కరెంట్‌ అఫైర్స్‌

భారత్‌ ఏ సంవత్సరం నాటికి జపాన్‌ను అధిగమించి ప్రపంచంలో మూడో అతిపెద్ద ఆర్థిక వ్యవస్థగా అవతరించే అవకాశం ఉందని ఎస్‌ అండ్‌ పీ గ్లోబల్‌ మార్కెట్‌ ఇంటెలిజెన్స్‌ నివేదిక తాజాగా పేర్కొంది? (అప్పటికి భారత్‌ స్థూల దేశీయోత్పత్తి 7.3 ట్రిలియన్‌ డాలర్లకు చేరుతుందని సంస్థ అంచనా వేసింది. 2024, మార్చితో ముగిసే ఆర్థిక సంవత్సరంలో 6.2 శాతం నుంచి 6.3 శాతం శ్రేణిలో భారత్‌ ఎకానమీ వృద్ధి సాధిస్తుందని ఎస్‌ అండ్‌ పీ అంచనా వేసింది.)

జ: 2030

అంతరిక్ష రంగంలోని అంకుర సంస్థ స్కైరూట్‌ ఏరోస్పేస్‌ రాకెట్ల డిజైన్‌, తయారీ, పరీక్షలు, పరిశోధన కోసం కొత్త కేంద్రం ‘మ్యాక్స్‌ క్యూ’ను ఏ నగరంలో ప్రారంభించింది? (కేంద్ర శాస్త్ర సాంకేతిక, అంతరిక్ష వ్యవహారాల శాఖ సహాయ మంత్రి జితేంద్రసింగ్‌ ఈ కేంద్రాన్ని  ప్రారంభించారు.)

జ: హైదరాబాద్‌

అమెరికా ప్రతినిధుల సభ స్పీకర్‌గా ఇటీవల ఎవరు ఎన్నికయ్యారు? (స్పీకర్‌ పదవి నుంచి మెక్‌ కార్తీ తప్పుకోవడంతో ఈ ఎన్నిక నిర్వహించారు. లూసియానా నుంచి చట్టసభకు ప్రాతినిధ్యం వహిస్తున్న నూతన స్పీకర్‌కు విపక్ష రిపబ్లికన్లు అంతా మద్దతు పలకడంతో మొదటి బ్యాలెట్‌ పోరులోనే ఈయన స్పీకర్‌గా విజయం సాధించారు.)

జ: మైక్‌ జాన్సన్‌