AP ICET Rankers: ఏపీ ఐసెట్‌లో 96.71% ఉత్తీర్ణత.. టాప్‌ 10 ర్యాంకర్లు వీరే..

ఏపీ ఐసెట్‌ ఫలితాల కోసం క్లిక్‌ చేయండి

AP ICET Results| ఎస్కేయూ, అనంతపురం: ఏపీలో ఐసెట్‌ ఫలితాలు విడుదలయ్యాయి. అనంతపురంలోని ఎస్కే యూనివర్సిటీలో రాష్ట్ర ఉన్నత విద్యామండలి ఛైర్మన్‌ హేమచంద్రారెడ్డి ఈ ఫలితాలను విడుదల చేశారు. రాష్ట్ర వ్యాప్తంగా 44,447 మంది ICETకు హాజరు కాగా.. 42,984  మంది (96.71శాతం) అర్హత సాధించినట్లు ఆయన వెల్లడించారు.

కొలువు కొట్టాలంటే.. ఈ నైపుణ్యాలు కావాల్సిందే..!

ఐసెట్‌లో టాప్‌ 10 ర్యాంకర్లు వీరే..

ఎన్టీఆర్‌ జిల్లాకు చెందిన ఎ. క్రాంతికుమార్‌ 176.81 మార్కులతో తొలి ర్యాంకు సాధించగా.. గున్నం సాయి కార్తిక్‌ (తూర్పుగోదావరి జిల్లా) రెండో ర్యాంకు, సూరిశెట్టి వసంతలక్ష్మి (విశాఖపట్నం) మూడు, కడపన గణేష్‌ కుమార్‌ రెడ్డి (అనంతపురం) నాలుగు, సామిరెడ్డి తరుణ్‌ కుమార్‌ (విజయనగరం) ఐదో ర్యాంకు సాధించి సత్తా చాటారు. అలాగే, ఎస్‌. దశరథరామరెడ్డి (తూర్పుగోదావరి) ఆరో ర్యాంకులో నిలవగా.. కొర్లం శ్రీకుమార్‌ (శ్రీకాకుళం), పుచ్చా అనుపమ (తూర్పుగోదావరి) ఎనిమిది, దవనబోయన వెంకటేశ్‌ (అనంతపురం) తొమ్మిది, దొరై మునిశేషాద్రి గిరీష్‌ సాయి (చిత్తూరు) పదో ర్యాంకు సాధించారు.