Breaking | Feedback | ePratibha | E-PAPER | Pratibha

Gujarat X Mumbai: గుజరాత్‌ vs ముంబయి... ఐపీఎల్‌ మ్యాచ్‌ లైవ్‌ అప్‌డేట్స్‌

గుజరాత్‌ (Gujarat), ముంబయి (Mumbai) మధ్య ఐపీఎల్‌ (IPL) మ్యాచ్‌ అహ్మదాబాద్‌లో జరుగుతోంది. ఆ మ్యాచ్‌ లైవ్‌ అప్‌డేట్స్‌ మీకోసం

Updated : 24 Mar 2024 19:07 IST

24/03/2024 23:20(IST)

Gujarat X Mumbai: ముంబయికి షాక్‌ ఇచ్చిన గుజరాత్

ముంబయితో జరిగిన ఉత్కంఠ పోరులో గుజరాత్ 6 పరుగుల తేడాతో విజయం సాధించింది.
169 పరుగుల లక్ష్యఛేదనలో ముంబయి 162/9కి పరిమితమైంది.
రోహిత్ శర్మ (43), డెవాల్డ్ బ్రెవిస్ (46) రాణించడంతో సునాయసంగా గెలిచేలా కనిపించిన ముంబయి.. అనుహ్యంగా వికెట్లు కోల్పోయి ఓటమిపాలైంది.
గుజరాత్‌ బౌలర్లలో ఒమర్జాయ్‌, ఉమేశ్‌ యాదవ్‌, స్పెన్సర్‌ జాన్సన్‌, మోహిత్‌ శర్మ రెండేసి వికెట్లు పడగొట్టగా.. సాయి కిషోర్‌కు ఒక వికెట్ దక్కింది.

24/03/2024 23:11(IST)

Gujarat X Mumbai: తిలక్ వర్మ (25) ఔట్.. ముంబయి ఆరో వికెట్

ముంబయి ఆరో వికెట్ కోల్పోయింది. తిలక్ వర్మ (25) ఔటయ్యాడు.
స్పెన్సర్‌ జాన్సన్‌ వేసిన 19 ఓవర్‌లో తొలి బంతికి సిక్స్ బాదిన తిలక్.. తర్వాతి బంతికే అభినవ్ మనోహర్‌కు క్యాచ్‌ ఇచ్చాడు.
ఇదే ఓవర్‌లో చివరి బంతికి కొయెట్జీ (1) బౌలర్‌కు క్యాచ్‌ ఇచ్చాడు.
ముంబయి విజయానికి 6 బంతుల్లో 19 పరుగులు అవసరం.

24/03/2024 23:07(IST)

Gujarat X Mumbai: టిమ్‌ డేవిడ్ (11) ఔట్.. ఉత్కంఠగా మారుతున్న మ్యాచ్‌

ముంబయి కీలక సమయంలో వికెట్లు కోల్పోతోంది.
టిమ్ డేవిడ్ (11) ఔటయ్యడు. మోహిత్ శర్మ వేసిన 18 ఓవర్‌లో చివరి బంతికి మిల్లర్‌కు చిక్కాడు.
18 ఓవర్లకు స్కోరు 142/5. ముంబయి విజయానికి 12 బంతుల్లో 27 పరుగులు అవసరం.

24/03/2024 22:51(IST)

Gujarat X Mumbai: హాఫ్‌ సెంచరీ మిస్ చేసుకున్న డెవాల్డ్ బ్రెవిస్‌

డెవాల్డ్ బ్రెవిస్ (46) అర్ధ శతకం చేజార్చుకున్నాడు.
15.5 ఓవర్‌కు మోహిత్ శర్మకు రిటర్న్‌ క్యాచ్‌ ఇచ్చాడు.
దీంతో ముంబయి 129 పరుగుల వద్ద నాలుగో వికెట్ కోల్పోయింది.
16 ఓవర్లకు స్కోరు 130/4. టిమ్‌ డేవిడ్ (1), తిలక్ వర్మ (18) పరుగులతో ఉన్నారు.

