST)

లఖ్‌నవూ ఇన్నింగ్స్‌ ప్రారంభం... ఇంపాక్ట్‌గా బర్గర్‌

194 పరుగుల లక్ష్యంతో లఖ్‌నవూ బరిలోకి దిగింది.
క్వింటన్‌ డికాక్‌, కేఎల్‌ రాహుల్‌ ఓపెనర్లుగా వచ్చారు.
రాజస్థాన్‌ ఇంపాక్ట్‌ ప్లేయర్‌గా నాండ్రీ బర్గర్‌ వచ్చాడు. హెట్‌మయర్‌ స్థానంలో తీసుకున్నారు.

24/03/2024 17:23(IST)

Rajasthan vs Lucknow: మెరిసిన శాంసన్‌, రియాన్‌ పరాగ్.. లఖ్‌నవూ టార్గెట్ 194

లఖ్‌నవూతో జరుగుతున్న మ్యాచ్‌లో రాజస్థాన్‌ భారీ స్కోరు సాధించింది.
నిర్ణీత 20 ఓవర్లలో 4 వికెట్ల నష్టానికి 193 పరుగులు చేసింది.
సంజు శాంసన్ (82*; 52 బంతుల్లో 3 ఫోర్లు, 6 సిక్స్‌లు) అద్భుతమైన ఇన్నింగ్స్‌తో ఆకట్టుకున్నాడు.
రియాన్‌ పరాగ్ (43; 29 బంతుల్లో 1 ఫోర్, 3 సిక్స్‌లు) దూకుడుగా ఆడాడు.
ఓపెనర్లు యశస్వి జైస్వాల్ (24; 12 బంతుల్లో 3 ఫోర్లు, 1 సిక్స్‌), జోస్ బట్లర్ (11; 9 బంతుల్లో 2 ఫోర్లు) దూకుడుగా ఆడిన ఎక్కువసేపు క్రీజులో నిలవలేకపోయారు.
ధ్రువ్‌ జురెల్ (20*) పరుగులు చేయగా.. హెట్‌మయర్‌ (5) నిరాశపర్చాడు.
లఖ్‌నవూ బౌలర్లలో నవీనుల్‌ హక్‌ 2, రవి బిష్ణోయ్‌, మోసిన్‌ ఖాన్‌ ఒక్కో వికెట్ పడగొట్టారు.

24/03/2024 17:13(IST)

Rajasthan vs Lucknow: దూకుడుగా ఆడుతున్న సంజు శాంసన్

ఓవర్లు తరిగిపోతుండటంతో సంజు శాంసన్‌ దూకుడు పెంచాడు.
యశ్ ఠాకూర్‌ వేసిన 18 ఓవర్‌లో 13 పరుగులు రాగా.. చివరి బంతికి లభించిన ఫ్రీ హిట్‌ని శాంసన్‌ సిక్సర్‌గా మలిచాడు.
18 ఓవర్లకు స్కోరు 171/4. శాంసన్‌ (72), ధ్రువ్‌ జురెల్ (10) పరుగులతో ఉన్నారు.

24/03/2024 17:03(IST)

Rajasthan vs Lucknow: హెట్‌మయర్‌కు చెక్‌ పెట్టిన రవి బిష్ణోయ్

రాజస్థాన్‌ నాలుగో వికెట్ కోల్పోయింది. హెట్‌మయర్‌ (5) ఔటయ్యాడు.
రవి బిష్ణోయ్‌ వేసిన 17 ఓవర్‌లో మూడో బంతికి వికెట్ కీపర్‌ రాహుల్‌కు క్యాచ్‌ ఇచ్చాడు.
తర్వాత వచ్చిన ధ్రువ్‌ జురెల్ (8) చివరి బంతికి సిక్స్‌ బాదాడు.
17 ఓవర్లకు స్కోరు 158/4. సంజు శాంసన్ (62) పరుగులతో ఉన్నారు.

24/03/2024 16:53(IST)

Rajasthan vs Lucknow: హాఫ్‌ సెంచరీ మిస్‌ చేసుకున్న రియాన్‌ పరాగ్

రియాన్‌ పరాగ్ (43) హాఫ్‌ సెంచరీ మిస్‌ చేసుకున్నాడు.
నవీనుల్ హక్‌ వేసిన 15 ఓవర్‌లో నాలుగో బంతికి సిక్స్‌ బాదిన అతడు.. తర్వాతి బంతికి దీపక్‌ హుడాకు చిక్కాడు.
దీంతో 142 పరుగుల వద్ద రాజస్థాన్‌ మూడో వికెట్ కోల్పోయింది.
15 ఓవర్లకు స్కోరు 143/3. హెట్‌మయర్‌ (1), సంజు శాంసన్‌ (59) పరుగులతో ఉన్నారు.

