APPSC: గ్రూప్‌-1 తుది ఫలితాలు వచ్చేశాయ్‌.. టాప్‌ 5 ర్యాంకర్లు వీరే..

అమరావతి: ఆంధ్రప్రదేశ్‌ రాష్ట్ర పబ్లిక్‌ సర్వీస్‌ కమిషన్‌ (ఏపీపీఎస్సీ) గ్రూప్‌-1 తుది ఫలితాలు విడుదలయ్యాయి. ఏపీపీఎస్సీ ఛైర్మన్‌ గౌతమ్‌ సవాంగ్ గురువారం సాయంత్రం ఫలితాలను విడుదల చేశారు. ఇంటర్వ్యూల అనంతరం ఉద్యోగాలకు ఎంపికైన వారి జాబితాను ఏపీపీఎస్సీ వెల్లడించింది. మొత్తం 111 గ్రూప్‌-1 ఉద్యోగాలకు గాను 259 మందిని ఇంటర్వ్యూలకు ఎంపిక చేశారు. వీరిలో 39 మందిని స్పోర్ట్స్‌ కోటాలో ఎంపిక చేశారు. ఎంపికైన అభ్యర్థులకు ఆగస్టు 2 నుంచి ఇంటర్వ్యూలు నిర్వహించారు. మొత్తం 16 విభాగాల్లో 110 పోస్టులకు అభ్యర్థులను ఎంపిక చేశారు. స్పోర్ట్సు కోటాలో ఒక పోస్టు నియామకంపై త్వరలో ప్రకటిస్తామని ఏపీపీఎస్సీ ఛైర్మన్‌ తెలిపారు. గ్రూప్‌-1లో తొలి 3 ర్యాంకులు మహిళా అభ్యర్థులే సాధించారు..

గ్రూప్-1లో టాప్‌ 5 ర్యాంకర్లు వీరే..

• మొదటి ర్యాంకు - భానుశ్రీ లక్ష్మీ అన్నపూర్ణ ప్రత్యూష
• రెండో ర్యాంకు - భూమిరెడ్డి భవాని
• మూడో ర్యాంకు - కంబాలకుంట లక్ష్మీ ప్రసన్న
• నాలుగో ర్యాంకు - ప్రవీణ్‌ కుమార్‌రెడ్డి 
• ఐదో ర్యాంకు - భాను ప్రకాష్ రెడ్డి