24/03/2024 22:33(IST)

Gujarat X Mumbai: రోహిత్ శర్మ (43) ఔట్.. ముంబయి మూడో వికెట్

రోహిత్‌ శర్మ (43) అర్ధ శతకం ముంగిట వెనుదిరిగాడు.
సాయి కిషోర్ వేసిన 12.1 ఓవర్‌కు వికెట్ల ముందు దొరికిపోయాడు.
దీంతో ముంబయి మూడో వికెట్ కోల్పోయింది.
13 ఓవర్లకు స్కోరు 112/3. తిలక్ వర్మ (4), డెవాల్డ్ బ్రెవిస్ (43) పరుగులతో ఉన్నారు.

24/03/2024 22:30(IST)

Gujarat X Mumbai: పోటాపోటీగా బౌండరీలు బాదుతున్న రోహిత్, బ్రెవిస్

ముంబయి బ్యాటర్లు పోటాపోటీగా బౌండరీలు బాదుతున్నారు.
మోహిత్ శర్మ వేసిన 12 ఓవర్‌లో 10 పరుగులు వచ్చాయి.
తొలి బంతికి డెవాల్డ్ బ్రెవిస్ (42) బౌండరీ బాదాడు.
12 ఓవర్లకు స్కోరు 107/2. రోహిత్‌ (43) పరుగులతో ఉన్నాడు.

24/03/2024 22:25(IST)

Gujarat X Mumbai: బ్రెవిస్ సూపర్ సిక్స్‌.. 100కు చేరువైన ముంబయి స్కోరు

డెవాల్డ్ బ్రెవిస్ స్వేచ్ఛగా షాట్లు ఆడుతున్నాడు. సాయి కిశోర్ వేసిన 12 ఓవర్‌లో ఐదో బంతికి కవర్స్‌ మీదుగా సూపర్‌ సిక్స్‌ బాదాడు.
11 ఓవర్లకు స్కోరు 97/2. రోహిత్ (41), బ్రెవిస్ (34) పరుగులతో ఉన్నారు.

24/03/2024 22:20(IST)

Gujarat X Mumbai: 10 ఓవర్లు పూర్తి.. దూకుడుగా ఆడుతున్న రోహిత్, బ్రెవిస్

ముంబయి బ్యాటర్లు రోహిత్ శర్మ (40), డెవాల్డ్ బ్రెవిస్‌ (26) దూకుడుగా ఆడుతున్నారు.
సాయి కిశోర్‌ వేసిన 9 ఓవర్‌లో ఏడు పరుగులు వచ్చాయి.
స్పెన్సర్‌ జాన్సన్‌ వేసిన పదో ఓవర్‌లో 17 పరుగులు వచ్చాయి.
తొలి బంతికి బ్రెవిస్ సిక్స్‌ బాదగా.. మూడో బంతికి రోహిత్ ఫోర్ కొట్టాడు.
10 ఓవర్లకు స్కోరు 88/2.

24/03/2024 22:12(IST)

Gujarat X Mumbai: నిలకడగా ఆడుతున్న ముంబయి బ్యాటర్లు

ముంబయి బ్యాటర్లు గత రెండు ఓవర్లలో 12 పరుగులు రాబట్టారు.
సాయి కిశోర్‌ వేసిన ఏడో ఓవర్‌లో మూడు పరుగులు వచ్చాయి.
రషీద్‌ఖాన్ వేసిన తర్వాతి ఓవర్లో డెవాల్డ్ బ్రెవిస్ (16) సిక్స్‌ బాదాడు.
8 ఓవర్లకు స్కోరు 64/2. రోహిత్ శర్మ (26) పరుగులతో ఉన్నాడు.

24/03/2024 22:01(IST)

Gujarat X Mumbai: పవర్‌ ప్లే పూర్తి.. ముంబయి స్కోరెంతంటే?

ముంబయి బ్యాటర్లు నిలకడగా ఆడుతున్నారు.
అజ్మతుల్లా వేసిన ఐదో ఓవర్‌లో ఆరు పరుగులు రాగా.. డెవాల్డ్ బ్రెవిస్ (6) ఓ బౌండరీ బాదాడు.
రషీద్‌ ఖాన్‌ వేసిన ఆరో ఓవర్‌లో రోహిత్‌ శర్మ (24) ఒక ఫోర్ రాబట్టాడు.
6 ఓవర్లకు ముంబయి స్కోరు 52/2.