24/03/2024 16:47(IST)

Rajasthan vs Lucknow: భారీ స్కోరు దిశగా రాజస్థాన్‌

లఖ్‌నవూతో జరుగుతున్న మ్యాచ్‌లో రాజస్థాన్‌ భారీ స్కోరు చేసేలా కనిపిస్తోంది.
అర్ధ శతకం పూర్తి చేసుకున్న ఆ జట్టు కెప్టెన్‌ సంజు శాంసన్ దూకుడు కొనసాగిస్తున్నాడు.
యశ్ ఠాకూర్‌ వేసిన 14 ఓవర్‌లో 9 పరుగులు రాగా.. శాంసన్‌ ఓ ఫోర్ బాదాడు.
14 ఓవర్లకు స్కోరు 128/2. శాంసన్‌ (58), రియాన్‌ పరాగ్ (32) పరుగులతో ఉన్నారు.

24/03/2024 16:40(IST)

Rajasthan vs Lucknow: హాఫ్‌ సెంచరీ బాదిన సంజు శాంసన్‌

సంజు శాంసన్ 33 బంతుల్లో అర్ధ శతకం పూర్తి చేసుకున్నాడు.
రవి బిష్ణోయ్‌ వేసిన 13 ఓవర్లో మొదటి బంతికి అతడు ఫోర్ బాదాడు.
13 ఓవర్లకు స్కోరు 119/2. శాంసన్‌ (51), రియాన్ పరాగ్ (31) పరుగులతో ఉన్నారు.

24/03/2024 16:35(IST)

Rajasthan vs Lucknow: అర్ధ శతకం దిశగా సంజు శాంసన్‌

రాజస్థాన్‌ కెప్టెన్‌ సంజు శాంసన్‌ అర్ధ శతకం దిశగా పయనిస్తున్నాడు.
కృనాల్ పాండ్య వేసిన 12 ఓవర్‌లో ఆరు పరుగులు వచ్చాయి.
12 ఓవర్లకు స్కోరు 110/2. శాంసన్‌ (44), రియాన్‌ పరాగ్ (29) పరుగులతో ఉన్నారు.

24/03/2024 16:29(IST)

Rajasthan vs Lucknow: సగం ఓవర్లు పూర్తి.. పటిష్ట స్థితిలో రాజస్థాన్‌

కృనాల్ పాండ్య వేసిన 10 ఓవర్‌లో ఐదు పరుగులు వచ్చాయి.
10 ఓవర్లు ముగిసేసరికి రాజస్థాన్‌ 89/2 స్కోరుతో పటిష్ట స్థితిలో ఉంది.
సంజు శాంసన్ (35), రియాన్‌ పరాగ్ (17) పరుగులతో ఉన్నారు.

24/03/2024 16:25(IST)

Rajasthan vs Lucknow: జోరు పెంచుతున్న సంజు శాంసన్

రాజస్థాన్‌ కెప్టెన్ సంజు శాంసన్‌ జోరు పెంచాడు.
యశ్‌ ఠాకూర్‌ వేసిన తొమ్మిదో ఓవర్‌లో చివరి రెండు బంతులను స్టాండ్స్‌లోకి పంపాడు.
ఇదే ఓవర్‌లో రెండో బంతిని రియాన్‌ పరాగ్ కూడా సిక్సర్‌గా మలిచాడు.
దీంతో ఈ ఓవర్లో మొత్తం 21 పరుగులు వచ్చాయి.
శాంసన్ (33), రియాన్ పరాగ్ (15) పరుగులతో ఉన్నారు.

24/03/2024 16:18(IST)

Rajasthan vs Lucknow: నిలకడగా ఆడుతున్న రాజస్థాన్‌ బ్యాటర్లు

రాజస్థాన్‌ బ్యాటర్లు నిలకడగా ఆడుతున్నారు.
రవి బిష్ణోయ్‌ వేసిన ఏడో ఓవర్‌లో ఐదు రన్స్‌ రాగా.. కృనాల్ పాండ్య వేసిన తర్వాతి ఓవర్‌లో నాలుగు పరుగులు వచ్చాయి.
8 ఓవర్లకు స్కోరు 63/2. సంజు శాంసన్‌ (21), రియాన్ పరాగ్ (6) పరుగులతో ఉన్నారు.

