TRT 2024: కాలంతోపాటు స్థానంలో కలిగే మార్పు!

టీఆర్‌టీ 2024 - భౌతికశాస్త్రం

చలనం లేని విశ్వాన్ని ఊహించడం కష్టం. సూర్యుడి చుట్టూ గ్రహాలు తిరిగినా, ఊయల ఊగినా, కుట్టుమిషన్‌ కదిలినా, విల్లు నుంచి బాణం దూసుకెళ్లినా, తుపాకీ తూటా పేలినా, ఆఖరికి మనిషి నడిచినా, పరిగెత్తినా అన్నీ ఆ చలనం రూపాలే. భౌతికశాస్త్రం పరిభాషలో వస్తువు స్థితిలో కలిగే మార్పునే చలనం అంటారు. వస్తువులకు, వాటిపై పనిచేసే బలాలకు, దాని స్థితిలో ఏర్పడే మార్పులకు మధ్య సంబంధాన్ని చలనం వివరిస్తుంది. అందులో రకాలను ఉదాహరణలతో పోటీ పరీక్షార్థులు తెలుసుకోవాలి. చలనంతో సంబంధం ఉన్న కాలం, వేగం, దూరం, వాటిని కొలిచే ప్రమాణాలు, పరికరాలతోపాటు త్వరణం, భ్రమణ సూత్రాలపై అవగాహన పెంచుకోవాలి.