24/03/2024 21:49(IST)

Gujarat X Mumbai: నమన్ ధీర్‌ (20) ఔట్.. ముంబయి రెండో వికెట్

దూకుడుగా ఆడే క్రమంలో నమన్ ధీర్ (20 ఔటయ్యాడు.
అజ్మతుల్లా వేసిన మూడో ఓవర్‌లో మొదటి రెండు బంతులకు అతడు ఫోర్లు బాదాడు.
మూడో బంతి వైడ్ కాగా.. తర్వాత మరో బౌండరీ రాబట్టాడు.
నమన్‌ ఐదో బంతిని లాంగాఫ్‌ మీదుగా స్టాండ్స్‌లోకి పంపాడు.
చివరి బంతికి వికెట్ల ముందు దొరికిపోయాడు. తొలుత అంపైర్‌ నాటౌట్‌ ఇవ్వగా.. గుజరాత్ డీఆర్‌ఎస్‌కు వెళ్లి ఫలితం రాబట్టింది.

24/03/2024 21:35(IST)

Gujarat X Mumbai: తొలి ఓవర్‌లోనే ముంబయికి షాక్‌.. ఇషాన్ కిషన్‌ డకౌట్

ఇన్నింగ్స్‌ తొలి ఓవర్‌లోనే ముంబయికి షాక్ తగిలింది. ఇషాన్‌ కిషన్ (0) పరుగుల ఖాతా తెరవకుండానే పెవిలియన్‌ చేరాడు.
అజ్మతుల్లా వేసిన 0.4 ఓవర్‌కు వికెట్‌కీపర్ సాహాకు క్యాచ్‌ ఇచ్చాడు.
1 ఓవర్‌ ముగిసేసరికి ముంబయి స్కోరు 2/1. నమన్‌ ధీర్‌ (1), రోహిత్ శర్మ (0) క్రీజులో ఉన్నారు.

24/03/2024 21:33(IST)

Gujarat X Mumbai: లక్ష్యఛేదనకు దిగిన ముంబయి.. టార్గెట్ 169

గుజరాత్ నిర్దేశించిన 169 పరుగుల లక్ష్యాన్ని ఛేదించేందుకు ముంబయి బరిలోకి దిగింది.
రోహిత్ శర్మ, ఇషాన్‌ కిషన్‌ ఓపెనర్లుగా వచ్చారు.
గుజరాత్ మోహిత్‌ శర్మను ఇంపాక్ట్ ప్లేయర్‌గా తీసుకుంది.
అజ్మతుల్లా ఒమర్‌జాయ్‌ మొదటి ఓవర్‌ వేస్తున్నాడు.

24/03/2024 21:17(IST)

Gujarat X Mumbai: రాణించిన సాయి సుదర్శన్‌.. ముంబయి టార్గెట్ 169

ముంబయితో జరుగుతున్న మ్యాచ్‌లో గుజరాత్ బ్యాటింగ్ ముగిసింది.
నిర్ణీత 20 ఓవర్లలో 6 వికెట్ల నష్టానికి 168 పరుగులు చేసింది. సాయి సుదర్శన్ (45) టాప్‌ స్కోరర్.
శుభ్‌మన్ గిల్ (31), రాహుల్ తెవాటియా (22), వృద్ధీమాన్‌ సాహా (19), ఒమర్‌జాయ్ (17), మిల్లర్‌ (12) పరుగులు చేశారు.
ముంబయి బౌలర్లలో బుమ్రా 3, కొయెట్జీ 2, పీయూష్‌ చావ్లా ఒక వికెట్ పడగొట్టారు.