24/03/2024 16:05(IST)

Rajasthan vs Lucknow: యశస్వి జైస్వాల్ ఔట్.. రాజస్థాన్‌ రెండో వికెట్

రాజస్థాన్‌ రెండో వికెట్ కోల్పోయింది. యశస్వి జైస్వాల్ (24; 12 బంతుల్లో) ఔటయ్యాడు.
నవీనుల్ హక్‌ వేసిన నాలుగో ఓవర్‌లో ఎనిమిది పరుగులు వచ్చాయి.
మోసిన్‌ ఖాన్‌ వేసిన ఐదో ఓవర్‌లో సంజు శాంసన్‌ ఓ ఫోర్, సిక్స్‌ బాదాడు.
ఇదే ఓవర్‌లో యశస్వి జైస్వాల్ ఐదో బంతికి సిక్స్‌ కొట్టి చివరి బంతికి భారీ షాట్‌కు యత్నించి కృనాల్ పాండ్యకు చిక్కాడు.
5 ఓవర్లకు స్కోరు 49/2.

24/03/2024 15:52(IST)

Rajasthan vs Lucknow: వరుసగా రెండు ఫోర్లు కొట్టిన యశస్వి జైస్వాల్

మోసిన్ ఖాన్‌ వేసిన మూడో ఓవర్‌లో 11 పరుగులు వచ్చాయి.
మొదటి రెండు బాల్స్‌కు సింగిల్స్‌ రాగా.. మూడు, నాలుగు బంతులను యశస్వి జైస్వాల్ (11) బౌండరీకి పంపాడు.
3 ఓవర్లకు స్కోరు 24/1. సంజు శాంసన్‌ (1), జైస్వాల్ (11) పరుగులతో ఉన్నారు.

24/03/2024 15:47(IST)

Rajasthan vs Lucknow: రెండు ఫోర్లు బాది ఔటైన జోస్ బట్లర్

రాజస్థాన్‌ రెండో ఓవర్‌లోనే తొలి వికెట్ కోల్పోయింది.
నవీనుల్‌ హక్‌ వేసిన ఈ ఓవర్‌లో రెండు ఫోర్లు బాదిన జోస్‌ బట్లర్ (11) చివరి బంతికి వికెట్‌ కీపర్‌ రాహుల్‌కు క్యాచ్‌ ఇచ్చాడు.
2 ఓవర్లకు స్కోరు 13/1. యశస్వి (1) క్రీజులో ఉన్నాడు.

24/03/2024 15:11(IST)

Rajasthan vs Lucknow: రాజస్థాన్‌తో మ్యాచ్‌.. లఖ్‌నవూ టీమ్‌ ఇదే

దేవదత్ పడిక్కల్‌, డికాక్ (వికెట్ కీపర్), ఆయుష్‌ బదోని, కేఎల్ రాహుల్ (కెప్టెన్‌), నికోలస్‌ పూరన్, మార్కస్ స్టొయినిస్‌, కృనాల్ పాండ్య, రవి బిష్ణోయ్, మోహ్‌సిన్‌ ఖాన్, నవీనుల్ హక్, యశ్‌ ఠాకూర్‌

24/03/2024 15:02(IST)

Rajasthan vs Lucknow: టాస్‌ నెగ్గి బ్యాటింగ్‌ ఎంచుకున్న రాజస్థాన్‌

లఖ్‌నవూతో మ్యాచ్‌లో రాజస్థాన్‌ టాస్‌ నెగ్గింది. ఆ జట్టు కెప్టెన్ సంజూ శాంసన్ తొలుత బ్యాటింగ్‌ ఎంచుకున్నాడు. లఖ్‌నవూ తరఫున దేవదత్‌ పడిక్కల్‌ ఈ సీజన్‌లో ఆడుతున్నాడు. టీమ్‌ క్యాప్‌ను అందుకొన్నాడు.

24/03/2024 14:59(IST)

లఖ్‌నవూతో మ్యాచ్‌.. యశస్వి జైస్వాల్ దూకుడు కొనసాగేనా?