24/03/2024 21:05(IST)

Gujarat X Mumbai: దూకుడుగా ఆడుతున్న రాహుల్ తెవాటియా

రాహుల్ తెవాటియా దూకుడుగా ఆడుతున్నాడు.
ల్యూక్‌ వుడ్ వేసిన 18 ఓవర్‌లో తొలి బంతికి సిక్స్‌ బాది అతడు.. మూడు, నాలుగు బంతులను బౌండరీకి పంపాడు.
18 ఓవర్లకు స్కోరు 154/5. తెవాటియా (18), విజయ్‌ శంకర్ (1) క్రీజులో ఉన్నారు.

24/03/2024 20:56(IST)

Gujarat X Mumbai: సాయి సుదర్శన్‌ (45) ఔట్.. గుజరాత్ 5 వికెట్లు డౌన్

సాయి సుదర్శన్ (45) ఔటయ్యాడు. బుమ్రా వేసిన 16.3 ఓవర్‌కు తిలక్‌ వర్మకు చిక్కాడు.
దీంతో గుజరాత్ ఐదో వికెట్ కోల్పోయింది. 17 ఓవర్లకు స్కోరు 135/5.
రాహుల్ తెవాటియా (1), విజయ్‌ శంకర్‌ (1) క్రీజులో ఉన్నారు.

24/03/2024 20:47(IST)

Gujarat X Mumbai: 15 ఓవర్లు పూర్తి.. హాఫ్‌ సెంచరీకి చేరువైన సాయి సుదర్శన్‌

హార్దిక్‌ పాండ్య వేసిన 15 ఓవర్‌లో 10 పరుగులు వచ్చాయి.
సాయి సుదర్శన్‌ (44) మూడో బంతికి బౌండరీ బాది అర్ధ శతకానికి చేరువయ్యాడు.
15 ఓవర్లకు స్కోరు 124/3. డేవిడ్ మిల్లర్ (4) పరుగులతో ఉన్నాడు.

24/03/2024 20:39(IST)

Gujarat X Mumbai: అర్ధ శతకంపై కన్నేసిన సాయి సుదర్శన్

సాయి సుదర్శన్‌ (36) అర్ధ శతకం దిశగా సాగుతున్నాడు. గెరాల్డ్ కొయెట్జీ వేసిన 14 ఓవర్‌లో అతడు ఓ బౌండరీ రాబట్టాడు.
అంతకుముందు జస్‌ప్రీత్‌ బుమ్రా 13 ఓవర్‌లో రెండు పరుగులు మాత్రమే ఇచ్చాడు.
14 ఓవర్లకు స్కోరు 114/3. డేవిడ్ మిల్లర్ (2) పరుగులతో ఉన్నాడు.

24/03/2024 20:30(IST)

Gujarat X Mumbai: అజ్మతుల్లా ఔట్ (17) ఔట్.. కొయెట్జీకి ఫస్ట్ వికెట్

ఐపీఎల్‌లో తొలి మ్యాచ్‌ ఆడుతున్న గెరాల్డ్ కొయెట్జీ మొదటి ఓవర్‌లోనే వికెట్ పడగొట్టాడు.
అతడు వేసిన ఇన్నింగ్స్‌ 12 ఓవర్‌లో చివరి బంతికి అజ్మతుల్లా ఒమర్‌జాయ్‌ (17) తిలక్‌ వర్మకు క్యాచ్‌ ఇచ్చాడు.
12 ఓవర్లకు స్కోరు 104/3.

24/03/2024 20:18(IST)

Gujarat X Mumbai: నిలకడగా ఆడుతున్న గుజరాత్.. 10 ఓవర్లు పూర్తి

శామ్స్‌ ములానీ వేసిన తొమ్మిదో ఓవర్‌లో మూడు పరుగులు వచ్చాయి.
నమన్ ధీర్‌ వేసిన 10 ఓవర్‌లో సాయి సుదర్శన్‌ (18), అజ్మతుల్లా ఒమర్‌జాయ్‌ (7) ఒక్కో బౌండరీ సాధించారు.
10 ఓవర్లకు స్కోరు 82/2.

24/03/2024 20:10(IST)

Gujarat X Mumbai: శుభ్‌మన్‌ గిల్‌ (31) ఔట్.. గుజరాత్ రెండో వికెట్

గుజరాత్ కీలకమైన వికెట్ కోల్పోయింది. కెప్టెన్ శుభ్‌మన్‌ గిల్ (31) ఔటయ్యాడు.
పీయూష్‌ చావ్లా వేసిన 7.4 ఓవర్‌కు గిల్‌.. లాంగాన్‌లో రోహిత్‌ శర్మకు చిక్కాడు.
8 ఓవర్లకు స్కోరు 66/2. సాయి సుదర్శన్ (8), అజ్మతుల్లా ఒమర్‌జాయ్‌ (1) క్రీజులో ఉన్నారు.

24/03/2024 20:00(IST)

Gujarat X Mumbai: కట్టుదిట్టంగా బౌలింగ్ చేసిన పీయూష్‌ చావ్లా

సీనియర్‌ స్పిన్నర్‌ పీయూష్‌ చావ్లా తన తొలి ఓవర్‌ పొదుపుగా బౌలింగ్ చేశాడు.
అతడు ఆరో ఓవర్‌ వేసి నాలుగు పరుగులు ఇచ్చాడు.
పవర్ ప్లే ముగిసేసరికి గుజరాత్ స్కోరు 47/1. సాయి సుదర్శన్ (4), శుభ్‌మన్‌ గిల్‌ (23) పరుగులతో ఉన్నారు.

24/03/2024 19:50(IST)

Gujarat X Mumbai: గుజరాత్‌కు షాక్‌ ఇచ్చిన జస్‌ప్రీత్‌ బుమ్రా

గుజరాత్ మొదటి వికెట్ కోల్పోయింది. వృద్ధీమాన్‌ సాహా (19) ఔటయ్యాడు.
జస్‌ప్రీత్‌ బుమ్రా వేసిన నాలుగో ఓవర్‌లో చివరి బంతికి సాహా క్లీన్‌బౌల్డ్ అయ్యాడు.
4 ఓవర్లకు స్కోరు 31/1. శుభ్‌మన్‌ గిల్ (11) పరుగులతో ఉన్నాడు.

24/03/2024 19:46(IST)

Gujarat X Mumbai: వరుసగా రెండు ఫోర్లు బాదిన వృద్ధీమాన్ సాహా

హార్దిక్‌ పాండ్య వేసిన మూడో ఓవర్‌లో తొమ్మిది పరుగులు వచ్చాయి.
మొదటి రెండు బంతులను వృద్ధీమాన్‌ సాహా (15) బౌండరీకి పంపాడు.
3 ఓవర్లకు స్కోరు 27/0. శుభ్‌మన్ గిల్ (11) పరుగులతో ఉన్నాడు.

24/03/2024 19:10(IST)

గుజరాత్‌ టైటాన్స్‌ వీరే!

శుభ్‌మన్‌ గిల్‌ (కెప్టెన్‌), వృద్ధిమాన్‌ సాహా, సాయి సుదర్శన్‌, విజయ్‌ శంకర్‌, డేవిడ్‌ మిల్లర్‌, రాహుల్‌ తెవాతియా, అజ్మతుల్లా ఒమర్జాయి, రషీద్‌ ఖాన్‌, ఉమేశ్‌ యాదవ్‌, సాయి కిషోర్‌, స్పెన్సన్‌ జాన్సన్‌

24/03/2024 17:22(IST)

కొన్ని గణాంకాలు

రోహిత్‌ శర్మ గత 30 ఇన్నింగ్స్‌ల్లో (ఐపీఎల్‌) 20 సార్లు పవర్‌ ప్లేలోనే ఔటయ్యాడు.
గతేడాది ఐపీఎల్‌లో మిడిల్‌ ఓవర్స్‌లో ముంబయి స్కోరింగ్‌ రేటు ఓవర్‌కి 9.1
140 కంటే ఎక్కువ వేగంతో బౌలింగ్‌ వేస్తే గుజరాత్‌ బ్యాటర్లు 156కి మించి స్ట్రయిక్‌ రేటుతో బ్యాటింగ్‌ చేశారు.