రాజస్థాన్‌ తన సొంత మైదానంలో మ్యాచ్‌ ఆడనుంది. స్పెషల్‌ అట్రాక్షన్‌ మాత్రం యశస్వి జైస్వాల్, ధ్రువ్‌ జురెల్. భారత్‌ తరఫున అరంగేట్రం చేసి అదరగొట్టిన వీరిద్దరూ ఎలా ఆడతారనేది ఆసక్తికరంగా మారింది. ఇంగ్లాండ్‌తో టెస్టు సిరీస్‌లో అత్యధిక పరుగులు చేసిన బ్యాటర్‌గా యశస్వి నిలిచాడు. గత సీజన్‌లోనూ 14 మ్యాచుల్లో 625 పరుగులు సాధించాడు. వచ్చే జూన్‌లో జరగనున్న టీ20 ప్రపంచ కప్‌ కోసం ఈ టోర్నీలో ప్రదర్శన కీలకమవుతుందని అంతా భావిస్తున్న వేళ.. మెరుగ్గా ఆడితే చోటు దక్కించుకొనేందుకు ఎక్కువ అవకాశాలు ఉంటాయి. బౌలింగ్‌, బ్యాటింగ్‌ విభాగాల్లో పటిష్ఠంగా ఉండే రాజస్థాన్‌కు కాస్త లక్ కలిసిరావాలి. ఐపీఎల్‌ ప్రారంభ సీజన్‌ ఛాంపియన్‌గా అవతరించిన తర్వాత ఇప్పటి వరకు ఒక్కసారి కూడా టైటిల్‌ను దక్కించుకోలేకపోయింది. ఫైనల్‌ వరకూ వెళ్లినా నిరాశతో వెనుదిరిగింది. బౌలింగ్‌లో అశ్విన్‌, అవేశ్‌ ఖాన్, ట్రెంట్ బౌల్ట్‌, యుజ్వేంద్ర చాహల్, సందీప్‌ శర్మ కీలకం. వీరే కాకుండా ప్రసిధ్‌ కృష్ణ, తనుష్‌ కొటియన్. నాండ్రీ బర్గర్‌ వంటి ఆటగాళ్లూ ఉన్నారు.

24/03/2024 14:59(IST)

కేఎల్‌ రాహుల్‌పైనే దృష్టి..

లఖ్‌నవూ జట్టుకు స్టార్‌ క్యాంపెయినర్ కేఎల్ రాహుల్‌ అనడంలో సందేహం లేదు. ఇంగ్లాండ్‌తో టెస్టు సిరీస్‌ మధ్యలోనే గాయం కారణంగా వైదొలిగిన అతడు ఇప్పుడు ఈ లీగ్‌లో ఆడేందుకు వస్తున్నాడు. ఇటీవలే బీసీసీఐ ఫిట్‌నెస్‌పై స్పష్టత ఇవ్వడంతో మైదానంలోకి దిగేందుకు సిద్ధమవుతున్నాడు. ఐపీఎల్‌లో రాణించడమూ కేఎల్‌కు ముఖ్యమే. పొట్టి కప్‌లో స్థానం కోసం విపరీతమైన పోటీ ఉంది. దేవదుత్ పడిక్కల్, క్వింటన్‌ డికాక్, కృనాల్ పాండ్య, నికోలస్‌ పూరన్, స్టొయినిస్‌ బ్యాటింగ్‌లో కీలకం. ఆసీస్‌పై సంచలన స్పెల్‌తో అందరి దృష్టిని ఆకర్షించిన షామార్‌ జోసెఫ్‌ తొలిసారి భారీ లీగ్‌లో ఆడుతున్నాడు. కేల్‌ మయేర్, ఆయుష్‌ బదోనీ గత సీజన్‌లో పెద్దగా ఆకట్టుకోలేదు. ఈసారి ఫామ్‌లోకి రావడం లఖ్‌నవూ విజయాలకు అత్యంత అవసరం.

App

Rajasthan vs Lucknow: రాజస్థాన్ X లఖ్‌నవూ మ్యాచ్‌ లైవ్‌ అప్‌డేట్స్‌..

తాజా వార్తలు (Latest News)

దేవుడు న్యాయం పక్షానే ఉంటాడు: బ్రదర్‌ అనిల్‌

వీధి వ్యాపారిని కలిసిన మోదీ.. ఈ మోహిని గౌడ గురించి తెలుసా?

కెన్యాలో డ్యామ్ కూలి 40 మంది మృతి

ఈ క్రెడిట్‌ కార్డులతో బిల్లులు చెల్లిస్తున్నారా? మే 1 నుంచి అదనపు ఛార్జీ..!

వచ్చే వేలంలో అశ్విన్‌ అన్‌సోల్డ్.. వరల్డ్‌ కప్ జట్టులోనూ కష్టమే: సెహ్వాగ్

సీఏ పరీక్షల తేదీ మార్చాలని ‘పిల్‌’.. తోసిపుచ్చిన సుప్రీం కోర్టు

సుఖీభవ

చదువు