24/03/2024 17:16(IST)

తుది జట్లు (అంచనా)

ముంబయి

ఇషాన్‌ కిషన్ (వికెట్ కీపర్), హార్దిక్‌ పాండ్య (కెప్టెన్), రోహిత్ శర్మ, తిలక్ వర్మ, టిమ్‌ డేవిడ్, డెవాల్డ్ బ్రెవిస్, నెహాల్ వధేరా, నబీ, బుమ్రా, గెరాల్డ్‌ కొయిట్జీ, పీయూష్‌ చావ్లా

గుజరాత్

శుభ్‌మన్‌ గిల్ (కెప్టెన్), వృద్ధిమాన్ సాహా (వికెట్ కీపర్), సాయి సుదర్శన్, డేవిడ్ మిల్లర్, విజయ్ శంకర్, రాహుల్ తెవాతియా, షారుక్ ఖాన్, రషీద్ ఖాన్, జోషువా లిటిల్, మోహిత్ శర్మ, ఉమేశ్‌ యాదవ్

24/03/2024 17:15(IST)

వీళ్లపైనే ఆశలు

కెప్టెన్సీ కోల్పోయిన రోహిత్‌.. బ్యాటర్‌గా ఎలా రాణిస్తాడన్నది ఆసక్తికరం. ముంబయికి హార్దిక్‌, రోహిత్‌లతో పాటు బుమ్రా, తిలక్‌ వర్మ, ఇషాన్‌ కిషన్‌ కీలకం. మరోవైపు శుభ్‌మన్‌ గిల్‌ సారథ్యంలో బరిలోకి దిగుతున్న గుజరాత్‌.. కెప్టెన్‌తో పాటు విలియమ్సన్‌, మిల్లర్‌, రషీద్‌ ఖాన్‌, సాయి సుదర్శన్‌ల మీద ఆశలు పెట్టుకుంది.

24/03/2024 17:15(IST)

ఇటు హార్దిక్‌.. అటు గుజరాత్‌!

ఐపీఎల్‌-17లో మరో ఆసక్తికర పోరుకు రంగం సిద్ధమైంది. శనివారం రాత్రి గుజరాత్‌ టైటాన్స్‌ను ముంబయి ఇండియన్స్‌ ఢీకొనబోతోంది. గత రెండు సీజన్లలో గుజరాత్‌ను ఫైనల్‌ చేర్చడమే కాక, 2022లో టైటిల్‌ కూడా అందించిన ఆ జట్టు కెప్టెన్‌ హార్దిక్‌ పాండ్య.. ఈసారి ముంబయికి సారథ్యం వహిస్తుండడం విశేషం. మరోవైపు రోహిత్‌ను తప్పించి హార్దిక్‌కు పగ్గాలివ్వడం పట్ల అభిమానుల్లోనే కాదు.. జట్టు సభ్యుల్లోనూ ఆగ్రహ జ్వాలలు రేగినట్లు వార్తలొచ్చాయి. ఈ నేపథ్యంలో ఈ మ్యాచ్‌లో అందరి దృష్టీ హార్దిక్‌ మీదే నిలవనుంది. సహచరులతో అతను ఎలా సమన్వయం చేసుకుని జట్టును నడిపిస్తాడో చూడాలి.

App

Gujarat X Mumbai: గుజరాత్‌ vs ముంబయి... ఐపీఎల్‌ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

కెన్యాలో డ్యామ్ కూలి 40 మంది మృతి

ఈ క్రెడిట్‌ కార్డులతో బిల్లులు చెల్లిస్తున్నారా? మే 1 నుంచి అదనపు ఛార్జీ..!

వచ్చే వేలంలో అశ్విన్‌ అన్‌సోల్డ్.. వరల్డ్‌ కప్ జట్టులోనూ కష్టమే: సెహ్వాగ్

సీఏ పరీక్షల తేదీ మార్చాలని ‘పిల్‌’.. తోసిపుచ్చిన సుప్రీం కోర్టు

లండన్‌లోనూ డబ్బావాలా ఎఫెక్ట్‌: ఆనంద్‌ మహీంద్రా

జీవితంపై విరక్తి.. ఇద్దరు పిల్లలతో కలిసి తల్లి ఆత్మహత్య

సుఖీభవ

చదువు